Read lulogooli Livalidza 32 Bible Online

Livalidza 32 - lulogooli bible

Livalidza 32

¹Kunangwa avana va Rubeni na avana va Gadi va li nemitugu minyinga ligali: na, lwa va lola kivala kya Jazeri na kivala kya Gileadi, henza vi veye vilahi kukonya mitugu;

²avana va Gadi na avana va Rubeni va tsia ku Musa, noku Eleazaru musalisi, noku avanene velivugana, ni va va volera,

³Atarothu, na Dibon, na Jazeri, na Nimra, na Heshibon, na Eleale, Sebamu, na Nebo, na Beon,

⁴kivala kya Yahova ya kuya imbiri welivugana lya Israeli, ki veye kivala kilahi kyemitugu; na avatumekiri vovo va veye nemitugu.

⁵Navo va vola, Ni ku va ni ku nyoye livererwa imbiri wowo, kivala yiki ki haanwe ku avatumekiri vovo, ki ve miyandu gyetu; u ta kwambukidza engereka ya Yordani.

⁶Na Musa ya volera avana va Gadi na avana va Rubeni, na a va teva, Avaminyu venyu va la tsia mu bulwani, na mwinye mu la gunza hano?

⁷Kigira ki mwenya kwiita myoyo gya avana va Israeli, va vule kwambuka, kwingira mu kivala kya Yahova ya va ha?

⁸Avaguga venyu va kola ndi lwa nda va tuma kutwula Kadesh-barnea kuhenza kivala.

⁹Kigiralwa vanegira kwingira mu livona lya Esikoli, nokulola kivala, viita myoyo gya avana va Israeli, va vule kwingira mu kivala kya Yahova ya va ha.

¹⁰Na mu lidiku yilyo ubutima bwa Yahova bwaaka kuvo, naye yesuha, na a vola,

¹¹Ligali si ha la va nomulala ku yavo ava li kutwula mu Egepeti, kutwula ku avemihiga makumi gaviri nokuvita u nyala kulola kivala kya nda lagana na Abrahamu, na Isaka, na Yakobo; kigira si va nonda nomwoyo gwosi:

¹²bugira Kalebu mwana wa Jefune Mukenizi, na Joshua mwana wa Nunikigira va londa Yahova nomwoyo gwosi.

¹³Na ubutima bwa Yahova bwaaka ku Israeli, na a va kola kugendagenda yiyi na yiyi mu kyangalangwi tsinyinga tsyemihiga makumi gane, kuduka likula yili lyosi lya kola ubwoni imbiri wa Yahova, lya dividzwa.

¹⁴Na, henza, mwinye mu singeye mu bugono bwavaguga venyu, limedeka lya avandu vobwoni, kumeda kandl ubutima bululu bwa Yahova ku Israeli.

¹⁵Kigira ni i va mu girunkana kuvula kumulonda, naye a la va leka kandi mu kyagalangwi; na mwinye mu la dividza avandu yava vosi.

¹⁶Navo visunda kuye, ni va vola, Kwinye ku lombakira mitugu gyetu tsingaga tsyamagondi, na ku lombakira avana vetu madala hano;

¹⁷navutswa kwinye avene ku letegeka nevyuma, kwimira imhiri wa avana va Israeli, kuduka inyinga ku va dukidzi hango havo: na avana vetu va la menya mu madala getsingaga kigira avandu va menya mu kivala.

¹⁸Kwinve si ku la hunzuka tsinyumba tsyetu, avana va Israeli va luhe va duke kuvugula sa mulala miyandu gyigye.

¹⁹Kigira kwinye si ku la nyola miyandu halala na yava engereka ya Yordani na hambiri; kigira miyandu gyetu gyi veye engereka ino ya Yordani, ku luvega lwevugwe.

²⁰Na Musa ya va volera, Ni nmu va ni mu kola vaga, kuvugula vyuma vyenyu kwimira imbiri wa Yahova kutsia mu bulwani,

²¹kandi ni i va avasatsa vosi ku mwinye va la vugula vyuma kwambuka Yordani imbiri wa Yahova, kuduka a kunge avasigu veve imbiri wewe,

²²na kivala ki guutwa imbiri wa Yahova; kunangwa lwenyima mu la hunzuka, na mu la vula kuva nelihyolo imbiri wa Yahova, noku hlvega lwa Israeli; na kivala yiki ki la va miyandu gyenyu imbiri wa Yahova.

²³Navutswa ni mu ta kola ndiyo, henza, mwinye mu koli ubwoni imbiri wa Yahova; na mwinye mu manye ligali, ubwoni bwenyu bu la mu nvola.

²⁴Mwombakire avana venyu madala, na magondi genyu tsingaga; na mu kole aga mwa vola nomunwa gwenyu.

²⁵Na avana va Gadi na avana va Rubeni, va volera Musa, nokuvola, Kwinye avatumekiri vovo, ku la kola kuli ive munene wetu u ku laga.

²⁶Avana vetu, avakali vetu, amagondi getu, na mitugu gyetu gyosi, vi la va yo mu madala ga Gileadi;

²⁷navutswa avatumekiri vovo ku lambuka, musatsa sa mulala u veye nevyuma vyobulwani, kutsia imbiri wa Yahova mu bulwani, kuli munene wange u vola.

²⁸Kunangwa kuvo, Musa ya laga Eleazaru musalisi, Na Yoshua mwana wa Nuni, na avanene vetsinyumba tsya avaguga vetsihiri tsya avana va Israeli.

²⁹Na Musa ya va volera, Ni i va avana va Gadi na avana va Rubeni va lambuka Yordani halala na mwinye, mundu sa mulala ni yiviki vyuma vyobulwani, imbiri wa Yahova, na kivala ni ki guutwa imbiri wenyu; kunangwa mu la va ha kivala kya Cileadi kuva miyandu gyavo:

³⁰navutswa ni va tambuka halala na mwinye ni viviki vyuma vyavo va la va nemiyandu gyavo halala na mwinye mu kivala kya Kanani.

³¹Na avana va Gadi na avana va Rubeni va tivula, ni va vola, Kuli Yahova a ku voleye, kwinye avatumekiri vovo, ku la kola ndiyo.

³²Kwinye ku lambuka ni kwiviki vyuma vyetu imbiri wa Yahova kwingira mu kivala kya Kanani, na livugula lyemiyandu gyetu li la va lyengereka wa Yordani.

³³Na Musa ya va ha, navo va veye avana va Gadi, na avana va Rubeni, na inusu yehiri ya Manase mwana wa Yosefa, kivala kyobwami bwa Sihon mwami wa Vaamori, na kivala kyobwami bwa Ogu mwami wa Bashan, kivala kuli amadala gakyo, halala netsinzako tsyago kuli madala gekivala kya kumberidza hosi.

³⁴Na avana va Gadi vombaka Dibon, na Atarothu, Aroeri,

³⁵na Ataroth-shofan, na Jazeri, na Jogibeha,

³⁶na Beth-nimra, na Beth-haran: amadala getsingaga ne gevigo vyamagondi.

³⁷Na avana va Rubeni vombaka Heshibon, na Eleale, na Kiriathaim,

³⁸na Nebo, na Baal-meon, (ameta ga yaga ga girunkanywa,) na Sibima: navo va gulika madala aga vombaka ameta gandi.

³⁹Na avana va Makiru mwana wa Manase va tsia Gilezdi, ni va ki guuta, ni va kunga Avaamori ava li mu.

⁴⁰Na Musa ya ha Makiru mwana wa Manase, Gileadi; naye ya menya mu.

⁴¹Na Jairo mwana wa Manase ya tsia na a vugula amadala ga Gileadi, na a ga langa Havothjairo.

⁴²Na Noba ya tsia na a vugula Kenathu, notudala twakyo, naye ya li gulika lieta Noba, kuli lieta mwene.