Read lulogooli Livalidza 29 Bible Online

Livalidza 29 - lulogooli bible

Livalidza 29

¹Kandi ku mweli gwa katano na kaviri, ku lidiku lyokutanga lyomweli, mu la va nelivugana litakatifu, si mu la kola miyinzi gyobutugwa: li veye ku mwinye lidiku lyokukupa visiliva.

²Na mu la haana kihaanwa kyokusambwa kuva kyokufunya mwayu ku Yahova: igiriki isoleli indala, ligondi likole lilala, vimeme vyamagondi vikole vyomuhiga mulala, vidukiru;

³halala nekihaanwa kyavyo kyobusie bunyuki bu tsukanyeywi na maguta, vidieli vivaka vyelikumi ku igiriki, na vidieli viviri vyelikumi ku ligondi likole,

⁴na kidieli kilala kyelikumi ku kimeme sa kilala kyevimeme vitano na viviri;

⁵na imbuli ikole indala kuva kihaanwa kyobwoni, kumukolera hyokukunika ubwoni bwenyu;

⁶limeda ku kihaanwa kyokusambwa kyomweli muhya, na kihaanwa kyobusie bwayo, na kihaanwa kyokusambwa kya madiku gosi, na kihaanwa kyobusie kyavyo, na vihaanwa vyavyo vyokunwa, kuli lilaga lyavyo, kuva kyokufunya mwayu, kihaanwa ki lomberwa Yahova nomuliru.

⁷Kandi ku Irdiku lyelikumi lyomweli gwa katano na kaviri yigu, mu la va nelivugana litakatifu; mu levereridza myoyo gyenyu: si mu la kola miyinzi kali mulala kulyo;

⁸navutswa mu la haana kinaanwa kyokusambwa ku Yahova kuva kyokufunya mwayu: igiriki isoleli indala, na ligondi likole lilala, na vimeme vikole vyamagondi vyomuhiga mulala vitano na viviri; vi la va ku mwinye vidukiru;

⁹halala na kihaanwa kyavyo kyobusie, busie bunyuki bu tsukanyeywi na maguta, vidieli vivaka vyelikumi ku igiriki, na vidieli viviri vyelikumi ku ligondi likole lilala,

¹⁰kidieli kilala kyelikumi ku vimeme vyamagondi vitano na viviri sa kilala:

¹¹imbuli ikole indala kuva kihaanwa kyobwoni; kuvita kihaanwa kyobwoni kyokukunika ubwoni, na kihaanwa kyokusambwa kya madiku gosi, na kihaanwa kyakyo kyobusie na vihaanwa vyavyo vyokunwa.

¹²Na ku lidiku lyelikumi na gatano Iynmweli gwa gatano na gaviri mu la va nelivugana litakatifu; si mu la kola miyinzi gyobutugwa kali bulala, na mu la lomba lilia ku Yahova lyamadiku gatano na gaviri:

¹³na mu la haana kihaanwa kyokusambwa, kihaanwa ki lombangwa nomuliru kuva kyokufunya mwayu ku Yahova; tsigiriki tsisoleli likumi na tsivaka, magondi makole gaviri, vimeme vikole vyamagondi vyomuhiga mulala likumi na vine; vi la va vidukiru;

¹⁴na liihaanwa kyobusie kyavyo, busie bunyuki bu tsukanyeywi na maguta, vidieli vivaka vyelikumi ku igiriki indala, ku yitsyo likumi na tsivaka, vidieli viviri vyelikumi ku magondi sa lilala, ku magondi yaga gaviri,

¹⁵na kidieli kilala kyelikumi ku vimeme likumi na vine sa kilala;

¹⁶na imbuli ikole kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyobusie kyakyo, na kihaanwa kyakyo kyokunwa.

¹⁷Na lidiku lya kaviri mu la leta tsigiriki tsisoleli likumi na tsiviri, magondi makole gaviri, vimeme vyamagondi vyomuhiga mulala likumi na vine, vidukiru;

¹⁸na kihaanwa kyavyo kvobusie nevihaanwa vyavyo vyokunwa ku tsigiriki, ku magondi makole, na ku vimeme, kuli livalidzwa lyavyo, kuli lilaga;

¹⁹na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyobusie kyakyo, na vihaanwa vyavyo vyokunwa.

²⁰Na ku lidiku lya kavaka mu la leta tsigiriki likumi na indala, magondi makole gaviri, vimeme vyamagondi vikole vyamuhiga mulala, likumi na vine, vidukiru;

²¹na kihaanwa kyavyo kyobusie, na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, na kuli lilaga;

²²na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyakyo kyobusie, na kihaanwa kyakyo kyokunwa.

²³Na ku lidiku lya kane mu la leta tsigiriki likumi, magondi makole gaviri, vimeme vyamagondi vikole vyomuhiga mulala vidukiru likumi na vine;

²⁴kihaanwa kyavyo kyobusie, na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, kuli lilaga;

²⁵na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, kihaanwa kyavyo kyobusie, na kihaanwa kyavvo kyokunwa.

²⁶Na ku lidiku lya gatano mu la leta tsigiriki tsitano na tsine, na magondi makole gaviri, na vimeme vyamagondi vikole vyomuhiga mulala likumi na vine vidukiru;

²⁷na kihaanwa kyavyo kyobusie, na vihaanwa vyavyo vyokunwa, ku tsigiriki, noku magondi makole, noku vimeme, kuli livalidzwa lyavyo, kuli lilaga;

²⁸na imbuli ikole kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyavyo kyovusie, na kihaanwa kyavyo kyokunwa.

²⁹Na ku lidiku lya gatano na lilala mu la leta tsigiriki tsitano na tsivaka, magondi makole gaviri, vimeme vyamagondi vikole vyomuhiga mulala likumi na vine vidukiru;

³⁰na kihaanwa kyavyo kyobusie, na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, kuli lilaga;

³¹na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, kihaanwa kyakyo kyobusie, na vihaanwa vyavyo vyokunwa.

³²Na ku lidiku lya gatano na gaviri mu la leta tsigiriki tsitano na tsiviri, magondi makole gaviri, vimeme vikole vyamagondi vyomuhiga mulala likumi na vine vidukiru;

³³na kihaanwa kyavyo kyobusie na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, kuli lilaga;

³⁴na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, kihaanwa kyavyo kyobusie, na kihaanwa kyavyo kyokunwa.

³⁵Na ku lidiku lya gatano na gavaka mu la va nelivugana lyobwehozeridzi: si mu la kola miyinzi gyobutugwa;

³⁶navutswa mu la leta kihaanwa kyokusambwa, kihaanwa ki haanangwa nomuliru, kyelifunya mwayu ku Yahova: igiriki indala, ligondi likole, vimeme vyamagondi vikole vyomuhiga mulala vitano na viviri vidukiru;

³⁷kihaanwa kyavyo kyobusie, na vihaanwa vyavyo vyokunwa ku igiriki, noku livondi likole, noku vimeme vi la va kuli livalidzwa lyavyo, kuii lilaga:

³⁸na imbuli ikole kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyavyo kyobusie, na kihaanwa kyavyo kyokunwa.

³⁹Vihaanua yivi mu la haana ku Yahova mu lilia lyenyu lya lagwa, kuvita vyokwisuha vyenyu, na vihaanwa vyenyu vya mwenya kutwulidza nomwoyo gwobuyanzi, nokuva vihaanwa vyenyu vyokusambwa nokuva vihaanwa vyenyu vyobusie no'kuva vihaanwa vyenyu vyokunwa, nokuva vihaanwa vyenyu vyemirembe.

⁴⁰Na Musa ya volera avana va Israeli kuli gosi ga Yahova ya laga Musa.