Read lulogooli Ezekieli 48 Bible Online

Ezekieli 48 - lulogooli bible

Ezekieli 48

¹Yaga ga veye ameta ga tsihiri zana: Kutwula ha kiheri kya kasikasini, ahimbi nenzira ya Hethilon kuduka ku bwingiriru bwa Hamathu, Hazar-enan ha lwako lwa Damasko, ku luvega lwa kasikasini himbi na Hamathu (va la va netsinzako tsyavo tsitanga ivugwe namadioli), Dan, kidieli kilala.

²Noku lwako lwa Dan, kutwula ivugwe kutsia madioli, Asheri, kidieli kilala.

³Noku lwako lwa Asheri, kutwula ivugwe kutsia madioli, Nafitali, kidieli kilala.

⁴Noku lwako lwa Nafitali, kutwula ivugwe kutsia madioli, Manase, kidieli kilala.

⁵Noku lwako lwa Manase, kutwula ivugwe kutsia madioli, Efiraim, kidieli kilala.

⁶Noku lwako lwa Efiraim, kutwula ivugwe kutsia madioli, Rubeni, kidieli kilala.

⁷Noku lwako lwa Rubeni, kutwula ivugwe kutsia madioli, Yuda, kidieli kilala.

⁸Noku lwako lwa Yuda, kutwula ivugwe kutsia madioli, kisyuviriru kya mu li syuvirira, ubugalamu bwakyo bu la va vidundu tsielfu makumi gaviri na tsitano, nobutambi bwakyo bu la va kuli kidieli kilala, kutwula ivugwe kutsia madioli: na hatakatifu ha la va hagati hakyo.

⁹Kisyuviriru kya mu li haana ku Yahova ki la va nobutambi vidundu tsielfu makumi gaviri na tsitano, nobugalamu tsielfu likumi.

¹⁰Na kisyuviriru kitakatifu ki la va kya yava, kya vasalisi; ku luvega lwa kasikasini, ubutambi bwakyo tsielfu makumi gaviri na tsitano kuhenza madioli ubugalamu bwakyo tsielfu likumi, nokuhenza ivugwe tsielfu likumi ubugalamu bwakyo, nokuhenza kusini ubutambi bwakyo tsielfu makumi gaviri na tsitano: na hatakatifu ha Yahova ha la va hagati hakyo.

¹¹Ha la va ku vasalisi ava takaswa mu avana va Zadoku ava linda bulindi bwange, ava vula kutsia kuvoyavoya lwa avana va Israeli va tsia mu livoyavoya, kuli Avalevi va tsia mu livoyavoya.

¹²Na kivala yikyo ki la va kisyuviriru kuvo kutwula ku kisyuviriru kyekivala yiki, ki veye kindu kitakatifu ligali, ahimbi nolwako lwa Valevi.

¹³Na Valevi va la va nekidieli kyavo ki leng'ana nolwako lwavasalisi, ubutambi bwakyo tsielfu makumi gaviri na tsitano, nobugalamu bwakyo tsielfu likumi: ubutambi bwosi bu la va tsielfu makumi gaviri na tsitano, nobugalamu bwakyo tsielfu likumi.

¹⁴Navo si va veye nomunwa gwokugulidza kivala kyavo, kinga ku ki kirannya nekivala kindi, kandi obuhya bwelyama lye kivala yikyo avandi vandu si va la bu tumekira mba; kigira bu veye butakatifu ku Yahova.

¹⁵Na vidundu tsielfu tsitano vya tigala ku luvega lwo lwakyo imbiri wetsielfu makumi gaviri na tsitano, vi la va vyavandu vosi va tumekire, ku lidala, noku bumenyo noku bwiyangu; nelidala li la va hagati havyo.

¹⁶Na ligerwa lyakyo li la va ndi: ku luvega lwa kasikasini tsielfu tsine ne tsimia tsitano, noku luvega lwa kusini tsielfu tsine na tsimia tsitano, noku luvega lwevugwe tsielfu tsine ne tsimia tsitano, noku luvega lwemadioli tsielfu tsine na tsimia tsitano.

¹⁷Na lidala li la va nobwiyangu bwalyo: ku luvega lwa kasikasini tsimia tsiviri na makumi gatano, noku luvega lwa kusini tsimia tsiviri na makumi gatano, noku luvega lwevugwe tsimia tsiviri na makumi gatano, noku luvega lwemadioli tsimia tsiviri na makumi gatano.

¹⁸Na litigala lyakyo ku butambi bwakyo, lya leng'ana nekisyuviriru kitakatifu, li la va tsielfu likumi ku luvega lwevugwe, na tsielfu likumi ku luvega lwemadioli; Ii la leng'ana nekisyuviriru kitakatifu; na limedeka lyekivala yikyo li la va vyokulia vya yava ava tumikira lidala.

¹⁹Kandi yavo ava tumikira lidala, ava twula mu tsihiri tsyosi tsya Israeli, va la lima yo.

²⁰Na kisyuviriru kyosi ki la va tsieIfu makumi gaviri na tsitano ku tsielfu makumi gaviri na tsitano: mu la haana kisyuviriru kitakatifu kivala ki leng'ana tsimbega tsyosi, halala nemiyandu gyelidala.

²¹Na litagala lyakyo li la va kyomunene, ku luvega yilu noku yilwo lwekisyuviriru kitakatifu, na lwemiyandu gyelidala; kuhenza ku tsielfu makumi gaviri na tsitano tsyekisyuviriru ku luvega lwolwako lwevugwe, noku luvega lwemadioli kuhenza ku tsielfu makumi gaviri na tsitano ku luvega lwolwako lwemadioli, kya leng'ana ku vidieli, ki la va kyomunene: nekisyuviriru kitakatifu na hatakatifu henyumba ha la va hagati hakyo.

²²Kandi kutwula ku bugono bwa Valevi, nokutwula ku bugono bwelidala, bu veye hagati ha kyomunene, hagati holwako lwa Yuda nolwako lwa Benjamini, ki la va kyomunene.

²³Noku makuva getsihiri tsyatigala: kutwula ku luvega lwevugwe kuduka madioh, Benjamini, kidieli kilala.

²⁴Noku lwako lwa Benjamini, kutwula ivugwe kutsia madioli, Simeoni, kidieli kilala.

²⁵Noku lwako lwa Simeoni, kutwula ivugwe kutsia madioli, Isakari, kidieli kilala.

²⁶Nokulwako lwa Isakari, kutwula ivugwe kutsia madkoli Zebuloni, kidieli kilala.

²⁷Noku lwako lwa Zebuloni, kutwula ivugwe kutsia madioli, Gadi, kidieli kilala.

²⁸Noku lwako lwa Gadi, ku luvega lwa kusini kuhenza kusini, lwako lwilwe lu la va kutwula Tamaru kuduka ku amadzi ga Meribathkadesh, kuduka ku mugera gwa Egepeti, kutsia ku inyanza inene.

²⁹Yiki ni kivala kya mu la gavula ne ikura, kugavulira tsihiri tsya Israeli kuva miyandu gyavo, na vidieli vyavo lugano lugano ni yivi, Mwami Nyasaye a vola.

³⁰Na butwuliru bwelidala ni yibu: Ku luvega lwa kasikasini ligera lye vidundu tsielfu tsine ne tsimia tsitano;

³¹na viribwa vyelidala vi la londa ameta getsihiri tsya Israeli, viribwa vivaka ku luvega lwa kasikasini: kiribwa kya Rubeni, kilala; na kiribwa kya Yuda, kilala; na kiribwa kya Levi, kilala.

³²Kandi ku luvega lwevugwe ligera lyevidundu tsielfu tsine netsimia tsitano; na viribwa vivaka: kiribwa kya Yosefa kilala; na kiribwa kya Benjamini, kilala; na kiribwa kya Dan, kilala.

³³Noku luve ga lwa kusini ligera lyevidundu tsielfu tsine netsimia tsitano; na viribwa vivaka: kiribwa kya Simeoni, kilala; na kiribwa kya Isakari, kilala; na kiribwa kya Zebuloni, kilala.

³⁴Noku luvega lwemadioli ligera lyeuidundu tsielfu tsine netsimia tsitano, halala na viribwa vyalyo vivaka: kiribwa kya Gadi, kilala; na kiribwa kya Asheri kilala; na kiribwa kya Nafitali, kilala.

³⁵Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.