Read lulogooli Hosea 10 Bible Online

Hosea 10 - lulogooli bible

Hosea 10

¹Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.

²Mwoyo gwavo gwavukani; kalunu va la loleka kuva avahyoli: a la duya ubwali bwavo, a lononnya tsitiru tsyavo.

³Ligali kalunu va la vola, Kwinye si ku veye nomwami; kigira ku vuli kutia Yahova; nomwami, a nyala kukukolera ki?

⁴Va volanga makuva ga vutswa, ni visuha ku bubehi mu likola lilagana: kigira yaga likalaga lisebukanga kuli musala gwobululu mu lutsira lwomulimi.

⁵Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.

⁶Kandi ki la hilwa kuduka Asuria kuva kihaanwa kyokuha mwami Jarebu: Efiraim a la nyola tsisoni, na Israeli a la va isoni ku makuva gege mwene.

⁷Ku makuva ga Samaria, mwami wewe u kalageywi, kuli lifwulu ku madzi.

⁸Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.

⁹O Israeli, u koli ubwoni kutwula ku madiku ga Gibea: va singira yo; ubulwani ku avana vobwoni si bu va nyola ha Gibea.

¹⁰Lwa nyenyanga, nda va ha mageli; navandu vetsihiri va la vugana halala kuvo, lwa va bofwa ku bwoni bwavo buviri.

¹¹Efi raim a veye iroli yegidzwa, i yanzanga kuhuula ubuswage; navutswa nda vitidza inira kwigoti lyayo linifu: nda nyinnya u ninanga ku Efiraim; Yuda a la lima, Yakobo a la kupa makindi gege.

¹²Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye.

¹³Mu mali kulima budamano, mu gesi budamano; mu liye makuyu gobubehi; kigira wa suuvira inzira yoyo, ku bunyingi bwavandu vovo avo bunyali.

¹⁴Kunangwa liyoga li la twula hagati ha avandu vovo, na tsimpinga tsitsyo tsyosi tsi lononywa, kuli Shalimani yononnya Betharabeli mu lidiku lyobulwani: mama navana veve vosi va shonolanywa.

¹⁵Ni ndiyo Betheli li la kolera mwinye kigira ubudamano bwenyu bunene: inyinga ya bu kya mwami wa Israeli a la heridzwa.