Read lulogooli Jeremia 6 Bible Online

Jeremia 6 - lulogooli bible

Jeremia 6

¹Mwiruke mu hone, mwinye avana va Benjamini, mu twule mu Yerusalemi, mu kupe kisiliva mu Tekoa, nokuginga ibendera ku Bethhakerem; kigira budamano bu ku henzera ku luvega lwa kasikasini, nelidividza linene.

²Mukali mulahi nowesyaha, mukana wa Zioni, nda mu kalaga kumutwulidza.

³Avayi halala na vyayo vyavo va ladza kuye; va la singeridza mahema gavo himbi naye kumukumbiridza; va laya sa mulala mbugono bwibwe.

⁴Mu lombe ubulwani kuye; mu vuke, kwanegire inyinga yombasu hagati. Bayaye ku kwinye kigira mbasu gu simi, kigira viriri vyomgolova vi tambihi.

⁵Vuka, kwanegire inyi nga yobudiku, ku dividze tsinyumba tsitsyetsyobwami.

⁶Kigira Yahova va mahe a vola, Tema misala, mu lombe kitumi kuhing'ana ku Yerusalemi: yili ni lidala lyokulutwa; li veye nelidambidza lyere mulyo.

⁷Kuli kidaho ki senukidza amadzi gakyo manyingi, ni ndiyo lidala yili li senukidza ubudamano bwalyo: kirage neli lanya vi huleywi mulyo; ubulwaye netsing'oma vi veye imbiri wange kazozo.

⁸Wegidzwe, O Yerusalemi, gase mwoyo gwange gu lavukana nive ligali; gase nda kola ive kuva hatswa, kivala kyavandu va ta menya mu.

⁹Yahova wa mahe a vola, Va la dola mu luvuva vya ng'alwa vya Israeli kuli muzabibu: girunkannya mukono gugwo kandi kuli wagula mazabibu a vika mu vihinda.

¹⁰Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

¹¹Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

¹²Netsinyumba tsyavo tsi la va tsya vandu vandi, milimi gyavo navakali vavo halala; kigira nda nyira mukono gwa nge ku avandu vekivala, Yahova a vola.

¹³Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

¹⁴Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.

¹⁵Va lola tsisoni lwa va kola kivihiri? Auwa, si va lola tsisoni kali hakuzu, kandi si va nyala kuva isoni; kunangwa kigira yaga va la gwa mu yavo ava gwidzanga; lwa ndi duka kuvo va la tuulwa hasi, Yahova a vola.

¹⁶Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

¹⁷Nda singeridza ku mwinye avalindi, kurola, Mu hulire mwoyo gwekisiliva; navutswa va vola, Si ku la hulira mba.

¹⁸Ku nangwa kigira yaga mu hulire, mwinye tsihiri, mu manye, mwinye avelivugana, ni inkuva ki i veye hagati havo.

¹⁹U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

²⁰Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

²¹Kigira yaga Yahova a vola ndi, Henza, nda vika kyokwikigitalidza imbiri wavandu yava; avadada halala navana vavo va likigitala kukyo, mutende nomulina wewe va la diva.

²²Yahova a vola, Henza, avandu va twula mu kivala kya kasikasini; ihiri inene i la vukidzwa kutwula ku tsimbega tsyekiheri kyelirova.

²³Va gumira ubuta nelitimu; va veye avalulu, si va veye netsimbabasi mba; mwoyo gwavo gu luumanga kuli inyanza, na va nina ku tsiparasi tsyavo, sa indala ya lombwa kuli musatsa wobulwani, ku ive, mukana wa Zioni.

²⁴Ku huliye lusuma lwilwe; namakono getu ga gwa madedekere: litsunwa li ku gumiye, na lilumwa kuli mukali mu lilumwa lilye.

²⁵U ta tsia kyova mu mulimi, u ta genda ku inzira; kigira kivavi kyomusigu ki veye yo, na litihidza tsimbega tsyosi.

²⁶O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

²⁷Inze nkoli ive u ve kitaradze na impinga hagati ha vandu vange; u duke kumanya nokugeridza inzira yavo.

²⁸Yava vosi va veye avokugirunkana, ava tsitsanga yiyi na yiyi netsimbemba, va veye mugasa nekivya: va kolanga ubukyamu vosi.

²⁹Muguva gu huudza netsingulu; lisasi, muliru gu li dividzi: na ga vutswa va tsitsagil'la kusiiya; kigira avadamano si va twulidzeywi mba.

³⁰Avandu va la va langa amandu gefetha, kigira Yahova u va suye.