Read lulogooli Mika 2 Bible Online

Mika 2 - lulogooli bible

Mika 2

¹O bayaye ku yavo ava saaviranga vidamano nokukola budamano ku vitali vyavo lwa bu kyedzanga, va bu tumekiranga, kigira bu veye mu bunyali bwa makono gavo.

²Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye.

³Kunangwa Yahova a vola ndi: Henza, inze nsaaviye budamano ku bwiko yibu, bwa mu vula kunyala kutwulidza magoti genyu kubwo, kandi si mu la genda mu luyai; kigira i veye inyinga indamano.

⁴Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu.

⁵Kigira yaga u la vula kuva nomundu u sigisa mugoye ne ikura mu livugana lya Yahova.

⁶Mu ta profeta mba, ni ndiyo va profetanga. Si va la profetera yava: amanyego si ga la twula.

⁷Likuva yili li volwe, O inyumba ya Yakobo, Roho wa Yahova u gehidzwa? Yili ni likola lilye? Makuva gange si ga kolera bulahi uyu u gendanga bulungi?

⁸Navutswa madiku yaga avandu vange va singira kuli avasigu: mwinye mu va nuye ijoho mu tsingubo tsya yavo ava vitanga nemirembe kuli avandu va ta yanza ubulwani.

⁹Avakali va avandu vange mu va teye kyova kutwula mu tsinyumba tsyavo tsindahi; navana vavo vadoto mu va nyaga ubukumi bwange mihiga nemihiga.

¹⁰Mu singire, mu tsie; kigira hano si ha veye hokusosa henyu mba; kigira ubudamano bwononnyanga, kuduka lidividza lilitu.

¹¹Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

¹²Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

¹³Wononnya wanegiye imbiri wavo: va sambuye ni va viti ha kiribwa, na va twuli ha kiribwa; mwami wavo wimiye imbiri wavo, na Yahova wimiye kuva mu mutwe gwavo. Na nda vola, Mwadza, mu hulire.