Read lulogooli Jona 2 Bible Online

Jona 2 - lulogooli bible

Jona 2

¹Hene yaho Jona ya saala Yahvva Nyasaye wewe mmunda mwesudzi.

²Na ya vola, Inze ndanira Yahova kigira kivi kyange Naye ya ntivulira; Mmunda mwe kihadisi ndanira, Na ive wa hulira mwoyo gwange.

³Kigira wa nta mu luliva, hagati he inyanza Na amadzi manene ga nkumbiridza; Viguvuli vivyo vyosi na vihi vivyo vya vitira ku inze.

⁴Na ndavola, Ntebeywi kyova kutwula imbiri wetsimoni tsitsyo; Navutswa nda henza kandi ku litempeli lilyo litakatiiu.

⁵Amadzi ga nkumbirdza, kuduka ku mwoyo gwange; Ululiva lwa nkumbiridza; Mavivi ya amadzi ga lingirwa ku mutwe gwange.

⁶Ndika kuduka mu muse mwevigulu; Lirova nevibohero vyalyo vya nkumbiridza mihiga gyosi: Navutswa wa twulidza livamwoyo lyange ku bogo, O Yahova Nyasaye wange.

⁷Inyinga mwoyo gwange gwa kudza mu inze, ndidzulitsa Yahova; Na lisaala lyange lya duka ku ive, mu litempeli lilyo litakatifu.

⁸Yava ava henza vyabutswa vyobubehi Veyahula neliverererwa lyavo avene.

⁹Navutswa nda letera ive kihaanwa nomwoyo gwelisantidza; Nda tunga aga nda lagana. Ubuhonnyi bu veye bwa Yahova.

¹⁰Na Yahova ya volera isudzi, nayo ya luka Jona ku lirova Iyumu.