Read lulogooli Danyeli 10 Bible Online

Danyeli 10 - lulogooli bible

Danyeli 10

¹Mu muhiga gwegyivaka gwa Kiru mwami wa Persia, Danyeli welieta lilye lya langwa Beliteshazaru ya vuulirwa kindu; na kindu kya li kyeligali, kya li ubulwani bunene: naye ya hulira kindu zana, kandi ya manya lilola.

²Mu madiku yago inze, Danyeli, nda li ni nsyomanga masidza gavaka gosi bei.

³Si nda lagira ubukima bugasu, kandi inyama na iwaini si vya duka mu munwa gwange, na si ndevaka maguta kali hakuzuzu, kuduka masidza gavaka gosi bei ga vita.

⁴Na ku lidiku li kola makumi gaviri na gane agomweli gwokutanga, inyinga nda li ku luginga lwomugera munene, gu veye Hidekeli,

⁵nda ginga tsimoni tsyange, nokuhenza, na lola, mundu wa vikwa tsingubo tsyekatani, wekikenge kikye kya bofwa nethahabu inzere ya Ufazu:

⁶na mubiri gwi gwe gwa li kuli zumaradi, na mumoni mwimwe mwa li kuli luheni, na tsimoni tsitsye tsya li kuli tsimuli tsyaakanga, na makono na virenge vya li kuli mugasa gu siyeywi, na mwoyo gwamakuva gege gwa li kuli mwoyo gwa avandu vanyingi.

⁷Na inze, Danyeli, tsyeng'ine nda lola li lola yili; kigira avandu ava li halala ninze si va lola lilola yili navutswa lidegera linene lya va gwira, ni viruka vivise.

⁸Kunangwa nda lekwa tsyeng'ine ni ndola lilola yili linene, na tsinguiu si tsya tigala mu inze; kigira ligondo lilahi lyange lya girunkanywa mu inze kugwa ubwoneku, na si nda li netsingulu mba.

⁹Navutswa nda hulira mwoyo gwamakuva gege; na lwa nda hulira mwoyo gwamakuva gege, hene yaho tsindolo tsinene tsya gwa mu tsimoni tsyange, na nda gwa mammama tsimoni tsyange tsya henza hasi.

¹⁰Na henza, mukono gwa ndira, nokunsingeridza ku malu gange noku vigalo vya makono gange.

¹¹Na ya volera inze, O Danyeli, ive mundu u yanzeywi ligali, u manye makuva ga nku voleranga, kandi u singire bulungi; kigira ku ive inze ntumeywi kalunu: na lwa ya li na a mboleye likuva yili, nda singira nelidegera.

¹²Ma ya mbolera, Danyeli, u ta tia mba; kigira kutwula ku lidiku lya wa tanga kusaavira limanya, nokwegehidza imbiri wa Nyasaye wowo, amakuva gogo ga hulirwa: na inze nduki kigira makuva gogo.

¹³Navutswa uyu munene wobwami bwa Persia ya hing'ana na inze madiku makumi gaviri na lilala na nda menya ho halala na avami va Persia; navutswa henza, Mikaeli, mulala wa vanene, yadza kunkonya.

¹⁴Kalunu nduki ku kumannya aga li gwira avandu vovo mu madiku gekiheri; kigira madiku ge lilola ga kikiri amanyingi.

¹⁵Na lwa ya li na a mboleye aga li kuli amakuva yaga nda henza hasi na nda gwa idimbidi.

¹⁶Na henza mulala wa fwana avana va avandu ya dira minwa gyange: ma nda kunula munwa gwange, nokuvolera uyu wa singira imbiri wange, O mwami wange, kigira lilola, liverera lyange lirani ku inze, na si mbeye netsingulu kandi mba.

¹⁷Kigira, mutumekiri womwami wange uyu, a nyala ndi kuvolerana na uyu mwami wange? Kigira ku inze mwene, nonoho tsingulu tsyange tsya vula, kandi mwika si gwa tigala mu inze.

¹⁸Hene yaho mulala wa li nelifwana kuli lifwana lwomundu ya ndira, ni ya mpa tsingulu.

¹⁹Na ya vola, O mundu u yanzeywi ligali, u ta tia mba: mirembe gyi ve ku ive, u ve netsingulu, yee, u ve netsingulu. Na lwa ya mbolera, nda nyola tsingulu, ni mbola, Mwami wange a vole; kigira u mpeye tsingulu.

²⁰Ma ya vola, Ive u manya kigira ki nduki ku ive? Na kalunu ndirana kulwana nomunene wa Persia: na inyinga nda twula hano, henza, munene wa Bugreki a ladza.

²¹Navutswa nda ku volera yaga aga ng'odwa mu mang'oda ageligali: kandi si ha veye nomulala u singira halala na inze ku yavo, na a ta li Mikaeli munene wenyu. Kandi.