Read lulogooli Ezekieli 7 Bible Online

Ezekieli 7 - lulogooli bible

Ezekieli 7

¹Kandi likuva lya Yahova lya duka ku inze, kuvola,

²Ive, mwana womundu, Mwami Nyasaye a volera kivala kya Israeli ndi, Ki veye kiheri: kiheri ki duki ku tsikorna tsine tsyekivala.

³Kalunu kiheri ki duki ku ive na nda letera ubutima bwange ku ive, na nda ku kalagira kuli tsinzira tsitsyo; na nda leta kivihiri kikyo kyosi ku ive.

⁴Imoni yange si i la ku leka mba, Kandi si nda va netsimbabasi; navutswa nda leta tsinzira tsitsyo ku ive, na vivihiri vivyo vi la va hagati hoho: na mwinye mu la manya inze mbeye Yahova.

⁵Mwami Nyasaye a vola ndi: Ubudamano, ubudamano bwere; henza, budzanga.

⁶Kiheri ki duki, kiheri ki duki; ki vuki ku ive; henza kidzanga.

⁷Inyinga yobudamano i duki ku ive, O ive, wekivala: inyinga i duki, lidiku li veye himbi, lidiku lye kivihiri, si li veye lyesango mu vigulu.

⁸Kunangwa nda tsuka ubutima bwange ku ive bwangu, nokutwekidza ubutima bwange ku ive, na nda ku kalagira kuli tsinzira tsitsyo; na nda leta ku ive vivihiri vivyo vyosi.

⁹Imoni yange si i la leka, kandi si nda va netsimbabasi: nda leta ku ive kuli tsinzira tsitsyo; na vivihiri vivyo vi la va hagati hoho; na mu la manya inze, Yahova, nkuyanga.

¹⁰Henza lidiku, henza, lidzanga: ubudamano bubwo bu lagwa ku ive bu twuli; impimbo i lavidzi, luyai lu sibuki.

¹¹Kirage ki vuki kuva impi mbo yobudamano; si ha la va notigala kuvo, kinga ku bunyingi bwavo, kinga ku butugi bwavo: kandi si ha la va nelyesyomera hagati havo.

¹²Inyinga i duki, lidiku li sundanga himbi: u gulanga a ta sangala, kinga mugulidzi a ta verera; kigira ubutima bu veye ku bunyingi bwavo bwosi.

¹³Kigira mugulidzi si a lirana ku kya gulidzwa, kali na va kikiri mwoyo: kigira malola ga veye ku bunyingi bwavo bwosi, si ha veye nomulala a lirana; kandi si ha la va nomulala u lyedinyeridza mu budamano bwelivamwoyo lilye.

¹⁴Va kupi kisiliva na vetegekidziye vyosi; navutswa si ha veye nomulala u tsia mbulwani; kigira ubutima bwange bu veye ku bunyingi bwavo vosi.

¹⁵Kivavi ki veye kyova, nobulwaye nenzala vi veye mugati: u veye kyova mu mulimi a la kudza nekivavi; na u veye mu lidala, inzala nobulwaye bu la mu lia.

¹⁶Navutswa ku yavo ava li hona va la hona, na va la va mu vigulu kuli makuulu go mmavona, vosi va la va ni va liranga, sa mulala ku budamano bwibwe.

¹⁷Makono gosi ga la va made dekere, na masigamo gosi ga la dengeye kuli amadzi.

¹⁸Kandi va leboha tsingubo tsyamagunia mu vi kenge vyavo, nelitihidza li la va kunika; netsisoni tsi la va mmoni mwosi, na vyole ku mitwe gyavo gyosi.

¹⁹Va la ta ifetha yavo mu mahasi, na ithahabu yavo i la va kuli kindu kidamano; ifetha yavo nethahabu yavo si vi la nyala kuvahonnya mu lidiku lyobutima bwa Yahova: si va ligutidza myoyo gyavo, kandi si va ligutidza amala gavo; kigira ga veye lyekigitala lyobudamano bwavo.

²⁰Ku makuva gobulahi bwelyesyaha lilye, ya li vika mu bukumi: navutswa yava va kola kubwo vifwananyi velivihiriridza lyavo nevindu vyavo vyokuvihiriridza: kigira yaga nda bu kola kuva kuli kindu kidamano kuvo.

²¹Na nda vi vika mmakono gavageni kuva vilanye vyavo, noku vadamano vekivala kuva vihambe; navo va la vyononnya.

²²Nda girunkannya mmoni mwange mu vule kuhenza kuvo, navo va lononnya ilango hange hobuvisi; avivi va lingira ho, nokwononnya ho.

²³U tuule munyororo; kigira kivala kizuye amahyolo gamasahi, nelidala lizuye kirage.

²⁴Kunangwa nda leta avadamano ligali mu yavo avetsihiri, na va la gumira tsinyumba tsya yava: kandi nda heridza uluyai lwa vetsingulu; nomu hatakatifu havo mu lononnywa.

²⁵Ubudivi budzanga; navo va lenya mirembe, na si gyi la loleka mba.

²⁶Tsimbemba tsi la va ku tsimbemba, nelimonya li la va ku limonya; va lenya malola ku muprofeti; navutswa lilaga li la gota ku musalisi, nelivola si li la nyoleka ku vakulundu mba.

²⁷Mwami a la syoma, nomunene a livikwa mwere, na makono gavandu vekivala ga la degera: Nda va kolera kuli inzira yavo, kuli lidukana lyavo ni ndiyo mba kalagira; navo va la manya inze mbeye Yahova.