Read lulogooli Ezekieli 31 Bible Online

Ezekieli 31 - lulogooli bible

Ezekieli 31

¹Na ga duka mu muhiga gweli kumi na mulala, ku mu) eli gwe gyivaka ku lidiku lyokutanga lyo mweli, likuva lya Yahova lya duka ku inze, kuvola,

²Ive mwana womu ndu, u teve Farao mwami wa Egepeti, na ubunyingi bwavandu veve: Ive u veye ku lugano lwa bwaha mu bunene bubwo?

³Henza, Muasuria ya li mutaragwa mu Lebanon gwetsisya tsindahi, nogwekiriri kinene nekitambi; na kuntongi kwagwo kwa li hagati hetsisaga tsindiduhu.

⁴Ama dzi ga gu lageridza, ululiva lwa gu virukidza: migera gyalwo gya kumbiridza ha gwa simikwa; nemigerera gyigyo gya tsia ku misala gyosi gwomu mulimi.

⁵Kigira yaga liduka lyagwo lya kuminywa kuvita misala gyosi gyomulimi; netsisya tsyagwo tsya medeka kuva tsinyingi, netsisya tsyagwo tsya gwa tsintambi kigira madzi manyingi, lwa gwa sibukidza.

⁶Amanyonyi gosi agombwe refu gombaka vyaliira vyago mu tsisaga tsyagwo; kandi isi wetsisya tsyagwo tsinyama tsyosi tsyomige ndanyama tsivulira mu avana vatsyo; netsihiri tsyosi tsinene tsya menya isi wekiriri kyagwo.

⁷Kunangwa gwa li mulahi ligali mu bunene bwagwo, mu butambi bwetsisya tsyagwo; kigira kitinya kyagwo kya li himbi namadzi manyingi.

⁸Mitaragwa gya li mu mulimi gwa Nyasaye si gya nyala kuguvisa; miberosi si gya fwanana netsisaga tsyagwo, na miamosi si gya fwanana netsisya tsyagwo; kandi si ha li ho nomusala kali mulala mu mulimi gwa Nyasaye gwa fwanana nobulahi bwagwo mba.

⁹Nda gu lomba kuva mulahi ligali kigira ubunyingi bwetsisya tsyagwo, kuduka misala gyosi gya Eden, gya li mu mu limi gwa Nyasaye, gya gu kendekera.

¹⁰Kigira yaga Mwami Nyasaye a vola ndi: Kigira ive u kuminywa ku liduka lilyo, na ya vika intongi yeye hagati hetsisaga tsindiduhu, nomwoyo gwigwe gwa gingwa igulu mu butambi bwibwe;

¹¹nda mu vika mmukono gwomunene wetsihiri; Iigali a la mu kolera; mmali kumukunga a twule kigira ubudamano bwibwe.

¹²Navageni, avatihidzi avetsihiri, va mu kalaga a twule, nokumuleka: tsisya tsitsye tsya gwa mu vigulu, nomu mavona gosi, ma tsisaga tsitsye tsya vunika himbi nemigerera gyosi gyekivala; navandu vosi velirova va sulunguta kutwula mu kiriri kikye, na va mu leka.

¹³Manyonyi gosi gombwerefu ga menya mu kyanyi kyikye, na tsinyama tsyosi tsyomwigendanyama tsi la va ku tsisya tsitsye;

¹⁴kuduka misala gyosi gu ta va ho kali mulala mu misala gyosi gya himbi namadzi manyingi gu nyala kwekuminya ku liduka lyagwo, kinga kuvika intongi yagwo mu tsisaga tsindiduhu, kandi avaluviriri vavo va ta singira mu butambi bwavo, kuduka yavo vosi ava nwedzanga madzi: kigira va twulidzwa va tsie mu likudza, va tsie hasi ligali mu lirova, hagati ha avana vavandu, halala na yava avikanga mu bogo.

¹⁵Mwami Nyasaye a vola ndi: Mu lidiku lya ya sulunguta kutsia mu Kihadisi nda leta lisyoma: nda mu kunikira luliva, nda gaya migera gyalwo; namadzi manene ga gaywa; na nda kola Lebanon kusyoma kigira uyu, na misala gyosi gyommulimi gya kudza mwoyo kigira uyu.

¹⁶Nda kola tsihiri kudegera ku muliviti gweligwa lilye, lwa nda mu sigisa mu Kihadisi halala na yavo avikanga mbogo; nemisala gyosi gya Edeni, nemisala mitovole nemilahi gya Lebanon, gyosi gyi nwedzanga amadzi, gya leminywa mwoyo hasi mu lirova.

¹⁷Yavo kandi va sulunguta kutsia mu Kihadisi halala naye kutsia ku yavo aviitwa nekivavi; yee, yava ava li makono gege, ava menya mu kiriri kikye hagati hetsihiri.

¹⁸Ive u fwanana na bwaha mu bukumi nomubunene, hagati hemisala gya Edeni? Navutswa u likidzwa hasi mu lirova halala nemisala gya Edeni: u la gona hagati ha vasindi halala na viitwa nekivavi. Uyu niye Farao nobunyingi bwavandu veve, Mwami Nyasaye a vola.