Read lulogooli Lisyoma lya Jeremia 5 Bible Online

Lisyoma lya Jeremia 5 - lulogooli bible

Lisyoma lya Jeremia 5

¹Widzulitse, O Yahova, vya duka ku kwinye: Henza, u lole linyegwa lyetu.

²Miyandu gyetu gyi girunkannyeywi kutsia ku vageni, Tsinyumba tsyetu tsi veye tsya avandu vandi.

³Ku veye avabisandu, ava ta li na vadada; Avamama vetu va veye kuli avakunzakali.

⁴Ku nwedzanga amadzi getu ga ku gulanga na ifetha Tsinku tsyetu ku gulidzangwa.

⁵Ava ku londerera va veye ku magoti getu Ku luhi, si ku lola bwelemeridzi mba.

⁶Ku heye Avaegepeti makono Na Avasuria, ku duke kwiguuta vyokulia.

⁷Avaguga vetu va kola ubwoni, na si va veye ho; Na kwinye ku gingi budamano bwavo.

⁸Avatumekiri vamehanga ku kwinye: Na si ha veye nomundu wokukuhonnya ku makono gavo.

⁹Ku nyolanga vyokulia vyetu ku lidambidza livamwoyo lyetu, Kigira kivavi kyomwigendanyama.

¹⁰Ligodo lyetu li veye limwamu kuli amahiga Kigira uluya lwenzala lu sambanga.

¹¹Vononnya vakali netsingulu mu Zioni, Avakana vagima mu madala ga Yuda.

¹²Avanene va sungwa ku mukono gwavo: Mumoni mwa avakulundu si mwidzominywa mba.

¹³Avasoleli va ginga lugina; Na avana vekigitala netsinku.

¹⁴Avakulundu va leka kutsia ha kiribwa, Avasoleli va honga kutsia kukina.

¹⁵Ubuyanzi bwomwoyo gwetu bufweye; Ubukino bwetu bu girunkani kuva lisyoma.

¹⁶Itaji yaguluki kutwula ku mitwe gyetu: O bayaye ku kwinye kigira ku koli ubwoni.

¹⁷Kigira yaga myoyo gyetu gyi kudzi; Kigira vindu yivi tsimoni tsyetu tsi mwami;

¹⁸Kigira kigulu kya Zioni, yiki kya lekwa vutswa: Vinywere vi tsitsanga yiyi na yiyi kukyo.

¹⁹Ive, O Yahova, u hindiranga mihiga nemihiga; Intebe yoyo i veye kutwula ku makula na makula.

²⁰Kigira ki u kwiviriranga madiku gosi; Nokukuleka inyinga yiyi intambi?

²¹U ku girunkannye ku ive, O Yahova, na ku la girunkannywa; Wirannye ubuhya ku madiku getu kuli ga matsyambiri.

²²Nawtswa u ku suye ligali; U veye nobutima bunene ku hvinye.