Read lulogooli Jeremia 8 Bible Online

Jeremia 8 - lulogooli bible

Jeremia 8

¹Inyinga yeyo, Yahova a vola, va la twulidza vigumba vyavami va Yuda, na vigumba vyavanene veve, na vigumba vyavasalisi, na vigumba vyavaprofeti, na vigumba vyavamenyi mu Yerusalemi, vi twule mu vilindwa vyavo;

²na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

³Na yavo ava tigala ku bwiko budamano yibu va la tovola likudza imbiri welivamwoyo, hosi ha nda va hila, Yahova wa mahe a vola.

⁴Kandi u la va volera, Yahova a vola ndi; Avandu va la gwa, na va vule kuvuka kandi? Mulala a Iz girunkana a tsie, na a la vula kwirana?

⁵Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

⁶Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

⁷Yee, ligungu lyombwerefu li manyanga tsinyinga tsyalvo tsya lagwa; nelikuuh; lyombulimu na iminyi, na ling'ohani vi henzanga inyinga yeliduka lyavyo; navutswa avandu vange si va manya liiaga lya Yahova.

⁸Mu volanga ndi, Kwinye ku veye nobugeeri, kandi lilaga lya Yahova ku veye nalyo? Navutswa, henza, ikalamu yobugadi ya vang'odi i kolanga ubugadi.

⁹Avandu vobugeeri va nyoye tsisoni, va timuki inkolo nokugumirwa: henza, va suye likuva lya Yahova; na va veye nobugeeri ki muvo?

¹⁰Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

¹¹Va honnyi ulugoma lwomukana wavandu vange hakekeke, nokuvola, Mirembe, mirembe; lwa mirembe gvi ta veye ho.

¹²Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

¹³Inze nda va dividza ligali, Yahova a vola: si ga la va ho mazabibu ku mizabibu, kinga amakuyu ku mikuyu, amatu ga la nila; kandi vindu vya nda va ha vi la gota.

¹⁴Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.

¹⁵Kwa henza ku nyole mirembe, navutswa ubulahi si bwadza mba: kwa henza inyinga yeli honya, nayo ya li ligenya.

¹⁶Na lisiala lyamolo ga tsiparasi tsitsye li hulirwa kutwula Dan: na ku mwoyo gwavetsingulu veve kivala kyosi ki degeranga; kigira va duka, nokudividza kivala na vyosi vi veye mukyo: lidala, na vosi ava menya mulyo.

¹⁷Kigira, henza, nda leta tsinzoka, nevihirigoma hagati henyu, tsi ta bugirira kukolerwa ubusegetiri: tsi la luma mwinye, Yahova a vola.

¹⁸Nkano nduki kwelemeridza ku livererera mwoyo gwange gu kudzi mu inze.

¹⁹Henza, mwoyo gwelilira lyomukana wavandu vange gu twulanga mkivala kye ihale ligali: Yahova si a veye mu Zioni? Mwami walyo si a veye mulyo? Kigira ki va vukidza ubutima buange nevifwananyi vyavo vya vadzwa, noku vindu vya vutsua vyobugeni?

²⁰Ligesa li viti, inyinga yo uluya i heri, na kwinye ku kikiri kuhonywa.

²¹Inze saliranga kigira lisalira lyomukana wavandu vange: mbeye nelisyoma; ubugenyi bu ng'umiye.

²²Si ha veye nolu nyasi mu Gileadi? Si a veye yo mwahi? Kigira ki ubulamu bwomkana wavandu vange bu vuli kwiranywa?