Read lulogooli Livalidza 33 Bible Online

Livalidza 33 - lulogooli bible

Livalidza 33

¹Yitsi ni tsing'endo tsya avana va Israeli, tsyelitwula lyavo mu kivala kya Egepeti, kuli amahe gavo mu mukono gwa Musa na Haruni.

²Na Musa ya ng'oda litwula lyavo ulugendo nolugendo, kuli lilaga lya Yahova: na yitsi tsi veye tsing'endo tsyavo kuli litwula lyavo.

³Na va samula kutwula ha Ramesese ku mweli gwokutanga, ku lidiku lyelikumi na gatano lyomweli gwokutanga; ku mugamba inyima welipasaka, avana va Israeli va twula nomukono gwetsingulu, imbiri wa Avaegepeti vosi

⁴lwa Avaegepeti va li ni va tedzanga ava tanga kwivulwa vavo vosi, ava Yahova yiita muvo: kandi Yahova ya kola likalaga ku vanyasaye vavo.

⁵Avana va Israeli va samula kutwula Ramesese, na va sosa ha Sukothu.

⁶Na va samula kutwula Sukothu, ni va sosa ha Etham, naho ha veye ku kiheri kyekyangalangwi

⁷Na va samula kutwula Etham ni virana Imduka Pi-hahirothu, li veve imbiri wa Baal-zefon: ni va sosa imbiri wa; Migidoli.

⁸Navasamula kutwula imbiri wa Hahirothu, ni va vita hagati henvanza, ni vingira mu kyangalangwi: na va tsia madiku gavaka mu kyangalangwi kya Etham, ni va sosa ha Mara.

⁹Na va samula kutwula Mara, ni va duka ha Elim: na Elim ha li ho visenukiru likumi na viviri, na misala gya makindu makumi gatano na gaviri; navo va sosa ho.

¹⁰Na va samula kutwula Elim, ni va sosa himbi na Inyanza Inzakanyu.

¹¹Na va samula kutwula Inyanza Inzakanyu ni va sosa mu kyangalangwi kya Sini.

¹²Na va samula kutwula kyangalangwi kya Sini, ni va sosa ha Dofika.

¹³Na va samula kutwula Dofika, ni va sosa ha Alushu.

¹⁴Na va samula kutwula Alushu, ni va sosa ha Refidim, ha amadzi ga ta li aga avandu va nwa.

¹⁵Na va samula kutwula Refidim, ni va sosa mu kyangaiangwi kya Sinai.

¹⁶Na va samula kutwula mu kyangalangwi kva Sinai, ni va sosa ha Kibirothuhatava.

¹⁷Na va samula kutwula Kibirothu-hatava, ni va sosa ha Hazerothu.

¹⁸Na va samula kutwula Hazerothu, ni va sosa ha Rithima.

¹⁹Na va samula kutwula Rithima, ni va sosa ha Rimon-perezi.

²⁰Na va samula kutwula Rimon-perezi, ni va sosa ha Libina.

²¹Na va samula kutwula Libina, ni va sosa ha Rissa.

²²Na va samula kutwula Rissa, ni va sosa ha Kehelatha.

²³Na va samula kutwula Kehelatha, ni va sosa mu kigulu kya Sheferu.

²⁴Na va samula kutwula mu kigulu kya Sheferu, ni va sosa ha Harada.

²⁵Na va samula kutwula Harada, ni va sosa ha Makelothu.

²⁶Na va samula kutwula Makelothu, ni va sosa ha Tahathu.

²⁷Na va samula kutwula Tahathu, ni va sosa ha Tera.

²⁸Na va samula kutwula Tera, ni va sosa ha Mithika.

²⁹Na va samula kutwula Mithika, ni va sosa ha Hashmona.

³⁰Na va samula kutwula Hashmona, ni va sosa ha Moserothu.

³¹Na va samula kutwula Moserothu ni va sosa ha Bene-jaakan.

³²Na va samula kutwula Bene-jaakan, ni va sosa ha Hori-hagidigadi.

³³Na va samula kutwula Horihagidigadi, ni va sosa ha Jotibatha.

³⁴Na va samula kutwula Jotibatha, ni va sosa ha Abirona.

³⁵Na va samula kutwula Abirona, ni va sosa ha Ezion-geberi.

³⁶Na va samula kutwula Eziongeberi, ni va sosa mu kyangalangwi kya Zin (ha veye Kadesh).

³⁷Na va samula kutwula Kadesh, ni va sosa mu kigulu kya Horu, mu lwako lwa kivala kya Edom.

³⁸Na Haruni musalisi yanegira mu kigulu kya Horu, kuli lilaga lya Yahova, na a kudzera yo, ku muhiga gwa makumi gane inyima wa avana va Israeli va twula mu kivala kya Egepeti, ku mweli gwegyitano, mu lidiku lyokutanga mweli.

³⁹Na Haruni ya li wemihiga mia na makumi gaviri na gyivaka lwa ya kudzera mu kigulu kya Horu.

⁴⁰Na uyu Mukanani mwami wa Aradi, wa li ni ya menya ku luvega lwa kusini mu kivala kya Kanani, ya hulira liidza lya avana va Israeli.

⁴¹Na va samula kutwula mu kigulu kya Horu, ni va sosa ha Zalmona.

⁴²Na va samula kutwula Zalmona, ni va sosa ha Punon.

⁴³Na va samula kutwula Punon, ni va sosa ha Obothu.

⁴⁴Na va samula kutwula Obothu, ni va sosa ha lye-abarim mu lwako lwa Moabu.

⁴⁵Na va samula kutwula Iyim, ni va sosa ha Dibon-gad.

⁴⁶Na va samula kutwula Dibon-gad, ni va sosa ha Alimon-diblathaim.

⁴⁷Na va samula kut vula Alimon-diblathaim, ni va sosa mu vigulu vya Abarim, imbiri wa Nebo.

⁴⁸Na va samula kutwula mu vigulu vya Abarim, ni va sosa mu kereremu kya Moabu, himbi na mugera gwa Yordani ha Yeriko.

⁴⁹Navo va sosa himbi Yordani, kutwula Beth-jeshimothu kuduka Abeli-shitim mu kereremu kya Moabu.

⁵⁰Na Yahova ya volera Musa mu kereremu kya Moabu himbi Yordani ha Yeriko, na a vola,

⁵¹U volere avana va Israeli, nokuvavolera, Lwa mwambuka Yordani nokwingira kivala kya Kanani,

⁵²hene yaho mu la kunga avomkivala vosi va twule imbiri wenyu, na mu lononya magina gavo gosi aga vadzwa, nokwononya vifwananyi vyavo vyosi, nokushonolannya hosi hadiguluku havo:

⁵³na mwinye mu la vugula kivala kuva miyandu, nokumenya mu; kigira inze mmali kumuha kivala kuva miyandu gyenyu.

⁵⁴Na mwinye mu la gavulanya kivala nekura kuli bwiko bwenyu; ku vanyingi mu la ha miyandu minene, noku vageheru u la ha miyandu mikekeke: ku hosi ha ikura i gwira ku mundu, ha zana ha la va ahehe; kuli tsihiri tsya vaguga venyu mu la nyola miyandu.

⁵⁵Navutswa ni mu vula kukunga avomkivala va twule imbiri wenyu, hene yaho yavo ava mu leka kutigala va la va kuli tsisindani mu tsimoni tsyenyu, na kuli amafwa mu tsimbalu tsyenyu, na va la mu dambidza mu kivala kya mu menya mu.

⁵⁶Na i la va, kuli nda ganagana kuvakolera, nda mu kolera ndiyo.