Read lulogooli Hosea 12 Bible Online

Hosea 12 - lulogooli bible

Hosea 12

¹Efiraim yelihidzanga imbuudza, nokulonda imbuudza yevugwe: naye kazozo a medanga makuva gobubehi na gobudivi; na a lombanga lilagana na Asuria, na maguta ga hilwa kuduka Egepeti.

²Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye.

³Mmunda mwa mama wewe ya gumira amwavo wewe liki; nombukulundu bwibwe ya li nobunyali na Nyasaye:

⁴yee, ya li nobunyali ku ingelosi, na ya guuta; ya lira, na a mu goonya: ya mu nyola ha Betheli, naye ya voleranira ho nekwinye

⁵kali Yahova, Nyasaye wamahe; Yahova li veye lieta lilye lyokumwidzulitsa.

⁶Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.

⁷A veye mugulidzi, tsiratili tsyobugadi tsi veye mmukono gwigwe: a yanzanga kudambidza

⁸Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni.

⁹Navutswa inze mbeye Yahova Nyasaye wowo kutwula ku kivala kya Egepeti; inyinga yindi nda ku mennya mmahema kandi kuli mmadiku gelilia litakatifu.

¹⁰Kandi mmali kuvolera vaprofeti, kandi mmali kumeda amalola; noku butumwa bwavaprofeti ntumikiye tsing'ano.

¹¹Gileadi ki veye ubudamano? Yavo va veye mwika vutswa; ha Gilgali viitanga tsigiriki; yee, ubwali bwavo bu gwiye kuli vitumi mu amakindi gomulimi.

¹²Na Yakobo yiruka kutsia mu mulimi gwa Aram, na Israeli ya tumika a duke kunyola mukali, na yaya ma gondi a nyole mukali zana.

¹³Kandi Yahova ya twulidza Israeli mu Egepeti nomukono gwomuprofeti, na ya lindwa nomukono gwomuprofeti.

¹⁴Efiraim ya vihirirwa nobutima ligali: kigira yaga masahi gege ga la lekwa kuye, na manyego gege, mwami a lirannya kuye mwene.