Read lulogooli Livalidza 36 Bible Online

Livalidza 36 - lulogooli bible

Livalidza 36

¹Na avemitwe vetsinyumba tsya avaguga va viko va avana va Gileadi, mwana wa Makiru, mwana wa Manase, wo bwiko bwa avana va Yosefa, vesunda himbi, ni va vola imbiri wa Musa, na imbiri wa yavo avanene, avemitwe vetsinyumba tsya avaguga va avana va Israeli:

²navo va vola, Yahova ya laga mwami wange kuha avana va Israeli kivala kuva miyandu ku ikura: na mwami wange ya lagwa na Yahova kuhaana miyandu gya Zelofehadi amwavo wetu, ku avakana veve.

³Ni va kwebwa ku mulala ku vosi avayai vehiri yindi ya avana va Israeli, kunangwa miyandu gyavo gyi la hilwa kutwulidzwa mu miyandu gyavaguga vetu, na gyi la medwa ku miyandu gyehiri ha va tsia kumenya: na ku yaga gyi la tuulidzwa mu mivandu gyetu.

⁴Na inyinga jubili ya avana va Israeli i duka, hene yaho miyandu gyavo gyi la medwa ku miyandu gyehiri yindi ha va veye: na ku yaga miyandu gyavo gyi la twulidzwa ku miyandu gyehiri ya vaguga vetu.

⁵Na Musa ya laga avana va Israeli kuli likuva lya Yahova, na a vola, Ihiri ya avana va Yosefa i voye ageligali.

⁶Yili li veye lya Yahova a laganga ku avakana va Zelofehadi nokuvola, Va kwebwe na avasatsa va va yanzanga; navutswa va kwebwe mu bwiko bwehiri ya guga wavo, va ta kwebwa ahandi.

⁷Na ndiyo si ha la va nemiyandu gya avana va Israeli gyi nyala kutwula ku ihiri indala nokutsia ku ihiri yindi; kigira avana va Israeli va la hambana sa mulala ku miyandu gyehiri ya vaguga veve.

⁸Na ku avakana vosi uyu u veye nerniyandu mu ihiri ku tsyosi tsya avana va Israeli, a la kwebwa ku mulala wehiri ya dada wewe, avana va Israeli sa mulala a duke kuvugula miyandu gya vaguga veve.

⁹Kunangwa miyandu si gyi nyala kutwula ku ihiri indala nokutsia ku ihiri yindi; kigira tsihiri tsya avana va Israeli tsi la hambana sa mulala ku miyandu gyigye mwene.

¹⁰Kunangwa avakana va Zelofehadi va kola kuli Yahova ya laga Musa:

¹¹kigira Mahala, Tiriza, na Hogila, na Milika, na Noa, avakana va Zelofehadi, va kwebwa na avayai avana va avamwavo va dada wavo.

¹²Va kwebwa ku aviko va avana va Manase, muana wa Yosefa; na miyandu gyavo gya menya mu ihiri yobwiko bwa dada wavo.

¹³Yaga ga veye amalago na miima, gya Yahova ya laga avana va Israeli nomunwa gwa Musa mu kereremu kya Moabu himbi Yordani ha Yeriko.