Read lulogooli Jeremia 51 Bible Online

Jeremia 51 - lulogooli bible

Jeremia 51

¹Yahova a vola ndi: Henza, nda vukidza ku Babuloni, noku va menyanga ha Lebi-kamai, imbuudza i sambulanga.

²Kandi nda hila ku Babuloni avageni, avoku msesa; na va la kola kivala kyalyo ki ve vutswa; kigira va la va kuye tsimbega tsyosi ku lidiku lyekivi yikyo.

³Ku uyu a nyiranga ubuta wobuta a nyire buta bwibwe, noku uyu weginga mu isalamba yeye: mu ta leka avosoleli veve; mu twulidza ligali lihe lilye lyosi.

⁴Navo va la gwa ni va kudzi mu kivala kya Vaka lidei, nokutumitwa mmahasi gakyo.

⁵Kigira Israeli si ya lekwa, kinga Yuda, na Nyasaye wewe, Yahova wa mahe; kali kivala kyavo kizuye ubwoni ku Mutakatifu wa Israeli.

⁶Mwiruke kutwula hagati ha Babu loni, sa mulala yehonnye mwene; mu ta dividzirwa mu bwoni bwibwe: kigira i veye inyinga yelivanza kisalya kya Yahova; a la mu tunga litungwa.

⁷Babuloni ii veye kikombe kyetha habu mu mukono gwa Yahova, kya hambikidza lirova lyosi: tsihiri yitsyo tsi nweye amalwa galyo; kigira yago tsihiri yitsyo tsi laluki.

⁸Babuloni li gwiye nokudiva nonoho: mu li kupire tsikwili; mu vugule lunyasi kigira litsunwa lilye, mbula a duke kuhona.

⁹Kwinye nkano kwa ka honnya Babuloni, navutswa si a hona mba: mu mu leke, ku tsie sa mulala mu kivala kikye: kigira likalaga lilye li duki kali migulu, na li gingeywi kuduka mmalesi.

¹⁰Yahova a leti kyova ubulungi bwetu: hamba, ku landidze mu Zioni miyinzi gya Yahova Nyasaye wetu.

¹¹Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

¹²Mu singeridze ibendera ku madigi ga Babuloni, mu kole bulindi bwetsingulu, mu vike avalindi, mu lombe ava goneki: kigira Yahova u saaviye, nokukola aga ya vola ku yavo ava menyanga Babuloni.

¹³O ive u menyanga ku madzi manyingi wobunyingi bwelivikiru lya akiba kiheri kikyo ki duka, kigero kyeli kayirwa lilyo.

¹⁴Yahova wa mahe wesuhi ku mwoyo gwigwe, kuvola, Ligali ndizulitsa mu ive avandu, kuli lizula lyobudziriri; na va la hanzuka nokukupa lwanga ku ive.

¹⁵A lombi lirova yili nobunyali bwibwe, a dinyiridzi lirova nobugeeri bwibwe, kandi avambuye ligulu nelimanya lilye.

¹⁶Lwa a kupa lwanga lwilwe, ha veye nomuliviti gwa madzi manyingi migulu, a vuyidzanga ama lumbi kutwula ku tsintulu tsyelirova; a lombanga tsimpeni halala nembula, na a letanga imbuudza kutwula mu kyagi kikye.

¹⁷Mundu sa mulala u gwiye kuli inyama bugira limanya; mutuuli wethahabu sa mulala u leganyewi nekiiwananyi kikye; kigira kifwananyi kikye kyokwelonga ki veye bubehi, si vi veye nomwika muvyo.

¹⁸Vi veye vya vutswa, miyinzi gyobugadi: vi la diva ku inyinga yelihenzwa lyavyo.

¹⁹Kidieli kya Yakobo si ki veye kuli kyavyo; kigira uyu a veye mulombi wevindu vyosi; Israeli i veye ihiri yemiyandu gyigye: Yahova wa mahe nilyo lieta lilye.

²⁰Ive u veye imbadzi yokulwana yange nevyuma vyange vyobulwani: nda vugula ive kudonyannyira tsihiri yitsyo, nokudividzira ubwami;

²¹kandi nda vugula ive kudonyannyira iparasi na uyu u ninanga kuyo;

²²nda vugula ive kudonyannyira ligari na uyu u ninanga kulyo; nda vugula ive kudonyannyira musatsa nomukali; nda vugula ive kudonyannyira musakulu nomuyai; nda vugula ive kudonyannyira musoleli muyai nomukana;

²³kandi nda vugula ive kudonyannyira mwayi ne kyayo kikye; nda vugula ive kudonya nnyira u limanga netsing'ombe tsitsye; nda vugula ive kudonyannyira avagali navanyampara.

²⁴Nda tunga Babuloni na vosi ava venyanga Kalidei, nda va tunga ubudamano bwavo bwosi bwa va kola mu Zioni imbiri wetsimoni tsyenyu, Yahova a vola.

²⁵Henza, mbeye ku ive, O kigulu kyokudividza, Yahova a vola, ive wononnyanga lirova lyosi: nda nyira mukono gwange ku ive, na nda ku gomagominya hasi u twule mu magina, nokukola u ve kigulu kya sambwa nomuliru.

²⁶Na si va la vugula ku ive ligina lilala li ve lye ikona, kinga ligina li ve lyomuse; navutswa u la va hatswa madiku gosi, Yahova a vola.

²⁷Singeridza ibendera mu kivala, mu kupe kisiliva hagati hetsihiri, mu sone tsihiri kuye, mu lange ubwami bwa Ararati bu vunge halala kuye; na Mini, na Ashikenazu: mu vike umunene kuhing'ana naye; mu lete kuvo tsiparasi, tsyanegire kuli ubudziriri.

²⁸Mu sone tsihiri kuye, avami va Vamede, navagali vakyo, navanyampara vakyo vosi, nevivala vyavo vyosi.

²⁹Kivala ki degeranga, na ki veye nelitsunwa; kigira lisaavira lya Yahova lya saavira ku Babuloni li singiranga, kukola kivala kya Babuloni kuva vutswa, ki ta li nomundu u menya mukyo.

³⁰Avaluviriri va Babuloni va leki kulwana, va menya mu tsimpinga tsyavo; ubunyali bwavo bugehi kuvo; va gwiye kuli avakali: ubumenyo bwalyo bu sambeywi nomuliru; miluguyu gyalyo gyi vuniki.

³¹Munyaguli mulala a la nyagula kutsia kwagana nomunyaguli wundi, nomutumwa mu lala a la nyagula kwagana nowundi, va duka kumannya mwami wa Babuloni, lidala lilye li vuguywi yiyi neyiyi hosi:

³²tsinyambuku tsi gumeywi nonoho, na va sambi lihunzu, navandu velihe va nyoye ubutii.

³³Kigira Yahova wa mahe, Nyasaye wa Israeli, a vola ndi: Mukana wa Babuloni a veye kuli ulodze lu huulanga ubuswage ku inyinga yeliduvagwa yalwo, ha tigaye hakekeke inyinga yeligesa i la duka kuye.

³⁴Uyu Nebukadirezaru mwami wa Babuloni u mali kulia inze, nokunshonolonnya, u nkoli kiju kyere, u mali kummira kuli limira lyoguyoka, wizulitse inda yeye vindu vyange vinolu; u nteye kyova.

³⁵Uyu wa menya Zioni a la vola, kirage kya nda kolerwa, kyenyama yomubiri gwange ya kolerwa ki ve ku Babuloni; kandi Yerusalemi a la vola, Amasahi gange ga ve ku yavo ava menyanga Kalidei.

³⁶Kigira yaga Yahova a vola ndi: Henza, nda sola likuva lyange, na nda ku vanzira kisalya; nda kaminya inyanza yeye, na nda kaminya kise nukiru kya madzi kikye.

³⁷Babu loni li la va vitumi, li la va ubumenyo bwevibwe, li la genyerwa, nokukunukirwa, bugira kuva nowo kumenya mulyo.

³⁸Va la loka halala kuli ving'ang'a visoleli; nokuhuuma kuli avana veking'ang'a.

³⁹Lwa va ga li mulira, nda va lombera lisavo lyavo, na nda va hambikidza, va duke kusangala, noku gona tsindolo tsya kazozo, va vule kuvuka, Yahova a vola.

⁴⁰Nda va sulungutidza mu kinyenyero kuli avana vamagondi, kuli amagondi makole netsikole.

⁴¹Sheshaka ya gumirwa kuli ndi nelidzominywa lyelirova lya vugulwa nonoho kuli ndi Babuloni li gwiye hatswa hagati hetsihiri kuli ndi

⁴²Inyanza i duki ku Babuloni; u kunikeywi nobunyingi bweviguvuli vyayo.

⁴³Amadala gege ga gwiye vyanyi, kivala kyumu, ligendanyama, kivala ki ta veye nomundu u menya mukyo, kandi si ha veye nomwana womundu u vitanga ahimbi nalyo.

⁴⁴Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

⁴⁵Mwinye avandu vange mu twule hagati hehe, nokwehonnya avene sa mulala ku butima bululu bwa Yahova.

⁴⁶Mu ta kudza mwoyo, kandi mu ta tia kigira makuva ga la hulirwa mu kivala; kigira makuva ga ladza mu muhiga mulala, kandi lwenyima mu muhiga gundi makuva ga ladza, nekirage mu kivala, mwamehi ku mwamehi.

⁴⁷Kunangwa, henza, madiku gadza, na mugo nda kola likalaga ku vifwananyi vya vadzwa vya Babuloni; nekivala kyakyo kyosi ki la va isoni; navandu veve viitwa vosi va la gwa hagati hehe.

⁴⁸Hene yaho ligulu nelirova, nevindu vyosi vi veye mulyo, vi limba nobuyanzi ku Babuloni; kigira ava dividzi va ladza kuye kutwula ku luvega lya kasikasini, Yahova a vola.

⁴⁹Kuli Babuloni ya tsoma hasi aviitwa va Israeli, ni ndiyo ha BabuIoni va la gwa aviitwa avekivala yikyo kyosi.

⁵⁰Mwinye ava honi ku kivavi, mu tsie, mu ta singira mba; mwidzulitse Yahova kutwule ihale, na Yerusalemi lingire mu tsiganagani tsyenyu.

⁵¹Kwinye ku veye isoni, kigira ku hulive manyego; mmoni mwetu mu kunikeywi nekihenda I mwoyo: kigira avageni vingiye mu hatakatifu henyumba ya Yahova.

⁵²Kunangwa, henza, madiku gadza, Yahova a vola, mugo nda kola likalaga ku vifwananyi vivye vyokuvadzwa; nomu kivala kikye kyosi avatwa tsing'oma va la kenya.

⁵³Kali Babuloni ni yanegira igulu kuduka miguiu, kandi kali ni yelombera lugaga ku budiguluku bwetsingulu tsitsye, navutswa avokudividza va ladza kuye kutwula ku inze, Yahova a vola.

⁵⁴Mwoyo gwelilira li twulanga Babuloni, nelidividza linene li twulanga mu kivala kya Vakalidei

⁵⁵Kigira Yahova a dividza Babuloni, nokuheridza gu vule kuva mulyo kandi mwoyo munene, neviguvuli vyalyo vi la luuma kuli amadzi manene, liyoga lyemyoyo li twuli dzeywi:

⁵⁶kigira mudividzi u duki kuye, ku Babuloni, navaluviriri veve va gumeywi, ubuta bwavo bu vuniki; kigira Yahova a veye Nyasaye uelitunga, ligali a la tunga.

⁵⁷Kandi nda hambikidza vanene veve, navandu veve vobugeeri, navagali veve, navayampara veve, navaluviriri veve; va la gona tsindolo tsya kazozo si va la vulsa mba, Mwami a vola welieta lilye li veye Yahova wa mahe.

⁵⁸Yahova wa mahe a vola ndi: Amadigi ga Babuloni magalamu ga la tung'aminywa ligali, neviribwa vyalyo vya diguluka ligali vi la sambwa nomuliru; navandu va la nyankana mu miyinzi gya vutswa, netsihiri mu miyinzi gyomuliru; navo va la luha.

⁵⁹Likuva lya Jeremia muprofeti ya laga Seraia mwana wa Neria, mu ana wa Mahaseia, lwa ya tsia Babuloni halala na Zedekia mwami wa Yuda ku muhiga gwegine gwelyameha lilye. Seraia ya li musingeriri wenyumba.

⁶⁰Na Jeremia ya ng'oda mu kitabu ubudamano bwosi bu li duka ku Babuloni, makuva yaga gosi aga ng'odwa ku Babuloni.

⁶¹Jeremia ya volera Seraia, Ive lwa u duka Babuloni, hene yaho u henze u duke kusorna makuva yaga gosi,

⁶²na u vole, O Yahova, ive wa vola ku makuva ga hano, u la twulidza, ha vule kuva nekindu ki menya ho, mundu kinga inyama, navutswa ha la va hatswa mihiga nemihiga.

⁶³Na ga la duka, lwa u mala kusoma kitabu yiki, hene yaho u la ki boha ku ligina, nokukisigisa mmugera gwa Farati:

⁶⁴na u vole, Ni ndiyo Babuloni li la sikira, na li la vula kusenuka kandi, kigira ubudamano bwa ndi leta kulyo; navo va la luha. Makuva ga Jeremia ga duki kali hano.