Read lulogooli Ezekieli 25 Bible Online

Ezekieli 25 - lulogooli bible

Ezekieli 25

¹Na likuva lya Yahova lya duka ku inze, kuvola,

²Ivemwana womundu, henzidza mmoni mumwo ku luvega lwa avana va Amon, u profete ku makuva gavo:

³u volere avana va Amon, Mu hulire likuva lyo Mwami Nyasaye: Mwami Nyasaye a vola ndi: Kigira wa vola, Aha, ku hatakatifu hange, lwa hononnywa; noku kivala kya Israeli, lwa kya kolwa hatswa; noku inyumba ya Yuda, lwa ya hilwa nokwadikidzwa:

⁴kigira yaga, henza, nda haana iva ku avana vevugwe u ve miyandu gyavo, na va la singeridza hokusosa havo mu ive, nokulomba ubumenyo bwavo mu ive; va la lia makuyu gogo, na va la nwa amaveere gogo.

⁵Na nda kola Raba kuva kego kyetsing'amia, navana va Amon nda va kola kuva hobusosero bwevyayo: na mu la manya inze mbeye Yahova.

⁶Kigira Mwami Nyasaye a vola: Kigira ive wa kong'onda amakono, nokukupa umuliviti nevirenge vivyo, nokusangala nelilega lyosi lyomwoyo gugwo ku kivala kya Israeli;

⁷kigira yaga, henza, mmali kunyira mukono gwange ku ive, na nda ku haana kuva vilanyi vyetsihiri; nda ku twulidza mu vandu, na nda ku dividza u vule kuva mu vivala yivyo kandi; nda ku heridza: na u la manya inze mbeye Yahova.

⁸Mwami Nyasaye a vola ndi: Kigira Moabu na Seiru va vola, Henza, inyumba ya Yuda i veye kuli tsihiri tsyosi;

⁹kigira yaga, henza, ndigula mbalu mwa Moabu kutwula ku madala, kutwula ku madala gege ga veye ku tsinzako tsitsye, ubukumi bwekivala yikyo, Bethjeshimothu, na Baalmeon, na Kiriathaim,

¹⁰ndi gulira avana vevugwe, ra duke kulwa na navana va Amon; na nda va haana va ve miyandu, avana va Amon va vule kwidzulirwa hagati hetsihiri:

¹¹na nda kola likalaga ku Moabuna va la manya inze mbeye Yahova.

¹²Mwarni Nyasaye a vola ndi: Kigira Edom ya kuhing'ana nenyumba ya Yuda kwevanzira kisalya, nokwingira mu mahyolo ligali, nokwevanzira kisalya kuvo;

¹³kunangwa Mwami Nyasaye a vola ndi, Nda nyira mukono gwange ku Edom, na nda twulidza mundu na mutugu kukyo; na nda ki kola hatswa kutwula Teman kuduka Dedan va la gwa ku kivavi.

¹⁴Na nda vika kisalya kyange ku Edom nomukono gwavandu vange sraeli; na va la kola mu Edom kuli ubutima bwange nelivihirirwa lyange; na va la manya kisalya kyange, Mwami Nyasaye a vola.

¹⁵Mwami Nyasaye a vola ndi: Kigira Vafilisiti va kola kwevanzira kisalya, na va mali kwevanzira kisalya nelilega lyemyoyo gyavo, kudividza nobusigu bwa madiku gosi;

¹⁶kigira yaga Mwami Nyasaye a vola ndi, Henza, nda nyira mukono gwange ku Vafilisiti, na nda twulidza Vakerethi, nokudividza litigala lyoluvega lwoluginga lwenyanza.

¹⁷Na nda vanzira kisalya kinene kuvo kuvagondokera nobululu; navo va la manya inze mbeye Yahova, lwa ndi vi ka kisalya kyange kuvo.