Read lulogooli Ezekieli 27 Bible Online

Ezekieli 27 - lulogooli bible

Ezekieli 27

¹Likuva lya Yahova lya duka ku inze kandi, kuvola,

²Na ive, mwana womundu, u syomere Turo;

³u volere Turo, O ive wa menyanga ha bwingiriru bwenyanza, ive u veye mukoli welikirannya lyavandu kuduka visulu vinyingi, Mwami Nyasaye a ku volera ndi: Ive, Turo, u voye, Inze mbeye mudukiru wobulahi.

⁴Tsinzako tsitsyo tsi veye hagati homwoyo gwenyanza; avombaki vovo va mali kudukidza ubulahi bubwo.

⁵Tsimbao tsitsyo tsyosi va tsi lomba nemisala gyemiberosi gyoku Seniru, va vugula mutaragwa ha Lebanon kukulombera mulage gwengu bo yeliato.

⁶Va lomba vivango vyobwato vivyo vyemisala gya Bashan; na vyokwikala vivyo va vi lomba na amino genzogu, ga twulanga mu ki sulu lya Kitim.

⁷Na ingubo yokugendidza yoyo ya li yekatani indahi yobung'olang'ole i twulanga Egepeti, i duke kuva ibendera ku ive; iblue nekiforosadi vi twulanga mu visulu vya Elisha lya li tsyokwe'inga kikyo.

⁸Ava menyanga Sidone na Arivadi nivo avaluganga amato gogo: avandu vovo avobugeeri, Ive Turo, va li mu ive, nivo ava li avimiriri vovo.

⁹Avasakulu va Gebali navandu veve avobugeeri va li mu ive avokuhomera ihula: amato gosi genyanza halala na avonyanza vago va li mu ive kutumekira vyokukirannya vivyo.

¹⁰Avanda ua Persia, na Ludi, na Putu, va veye avandu vovo avelihe avandu vovo vobulwani: va sunga ingavo nekigudu mu ive; va lolekidza ligondo lilahi lilyo.

¹¹Avasatsa va Arivadi halala nelihe lilyo va li ku madigi gogo tsimbega tsyosi, avaluviriri va li ku vitaladzi vivyo; va sunga tsingavo tsyavo ku madigi gogo tsimbega tsyosi; va dukidzi ubulahi bubwo.

¹²Tarshishi ya li mukirannyi wowo kigira ubunyingi bwobutugi bwetsing'ano netsing'ano: va kola vyokukirannya ku ifetha, na kivya, na libang'a, na lisasi, kunyola vindu vivyo vya gulidzwa.

¹³Javan, na Tubali, na Mesheki, yavo va li avakirannyi vovo: va gulidza mibiri gyavandu, neviju vyomugasa kuva vyokukira nnya vivyo.

¹⁴Yavo avenyumba ya Togarima va leta tsiparasi, na tsiparasi tsyobulwani, na tsinyumba kunyola viju vivyo vyokugulidzwa.

¹⁵Avandu va Dedan va li avakira nnyi vovo; visulu vinyingi vya li kitu kyomukono gugwo: va ku letera ami no getsinzogu nomuhaya kukirannya.

¹⁶Siria ya li mukirannyi wevindu vivyo kigira bunyingi bwevindu vivyo bwobusidza bwamakono gogo ga lomba: va leta amagina ga zumaradi, na kiforosadi, na tsingubo tsyobung'olang'ole, na katani indahi, na vigege vyomunyanza vyakanyu, na amagina makanyu kugula vindu vivyo.

¹⁷Yuda, na kivala kya Israeli va li avakirannyi vovo: va leta ingano ya Minithu, na vibagaga, na ubwuki, na amaguta, na ubani.

¹⁸Damasko ya li mukirannyi wowo kigira bunyingi bwevindu vivyo vyobusidza bwomukono gugwo gwa lomba, kigira ubu tugi tsing'ano netsing'ano; halala na waini ya Helibona, na bwoya bwama gondi bulavu.

¹⁹Vedan na Javan va leta ubugongo kugula vindu vivyo: kivya kya tulwa, na kida, na omudalasini, vya li mu vyokukirannya vivyo.

²⁰Dedan ya li mukirannyi wowo wetsingubo tsyobuguli budinyu tsyokuninira ku iparasi.

²¹Arabia, na avanene vosi Vakedari, va li avakirannyi vomukono gugwo; mu vana va magondi, na amagondi makole, na tsimbuli, va li vakirannyi vovo mu vivyo.

²²Avakirannyi va Sheba na Raama, va li avakirannyi vovo; va leta vyafunyanga muhomo mulahi kuvita vyosi, na amagina gobuguli bu dinyu ku tsing'ano tsyosi, nethahabu, kugula vindu vivyo.

²³Harani na Kane, na Edeni, avakirannyi va Sheba, na Ashuru na Kilimadi, va li avakirannyi vovo.

²⁴Yavo va li avakirannyi vovo mu viju vya li vi tovole, mu tsingubo tsyokwiyuhira tsyeblue netsingubo tsing'olang'ole, namasanduku getsingubo tsyobuku mi, aga bofwa nemigoye, nokulombwa nemisala gyemitaragwa, mu vyokukirannya vivyo.

²⁵Amato ga Tarshishi ga li avagingi vokuginga vyokukirannya vivyo: na vizula du nokukuminywa ligali mu mwoyo gwenyanza.

²⁶Avalugi vovo vamato va ku leta mu amadzi manene: imbuudza yevugwe i mali kukuvunanyira mu mwoyo gwenyanza.

²⁷Ubutugi bubwo, neviju vivyo, nevyokukirannya vivyo, navo avenyanza vovo, navimiriri vo vo, navahomi vovo, na ava tumekiranga mu vyokukirannya vivyo, navandu vovo velihe vosi, ava veye hagati hoho, halala ne lihe lilyo lyosi li veye mu ive, va la gwa mu mwoyo gwetsinyanza mu lidiku lyelidiva lilyo.

²⁸Tsisoma tsitsyo tsi la degera ku lwanga lwelilira lyavimiriri vovo.

²⁹Navo ava tumekira kivango, avenyanza, navimiriri vosi vomunyanza va lika kutwula mu mato gavo; va la singira mkivala kyumu,

³⁰na va la kola myoyo gyavo gyi hulirwe ku ive, na va la lira nobululu, nokweyuhira ulugukyi ku mitwe gyavo; va la galagala mu ligoke:

³¹va lekola avene avevyole kigira ive, no kweboha tsingubo tsyamagunia mu vikenge, nokukulirira nobululu bwomwoyo nelisyomalyobululu.

³²Na mu lilira lyavo va la syomera ive, ni va vola, Ni bwaha u veye kuli Turo, kuli uyu wa kiring'anywa hagati he nyanza?

³³Lwa viju vivyo vya twula mu inyanza, lwa wizulitsa avandu vanyingi; wa kola avatugi yavo avami velirova ku bunyingi bwobutugi bubwo nevyokukirannya vivyo.

³⁴Inyinga inyanza ya ku vunannya mu luliva lwa madzi manyingi, vyokukirannya vivyo nelihe lilyo vyosi vya gwa hagati hoho.

³⁵Avamenyi mu visulu vosi va genya kigira ive navami vavo va tia ligali; va veye nekivi mu ligondo lyavo.

³⁶Avakirannyi hagati ha vandu va ku ku nukiranga: u gwiye litihidza, na si u la va ho kandi mihiga nemihiga mba.