Read lulogooli Livalidza 28 Bible Online

Livalidza 28 - lulogooli bible

Livalidza 28

¹Na Yahova ya volera Musa, na a vola,

²U lage avana va Israeli, nokuvavolera, Kindu kyange kyokusundwa ku inze kyokulia kyange kyekihaanwa kyange, ki haanirangwa ku muliru kyomwayu mulahi ku inze, mu la henza kukihaana ku inze mu tsinyinga tsi dukana.

³Na u la va volera, Yiki nikyo kihaanwa ki lombwa nomuliru, kya mu li letera Yahova: vimeme vyamagondi vikole vyomuhiga mulala vidukiru, viviri ku lidiku nelidiku, kuva kihaanwa kyokusambwa kya madiku gosi.

⁴Kimeme kilala u la ki haana mugamba, na kimeme kindi u la ki haana inyinga ya mgolova;

⁵halala nekidieli kilala kyelikumi kya efa yobusie bunyuki kuva kihaanwa kyobusie, bu tsukanywa nekidieli kilala kyevine kya ihin yamaguta maduywe.

⁶Ki veye kihaanwa kyokusambwa kya madiku gosi, kya lagwa mu kigulu kya Sinai ki ve kyomwayu mulahi, ki lomberwa Yahova nomuliru.

⁷Na kihaanwa kyokunwa kvavyo ki la va kidieli kilala kya kane kyehin kyekimeme kilala: mu hatakatifu u la tsukira Yahova kihaanwa kyokunwa kyetsingulu.

⁸Na kimeme kindi u la haana inyinga ya mgolova: kuli kihaanwa kyobusie kya mugamba, na kuli kihaanwa kyokunwa kyavyo, u la ki haana, kihaanwa kyokulombwa nomuliru kyomwayu mulahi ku Yahova.

⁹Na ku lidiku lya lisabato vimeme vyamagondi viviri vikole, vyomuhiga mulala vidukiru, halala na vidieli viviri vyelikumi vyefa yobusie bunyuki kuva kihaanwa kyobusie ki tsukanywa namaguta, na kihaanwa kyokunwa kyavyo:

¹⁰yiki nikyo kihaanwa kyokusambwa kya masabato gosi, kuvita kihaanwa kyokusambwa k'ya madiku gosi, halala na kihaanwa kyavyo kyokunwa.

¹¹Kandi mu butangiru bwemiyeli gyenyu mu la leta ku Yahova kihaanwa kvokusambwa: nakyo ki la va tsing'ombe tsigiriki tsiviri tsisoleli, na ligondi lilala likole, na vimeme vyamagondi vikole vitano na viviri vidukiru:

¹²halala nevidieli vivaka vyelikumi vyefa yobusie bunyuki, bu tsukanyeyui na maguta, vyeng'ombe sa indala; na vidieli viviri vyelikumi vyobusie bunyuki, bu ve kihaanwa kyobusie bu tsukanyeywi na maguta, kuva vyeligondi likole lilala;

¹³kandi kidieli kilala kyelikumi kyobusie bunyuki bu tsukanyeywi na maguta kuva kihaanwa kyobusie ku kimeme sa kilala; ki ve kihaanwa kyokusambwa kyon-wayu mulahi, kuva kihaanua ki lombwa nomuliru ku Yahova.

¹⁴Kihaanwa kyokunwa kyavyo ki la va inusu yehin yewaini ku ing'ombe, na kidieli kya kavaka kyehin ku ligondi likole, na kidieli kya kane kyehin ku kimeme kyeligondi: y iki ki la va kihaanwa kyokusambwa kyomweli nomweli mu miyeli gyosi gyomuhiga.

¹⁵Kandi imbuli ikole indala kuva kihaanwa kyobwoni ki leterwa Yahova; i la haanwa kuvita kihaanwa kyokusambwa kya madiku gosi, halala nekihaanwa kyokunwa kyayo.

¹⁶Kandi mu mweli gwokutanga, ku lidiku lyelikumi na gane lyomweli, li la va lipasaka lya Yahova.

¹⁷Na ku lidiku lyelikumi na gatano lyomweli yigu li la va lilia: ubukima bu ta li na mamera bu la lagirwa inyinga yamadiku gatano na gaviri.

¹⁸Ku lidiku lyokutanga ha la va livugana litakatifu: si mu la kola miyinzi gyobutugwa, kali mulala;

¹⁹navutswa mu la haana kihaanwa kya lombwa nomuliru, kihaanwa kyokusambwa ki leterwa Yahova: tsigiriki tsisoleli tsiviri, neligondi likole lilala, nevimeme vikole vitano na viviri vyomuhiga mulala; vi la va ku mwinye vidukiru;

²⁰na kihaanwa kyavyo, ki la va busie bunyuki bu tsukanyeywi na maguta: mu la haana vidieli vivaka vyelikumi ku ing'ombe indala, na vidieli viviri vyelikumi ku ligondi likole;

²¹na kidieli kilala kyelikumi u la haana ku kimeme sa kilala kuduka vimeme vitano na viviri;

²²na imbuli ikole indala kuva kihaanwa kyobwoni, kumulombera kyokukunika ubwoni.

²³Mu la haana yivi kuvita kihaanwa kyokusambwa, kya mugamba, ki veye kihaanwa kyokusambwa kya madiku gosi.

²⁴Mu la haana kihaanwa ku lilonda mwima yigu madiku gosi kuduka madiku gatano na gaviri, ki veye vyokulia vyekihaanwa ki lombwa nomuliru, kyomwayu ku Yahova: ki la haanwa kuva limeda ku kihaanwa kyokusambwa kya kazozo, halala na kihaanwa kyokunwa kyavyo.

²⁵Ku lidiku lya gatano na gaviri mu la va nelivugana litakatifu; si mu li kola miyinzi gyobutugwa kali mulala.

²⁶Kandi ku lidiku lyokutanga ligesa, inyinga ya mu letera Yahova kihaanwa kyobusie buhya mu lilia lyenyu lyamasabato, mu la va nelidiku litakatifu; si mu la kola miyinzi gyobutugwa, kali mulala;

²⁷navutswa mu la leta kihaanwa kyokusambwa kyomwayu ku Yahova: tsigiriki tsisoleli tsiviri, na ligondi likole lilala, na vimeme vyeligondi vikole vitano na viviri vyomuhiga mulala;

²⁸na kihaanwa kyavyo kyobusie bunyuki bu tsukanyeywi na maguta, vidieli vivaka vyelikumi ku tsigiriki sa indala vidieli viviri vyelikumi ku ligondi likole lilala,

²⁹na kidieli kilala kyelikumi ku vimeme vikole vyomuhiga mulala vitano na viviri sa kilala;

³⁰na imbuli ikole indala kumukunikira ubwoni.

³¹Nokumeda ku kihaanwa kyokusambwa kya kazozo, na kihaanwa kyobusie kyatsyo, mu la tsi haana (tsi la va ku mwinye tsindukiru), halala nevihaanwa vyatsyo vyokunwa.