Read lulogooli Ezekieli 41 Bible Online

Ezekieli 41 - lulogooli bible

Ezekieli 41

¹Na ya mbila ku litempeli, na ya gera vigutu, ubugalamu bwa li ligera lyamakono gatano na mulala ku luvega lulala, na bugalamu bwa li ligera lyamakono gatano na mulala ku luvega lundi, bwa li ubugalamu bwelihema.

²Na ubugalamu bwobwingiriru bwa li ligera lyamakono likumi; na ku tsimbega tsyobwingiriru tsya li ligera lyamakono gatano ku luvega yilu, na ligera lyamakono gatano ku luvega lundi: na ya gera ubutambi bwalyo ligera lyamakono makumi galne, na ubugalamu bwa li ligera lyamakono makumi gaviri.

³Ma ya tsia ku luvega lwomugati, na ya gera kigutu kyobwingiriru sa kilala, ligera lyamakono gaviri; na bwingiriru bwene, ligera lyamakono gatano na mulala; na ubugalamu bwobwingiriru, ligera lyamakono gatano na gaviri.

⁴Ya gera ubutambi bwabwo, ligera lyamakono makumi gaviri, na ubugalamu bwabwo, ligera lyamakono makumi gaviri, imbiri welitempeli: na ya mbolera, Hano ha veye hatakatifu hobutakatifu.

⁵Ma ya gera lidigi lyenyumba, ligera lyamakono gatano na mulala; na ubugalamu bwekigodola kyombalu sa kilala, ligera lyamakono gane, vya kumbiridza inyumba tsirnbega tsyosi.

⁶Na vigodola vyombalu vya li netsinyunmba tsya igulu tsivaka, indala igulu weyindi, vya li amakumi gavaka, luvaso noluvaso; na vingira mugati mwelidigi lyenyumba ku vigodola vyombalu tsimbega tsyosi kuhambana kulyo, na vi vule kuhambana ku lidigi lyenyumba.

⁷Na vigodola vyombalu vya medeka ubugalamu bwavyo sa kilala kya li igulu weyindi; kigira likumbiridza lyenyumba lya kira kutsia igulu, ma ga duka kwanegira ku kigodola kya hasi, kuduka ku kyegulu kuvita ku kigodola kya hagati.

⁸Kandi nda lola inyumba ya li nomuse gwa gingwa igulu welirova tsimbega tsyosi: umuse gwevigodola vyombalu gwa li neligera lyekidundu kyosi kyamakono gatano na mulala.

⁹Na ubuliduhu bwelidigi lya li lyevigodola vyombalu, ku luvega lwekyova, bwa li ligera lyamakono gatano: na bwa tigala bwa li ubwiyangu bwevigodola vyombalu vya li vyenyumba.

¹⁰Na hagati hevigodola ha li nobwiyangu bweligera lyamakono makumi gaviri ku kumbiridza inyuma tsimbega tsyosi.

¹¹Na viliango vyevigodola vyombalu vya henza ha tigala, kiliango kilala kya henza ku luvega lwa kasikasini, na kiliango kya henza ku luvega lwa kusini: na ubugalamu bwa tigaia bwa li ligera lyamakono gatano tsimbega tsyosi.

¹²Na lyombakwa lya henzana na ha vikwa haluvega ha li ku luvega lwemadioli lya li neligera lyamakono makumi gatano na gaviri; na ubuliduhu bwelidigi lyelyombakwa bwa li ligera lyamakono gatano tsimbega tsyosi, na ubutambi bwalyo bwa li ligera lyamakono makumi gatano na gane.

¹³Ma ya gera inyumba ubutambi bwayo bwa li ligera lyamakono mia; na ha vikwa haluvega, na lyombakwa, halala namadigi galyo, ubutambi bwalyo bwa li legera lyamakono mia;

¹⁴kandi ubugalamu bwoluvega lu henza mbiri lwenyumba, na bwa ha vikwa haiuvega lwevugwe, ligera lyamakono mia.

¹⁵Na ya gera ubutambi bwelyombakwa imbiri bwa ha vikwa haluvega aha li inyima walyo, na tsisimbu tsyalyo tsyoku luvega lulala, noku luvega lundi, ligera lyamakono mia; na litempeli lyomugati, na tsisimbu tsyomugidzi;

¹⁶namikingi, na madirisha ga hanwa, na tsisimbu tsyegulu tsya kumbiridza tsimbega tsyosi ku tsinyumba tsyegulu tsivaka, tsya henza ku mukingi, kya li nekyokufwuma kyemisala tsimbega tsyosi, nokutwula hasi kuduka ku madirisha (madirisha ga fwumwa),

¹⁷kuduka ubwiyangu bwegulu wekiliango, kuduka ku inyumba yomugati, na kyova, noku lidigi tsimbega tsyosi mugati na kyova, neligera.

¹⁸Na lya lombwa na vakerubi na makindu; na likindu lya li hagati ha mukerubi na mukerubi, na mukerubi sa mulala ya li nommoni muviri;

¹⁹nandiyoha li nommoni mwomundu kuhenza ku likindu ku luvega lulala, na mmoni mweking'ang'a kisoleri kuhenza ku likindu ku luvega lundi: vya lombwa ndiyo mu inyumba yosi tsimbega tsyosi.

²⁰Kutwula hasi kuduka igulu wekiliango ha li ho navakerubi namakindu ga lombwa: na ndiyo lidigi lyelitempeli lya li.

²¹Ku makuva gelitempeli, vigutu vyeviliango vya lombwa vileng'ani ku ubuliduhu; noku makuva goluvega lwembiri wa hatakatifu lyalwo, lya li kuli liloleka lyelitempeli.

²²Ubwali bwa li bwemisala, ubudiguluku bwabwo bwa li ligera lyamakono gavaka na ubutambi bwabwo bwa li ligera lyamakono gaviri; na tsinziga tsyabwo, na ubutambi bwabwo, na madigi gabwo, bwa li bwemisala: naye ya mbolera, Yibu bu veye imeza i veye imbiri wa Yahova.

²³Na litempeli na hatakatifu ha li neviliango viviri.

²⁴Na kiliango sa kilala kya li netsimbao tsiviri, tsimbao tsiviri tsi tsitsanga ku lwekyova; tsimbao tsiviri ku kiliango kilala, na tsimbao tsiviri ku kiliango kindi.

²⁵Na va lomba kuvyo, ku viliango vyelitempeli, vakerubi na makindu kuli vya lombwa ku madigi; na gwa ii ho mukingi gwemisala ku lusimbu lwekyova ku luvega lwembiri.

²⁶Kandi gya li ho madirisha ga hanwa, na makindu ku luvega yilu noku luvega yilwo, mu lusimbu yiyi na yiyi: ni ndiyo vya li vigodola vyombalu vyenyumba, ne mikingi.