Read lulogooli Lisyoma lya Jeremia 4 Bible Online

Lisyoma lya Jeremia 4 - lulogooli bible

Lisyoma lya Jeremia 4

¹Duki ndi kubwoya ithahabu indahi ithahabu isiyeku ligali i girunkani Magina ga hatakatifu ga tebeywi ha kiheri kyenzira sa indala.

²Avana va Zioni avobuguli budi nyu, ava validzwa kuleng'ana nethahabu isiyeku, Ga duka ndi va validzwa kuva viju vyobudohi, miyinzi gyo mukono gwomulongi

³Kali vibwe vi twulidza tsimbeere, nokunyunnya avana vavyo: Mukana wa avandu vange u gwiye mudinyu, kuli maudo gomwigendanyama.

⁴Lulimi lwendanya i nunanga lu handirani mu kikalakula kigira ubuluhu: Avana vadoto va saavanga ubukima, na si ha veye nomundu u va megeranga.

⁵Ava litsanga vigasu va lekeywi veng'ine ku tsinzira tsyelidala: Ava vikanga tsingubo tsinzakanyu va hambani nesina.

⁶Ubudamano bwomukana wa ava ndu vange bu veye bunene kuvita ubwoni bwa Sodoma. Lya tung'aminywa kuli mu idagika indala, si ha veye nomukono gu vikwa kuye.

⁷Avanene veve va li avesiyeku kuvita likonza, va li avalavu kuvita maveere. Va li avakanyu mu mibiri gyavo kuvita magina makanyu, na lisiywa lyavo lya li kuli isafiro.

⁸Ligondo Iyavo li veye limwamu kuvita amanda; si va manyekananga ku tsinzira: Ligodo lyavo li handi ku vigumba vyavo; Iyumi, li gwiye kuli kisala.

⁹Yavo aviitangwa nekivavi va veye bulahi kuvita avenzala yiitanga; Kigira va niaye, va tumitwa hagati, kigira lidaka lya makuyu gemilimi.

¹⁰Makono ga vakali avetsimbabasi ga deki avana vavo avene; Va li vyokulia vyavo mu budivi bwomukana wa avandu vange.

¹¹Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

¹²Avami velirova si va suuvira, kinga vosi ava menyanga mu lirova Mudambidzi na musigu nkano va kingira mu viribwa vya Yerusalemi.

¹³Ga reye kigira ubwoni bwa vaprofeti veve, na budamano bwa vasalisi veve. Ava tahidza masahi ga valungi hagati hehe.

¹⁴Va voyavoya kuli vaboku mu tsinzira, va vikeywi budamano bwa masahi, Kuduka avandu si va nyala kudira tsingubo tsyavo.

¹⁵Mweyahule, mu tsie, ni ndiyo va kupa lwanga, Budamano mweyahule, mweyahule, mu ta dira mba Lwa viruka nokuvoyavoya, avandu va vola mu tsihiri yitsyo, Si va la menya yo kandi kuli avageni.

¹⁶Livihirirwa lya Yahova li va sundi ihale; si a la va henza kandi mba: Va vula kwelidza ku liva lya vasalisi, si va tovolannya ku vakulundu.

¹⁷Tsimoni tsyetu tsi kuvuki kulihenza likonywa lyetu lya vutswa: Mu lilindirira lyetu ku lindiriranga ihiri i ta nyala kuhonya.

¹⁸Va himanga tsinduvatiru tsyetu, si ku nyala kugenda ku sinzira tsyetu: Kiheri kyetu ki veye himbi, amadiku getu ga dukidzi livalidza lyago; kigira kiheri kyetu ki duki.

¹⁹Ava londereranga kwinye va li netsimbiru kuvita tsindidzu tsyomigulu: Va ku kunga ku vigulu, na va ku goneka mwigendanyama.

²⁰Miyika gya umolo getu, wa Yahova ya mu vaka maguta, ya gumirwa mu bogo bwavo; Wa kwa vola kuye, Ku la menya isi wekiriri kikye hagati hetsihiri.

²¹U yanze, u sangale, O mukana wa Edom, u menya mu kivala kya Uzu: Kikombe ki la vita kuduka ku ive; u la hambika, nokwenavula kuva kyahonyo.

²²Lihebwa mageli lyobudamano bubwo bu duki, O mukana wa Zioni; si a la ku hila kandi mu lyadikidzwa: A ladza ku ubwoni bubwo, O mukana wa Edom, a la vambula ubwoni bubwo.