Read lulogooli Livalidza 31 Bible Online

Livalidza 31 - lulogooli bible

Livalidza 31

²U vanze kisalya kya avana va Israeli ku Vamidiani: ma lwenyima ive u la vungidzwa halala na avandu vovo.

³Na Musa ya volera avandu, na a vola, Mu vike vyuma ku avasatsa avalala ku mwinye, vetegekire lihe, va twulire Avamidiani, va vanze kisalya kya Yahova ku Avamidiani.

⁴Ku ihiri sa indala u la vugula mu elfu, mu tsihiri tsyosi tsya Israeli ava mu la hila mu bulwani.

⁵Kunangwa va vugulwa mu tsielfu tsya Israeli, elfu indala mu tsihiri sa indala, tsielfu likumi na tsiviri ava lomberwa ubulwani.

⁶Na Musa ya va tuma, elfu indala ku tsihiri sa indala, kutsia mu bulwani. Yavo na Finehasi mwana wa Eleazaru musalisi, va tsia mu bulwani, halala na viju vya hatakatifu, na visaliva vyokukupa litihidza vya li mu mukono gwigwe.

⁷Navo va lwana na Midiani, kuli Yahova ya laga Musa; navo viita avasatsa vosi.

⁸Na viita avami va Midiani halala na avandu vavo avandi aviitwa: navo ni yava, Evi, na Rekem, na Zuru, na Huru, na Reba, avami vatano va Midiani: na Balaam mwana wa Beoru va mwiita nekivavi.

⁹Na avana va Israeli va lanya avakali va Midiani, na avana vsvo, na tsing'ombe tsyavo tsyosi, na magondi gavo gosi, na vindu vyavo vyosi va vi lanya.

¹⁰Na madala gavo gosi, na hosi ha va menya, na busosero bwavo bwosi, va samba nomuliru.

¹¹Na va vugula vilanya vyosi, na vyokwigulirwa v ya avandu kandi vyemitugu.

¹²Na va vi leta ku Musa noku Eleazaru musalisi, noku livugana lyosi lya avana va Israeli, avahambe vosi nevilanye vyosi na vyosi vya gumirwa, ku hokusoa mu kereremo kya Moabu, ki veye himbi Yordani engereka wa Yeriko.

¹³Na Musa, na Eleazaru musalisi, na avanene vosi velivugana, va twula hokusosa kutsia kuvaganira.

¹⁴Na Musa ya vihirirwa avanene velihe, avanene vetsielfu, na vanyampara vetsimia, ava twula ku butumiki bwelihe.

¹⁵Na Musa ya va volera, Mwa honnya avakali vosi va ve mwoyo?

¹⁶Henza, yava va gotidza avana va Israeli, ku makuva ga Balaam, kukola mahyolo ku Yahova mu inkuva ya Peoru, na ndivo liduywa lya duka mu livugana lya Yahova.

¹⁷Kunangwa mwiite avana vosi avayai, na mwiite avakali vosi ava manya musatsa neligona halala naye.

¹⁸Navutswa avana avakana vosi ava kikiri kumanya musatsa neligona halala naye, mu va leka va ve mwoyo ku mwinye avene.

¹⁹Na mwinye mu singeridze mahema genyu kyova wa hokusosa inyinga yamadiku gatano na gaviri: ku vosi wiita mundu, na ku vosi u dira wiitwa, mwetakase avene ku lidiku li kola gavaka, noku lidiku li kola gatano na gaviri, mwinye avane halala na avalanywi venyu.

²⁰Na ku tsingubo tsyosi, na vyosi vi lombwa na masero, na vindu vyosi vi lombwa nobwoya bwetsimbuli, na viju vyosi vi lombwa nomusala, mu la vi takasa.

²¹Na Eleazaru musalisi ya volera avasatsa avelihe ava tsia mu bulwani, Yili ni lilaga lya Yahova ya laga Musa:

²²navutswa ithahabu na ifetha, na mugasa, na kivya, na libang'a, na lisasi,

²³vyosi vi nyala kumenya mu muliru, mu la vi vitidzira mu muliru, na vi la va vinifu; navutswa vi la takaswa mu amadzi gokwahulanya: na yyosi vi ta nyala kumenya mu muliru, mu la vi vitidzira mu amadzi.

²⁴Na mwinye mu logidze tsingubo tsyenyu ku lidiku lya gatano na gaviri, na mu la va avanifu; na lwenyima mu lingira hokusosa.

²⁵Na Yahova ya volera Musa, na a vola,

²⁶U vugule livalidzwa lyevilanywa lya vugulwa, lya avandu na lyemitugu, ive, na Eleazaru musalisi, na avemitwe gyetsinyumba tsya avaguga velivugana;

²⁷na mu gavule vilanyi vidieli viviri: hagati ha avandu va veye avasidza mu bulwani, ava li kutsia mu lihe, na livugana lyosi.

²⁸Na u haane ku Yahova kidieli ki twule ku avandu avelihe ava li kutsia mu bulwani: mwoyo mulala ku tsimia tsitano, ku avandu, noku tsigiriki, noku tsisukiri, noku magondi

²⁹u ki vugule ku inusu yavo, u he Eleazaru musalisi, kuva kihaanwa kyokudigululwa kya Yahova.

³⁰Noku inusu ya avana a va Israeli, u la vugula mulala ku il livalidzwa lyamakumi gatano selilala, lya avandu, na lyetsigiriki, na lyetsisukiri, na iyamagondi, kali ku mitugu gyosi u vi haane ku Avalevi, ava t linda miyinzi gyelihema lya Yahova.

³¹Na Musa na Eleazaru musalisi va kola kuli Yahova ya laga Musa.

³²Kunangwa vilanyi, vya tigala ku vya avandu velihe va lanya, vya li amagondi tsielfu tsimia tsitano na indala na tsielfu tsitano na tsiviri na tsitano,

³³na tsigiriki tsielfu makumi gatano na gaviri, na tsiviri,

³⁴na tsisukiri tsielfu makumi gatano na indala, na elfu indala,

³⁵na avandu tsielfu makumi gavaka na tsiviri, ku vosi avekikali ava vula kumanya musatsa neligona halala naye.

³⁶Na inusu, ya li kidieli kya yavo ava tsia mu bulwani, ya li magondi tsielfu tsimia tsivaka, na makumi gavaka, na tsitano na tsiviri, na tsimia tsitano:

³⁷na kidieli kya Yahova kya magondi kya li tsimia tsitano na indala, na makumi gatano na gaviri na magondi gatano.

³⁸Na tsigiriki tsya li tsielfu makumi gavaka na tsitano na indala; mutsyo kidieli kya Yahova kya li tsigiriki makumi gatano na gaviri na tsiviri.

³⁹Na tsisukiri tsya li tsielfu makumi gavaka, na tsimia tsitano; mutsyo kidieli kya Yahova kya li tsisukiri makumi gatani na lilala, na isukiri indala.

⁴⁰Na avandu va li tsielfu likumi na tsitano na indala; mu yavo kidieli kya Yahova kya li makumi gavaka na vaviri.

⁴¹Na Musa ya ha Eleazaru musalisi kidieli, kya li kihaanwa kyokudigululwa kya Yahova, kuli Yahova ya laga Musa.

⁴²Na ku inusu yevilanyi, ya li ya avana va Israeli, ya Musa ya vugula ku avasatsa ava tsia mu bulwani,

⁴³(ga veye inusu yivilanyi ya li yelivugana, ya li magondi tsielfu tsimia tsivaka, na makumi gavaka na tsielfu tsitano na tsiviri, na tsimia tsitano,

⁴⁴na tsigiriki tsielfu makumi gavaka na tsitano na indala,

⁴⁵na tsisukiri tsielfu makumi gavaka, na tsimia tsitano,

⁴⁶na avandu tsielfu likumi na tsitano, na indala,)

⁴⁷na ku inusu yevilanyi ya li ya avana va Israeli, Musa ya vugula mulala-mulala ku makumi gatano-gatano, ku avandu noku mitugu, na ya ha Avalevi, ava lindanga ubulindi bwelihema lya Yahova; kuli Yahova ya laga Musa.

⁴⁸Na avanene ava li ku tsielfu tsyelihe, avanyampara vetsielfu, na avanyampara vetsimia visunda ku Musa;

⁴⁹na va volera Musa, Kwinye avatumekiri vovo ku validzi avasatsa velihe ava veye mu makono getu, na si ha veye nomulala wa daka ku kwinye.

⁵⁰Na ku leti kihaanwa kya Yahova yiki kyomundu sa mulala a nyoye, kya viju vyethahabu, na minyolo gyevirenge, na visambo, na imingiri yomuhuri, na tsinono, na tsinalo tsyomukono, kwelombera kyokukunika ubwoni bwetu imbiri wa Yahova.

⁵¹Na Musa na Eleazaru musalisi va vugula ithahabu kuvo, kali viju vyosi vya kolwa nobusidza.

⁵²Na ithahabu yosi yekihaanwa kyokudigululwa kya va letera Yahova yavanyampara vetsielfu, na yavanyampara va tsimia, ya li tsishekeli tsielfu likumi na tsitano na indala, na tsimia tsitano na tsiviri, na tsishekeli makumi gatano.

⁵³(Kigira avasatsa velihe va li ni va vuguye vilanyi, sa mulala vivye mwene.)

⁵⁴Na Musa na Eleazaru musalisi va vugula ithahabu yavanyampara va tsielfu na va tsimia, nokugileta mu lihema lyokuvuganira mu, kuva lidzulitsa ku avana va Israeli imbiri wa Yahova.