Read lulogooli Livalidza 26 Bible Online

Livalidza 26 - lulogooli bible

Livalidza 26

¹Na ga duka inyima yeplegi, Yahova ya volera Musa na Eleazaru mwana wa Haruni musalisi, nokuvola,

²U validze livugana lyosi lya avana va Israeli, kutwula ku avemihiga makumi gaviri na avokuvita, kuli tsinyumba tsya avaguga vavo vosi mu Israeli ava nyala kutsia mu iihe.

³Na Musa na Eleazaru musalisi va volerana navo mu kivala kyekereremo kya Moabu himba na mugera gwa Yordani ha Yeriko, nokuvavolera,

⁴Mu valide avandu, kutwula ku avemihiga makumi gaviri na avokuvita; kuli Yahova ya laga Musa na avana va Israeli, ava twula mu kivala kya Egepeti.

⁵Rubeni wa tanga kwivulwa wa Israeli; avana va Rubeni: va Hanoku bwiko bwa Vahanoku; va Palu bwiko bwa Vapalu;

⁶va Heziron, bwiko bwa Vaheziron; va Karmi, bwiko bwa Vakarmi.

⁷Yibu bu veye bwiko bwa Rubeni; navo ava validzwa kuvo, va li tsieliu makumi gane na tsivaka, na tsimia tsitano na tsiviri na avandu makumi gavaka.

⁸Na avana va Palu: Eliabu.

⁹Na avana va Eliabu: Nemueli, na Dathan, na Abiram. Yava va veye Dathan uyu na Abiram, ava li avanene velivugana, ava hing'ana na Musa, na Haruni mu kiduma kya Kora, lwa va hing'ana na Yahova,

¹⁰na lirova lya kunula munwa gwalyo, ni li va mira halala na Kora, lwa kiduma yikyo kya kudza; inyinga yomuliru gwa samba avandu tsimia tsiviri na avandu makumi gatano, navo va gwa kilolekidzu.

¹¹Navutswa avana va Kora si va kudza mha.

¹²Avana va Simeoni kuli bwiko bwavo: va Nemueli, bwiko bwa Vanemueli; va Jamini, bwiko bwa Vajamini, va Jakin, bwiko bwa Vajakin;

¹³va Zera, bwiko bwa Vazera; va Shaulu, bwiko bwa Vashaulu.

¹⁴Yibu nibwo ubwiko bwa Simeoni, avandu tsielfu makumi gaviri na tsiviri, na tsimia tsiviri.

¹⁵Avana va Gadi kuli bwiko bwavo: va Zefoni, bwiko bwa Vazefoni; va Hagi, bwiko bwa Vahagi; va Shuni, bwiko bwa Vashuni;

¹⁶va Ozini, bwiko bwa Vaozini; va Eri, bwiko bwa Vaeri,

¹⁷va Arodi, bwiko bwa Avarodi; va Areli, bwiko bwa Vaareli.

¹⁸Yibu nibwo ubwiko bwa avana va Gadi kuli ava validzwa kuvo, tsielfu makumi gane, na tsmiia tsitano.

¹⁹Avana va Yuda, Eru na Onan; na Eru na Onan va kudzira mu kivala kya Kanani.

²⁰Na avana va Yuda kuli bwiko bwavo va li yava: va Shela, bwiko bwa Vashela; va Pereze, bwiko bwa Vapereze; va Zera, bwiko bwa Vazera.

²¹Na avana va Pereze va li yava: va Heziron, bwiko bwa Vaheziron; va Hamulu, bwiko bwa Vahamulu.

²²Yibu nibwo bwiko bwa Yuda kuli ava validzwa kuvo tsielfu makumi gatano na gaviri na tsitano na indala, na tsimia tsitano.

²³Avana va Isakari kuli bwiko bwavo: va Tola, bwiko bwa Vatola; va Puva, bwiko bwa Vapuni;

²⁴va Jashubu, bwiko bwa Vajashubu; va Shimiron, bwiko bwa Vashimiron.

²⁵Yibu nibwo bwiko bwa Isakari kuli yavo ava validzwa kuvo, tsielfu makumi gatano na lilala, na tsine, na tsimia tsivaka.

²⁶Avana va Zebuloni kuli bwiko bwavo: va Seredu, bwiko bwa Vaseredu; va Elon, bwiko bwa Vaelon; va Jahaleli, bwiko bwa Vajahaleli.

²⁷Yibu nibwo bwiko bwa VazebuIoni kuli yava ava validzwa kuvo, tsielfu makumi gatano na lilala, na tsimia tsitano.

²⁸Avana va Yosefa kuli bwiko bwavo: Manasena Efiraim.

²⁹Avana va Manase: va Makiru, bwiko bwa Vamakiru; na Makiru yivula Gileadi: wa Gileadi, bwiko bwa Vagileadi.

³⁰Yava nivo avana va Gileadi: va Iezeri, bwiko bwa Vaiezeri; va Heleku, bwiko bwa Vaheleku;

³¹na va Asirieli, bwiko bwa Vaasirieli; na va Shekem, bwiko bwa Vashekem;

³²na va Shemida, bwiko bwa Vashemida; na va Heferu, bwiko bwa Vaheferu.

³³Na Zelofehadi mwana wa Heferu si ya li na avana vayai, navutswa avana vakana: na ameta ga avakana va Zelofehadi ga li Mahala, na Noa, na Hagila, na Milika, na Tiriza.

³⁴Yibu nibwo bwiko bwa Manasena yava ava validzwa kuvo va li tsielfu makumi gatano na gaviri, na tsimia tsitano na tsiviri.

³⁵Yava nivo avana va Efiraim kuli bwiko bwavo: va Shuthela, bwiko bwa Vashuthela; va Bekiru, bwiko bwa Vabekiru; va Tahan, bwiko bwa Vatahan.

³⁶Yava nivo avana va Shuthela: va Erani, bwiko bwa Vaerani.

³⁷Yibu nibwo bwiko bwa avana va Efiraim kuli yavo ava validzwa kuvo, tsielfu makumi gavaka na tsiviri, na tsimia tsitano. Yava nivo avana va Yosefa kuli bwiko bwavo.

³⁸Avana va Benjamini kuli bwiko bwavo: va Bela, bwiko bwa Vabela; va Ashibel, bwiko bwa Vaashibel; va Ahiram, bwiko bwa Vaahiram

³⁹va Shefufam, bwiko bwa Vashefufam; va Hufam, bwiko bwa Vahufam.

⁴⁰Na avana va Bela va li Aridi, na Naaman: va Aridi, bwiko bwa Vaaridi; va Naaman, bwiko bwa Vanaamani.

⁴¹Yava nivo avana va Benjamini kuli bwiko bwavo; na yavo ava validzwa kuvo va li tsielfu makumi gane na tsitano, na tsimia tsitano na indala.

⁴²Yava nivo avana va Dan kuli bwiko bwavo; va Shuham, bwiko bwa Vashuham. Yibu nibwo bwiko bwa Dan kuli bwiko bwavo.

⁴³Bwiko bwosi bwa Vashuham, kuli yavo ava validzwa kuvo, va li tsielfu makumi gatano na lilala, na tsine, na tsimia tsine.

⁴⁴Avana va Asheri kuli bwiko bwavo: va Imna, bwiko bwa Vaimna; va Ishivi, bwiko bwa Vaishivi; va Beria, bwiko bwa Vaberia.

⁴⁵Bwa avana va Beria: va Heberi, bwiko bwa Vaheberi; va Malikieli, bwiko bwa Vamalikieli.

⁴⁶Na lieta lya mukana wa Asheri lya li Sera.

⁴⁷Yibu nibwo bwiko bwa avana va Asheri kuli yavo ava validzwa kuvo, tsielfu makumi gatano na tsivaka, na tsimia tsine.

⁴⁸Avana va Nafitali kuli bwiko bwavo: va Jahazeli, bwiko bwa Vajahazeli, va Guni, bwiko bwa Vaguni;

⁴⁹va Jezeru, bwiko bwa Vajezeru; va Shilem, bwiko bwa Vashilem.

⁵⁰Yibu nibwo bwiko bwa Nafitali kuli bwiko bwavo; navo ava validzwa kuvo va li tsielfu makumi gane na tsitano, na tsimia tsine.

⁵¹Yava nivo ava validzwa ku avana va Israeli, tsielfu tsimia tsitano na indala, na elfu indala, na tsimia tsitano na tsiviri, na avandu makumi gavaka.

⁵²Na Yahova ya volera Musa, na a vola,

⁵³Ku avandu yava, kivala ki la gavanywa kuva miyandu kuli ameta ga veye.

⁵⁴Kuvo ava va veye vanvingi u la va ha miyandu minyingi, noku ava gehi u la va ha miyandu kuli ubugeheru: kuvo sa mulala kuli yavo ava validzeywi kuye a la hebwa miyandu gyigye.

⁵⁵Navutswa kivala ki la gavanywa na ikura: kuli ameta getsihiri tsya avaguga vavo ni ndiyo va la lia miyandu.

⁵⁶Kuli ikura i vedzanga, ni ndiyo miyandu gyavo gyi la gavanyirwa avanyingi, na avakekeke.

⁵⁷Na yava nivo ava validzwa ku Avalevi kuli bwiko bwavo: va Gerishon, bwiko bwa Vagerishon; va Kohathu, bwiko bwa Vakohathu; va Merari, bwiko bwa Vamerari.

⁵⁸Yibu nibwo bwiko bwa Levi: bwiko bwa Valibni, bwiko bwa Vahebironi, bwiko bwa Vamahali, bwiko bwa Vamushi, bwiko bwa Vakora. Na Kohathu yivula Amram.

⁵⁹Na lieta lya mukali wa Amram ya langwa Jokebedi, mwana wa Levi wivulirwa Levi mu Egepeti: naye yivulira Amram, Haruni na Musa na Miriamu mbotso wavo.

⁶⁰Na ku Haruni yivulirwa Nadabu, na Abihu, Eleazaru, na Ithamaru.

⁶¹Na Nadabu na Abihu va kudza, lwa va haana muliru gwobugeni imbiri wa Yahova.

⁶²Na yavo ava validzwa kuvo va li tsielfu makumi gaviri na tsivaka, avasatsa sa mulala kutwula ku avomweli mulala noku avokuvita: kigira si va validzwa halala na avana va Israeli, kigira si va hebwa miyandu kuli avandi va Israeli.

⁶³Yava nivo ava Musa na Elea-zaru musalisi va validza ava validza avana va Israeli ha kereremo kya Moabu himbi Yeriko.

⁶⁴Navutswa mu avandu yava si ha li nomundu kali mulala wa Musa na Haruni musalisi va validza, ava li kuvalidza avana va Israeli mwigendanyama lya Sinai.

⁶⁵Kigira Yahova ya vola likuva yili kuvo, Ligali va la kudzera mwigendanyama. Na si ha li nomundu wa tigala kuvo, na a ta li Kalebu mwana wa Jefune, na Joshua mwana wa Nuni.