Read lulogooli Mika 4 Bible Online

Mika 4 - lulogooli bible

Mika 4

¹Navutswa mu madiku gekiheri ga la va, kigulu kyenyumba ya Yahova ki la dinyeridzwa ku isonga yevigulu, na ki la nenehidzwa kuvita tugulu; navandu va la ng'unyana mukyo.

²Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

³naye a la kalaga hagati ha avandu vanyingi, na a la gondokera tsihiri tsyetsingulu tsya ihale, va la tula vivavi vyavo kulomba tsimbago, na matimo gavo kulomba mihidzu; ihiri i la vula kuginga kivavi ku ihiri yindi, kandi si va legidzwa ubulwani kandi mba.

⁴Navutswa va likala sa mulala isi womuzabibu gwigwe kinga isi womukuyu gwigwe; si ha veye nomu ndu kali mulala u va tihidza mba: kigira munwa gwa Yahova wa mahe gu voye yaga.

⁵Kigira avandu vosi va genda sa mulala mu lieta lyomunya saye wewe; navutswa kwinye ku la genda mu lieta lya Yahova Nyasaye wetu mihiga nemihiga.

⁶Mu lidiku yilyo, Yahova a vola, nda vungidza avasegeranga, nda leta avakungwa, na ava nda dambidza;

⁷na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

⁸Na ive kitaradzi kyekyayo, kigulu kyomukana wa Zioni, ki ladza ku ive, yee, lyameha lyakale li ladza, bwami bwomukana wa Yerusalemi.

⁹Kalunu kigira ki u kupanga tsikwili? Si ha veye nomwami mu ive, muvoli wowo wa diva, u luhe u gimiywi nelilumwa kuli mukali wivulanga?

¹⁰U ve nelilumwa u kupe lukwili u duke kwivula O mukana wa Zioni, kuli mukali wivu langa; kigira kalunu u la twula mu lidala, na u la menya mu mulimi, na u la duka kali ku Babuloni: ha zana u la honnyirwa ho, ha zana Yahova a la ku tungira u twule mmukono gwavasigu vovo.

¹¹Kalunu tsihiri tsinyingi va vungi ku ive va volanga, A vikwe ubudamano, tsimoni tsyetu tsi duke kulola aga kwenyanga ku Zioni.

¹²Navutswa si va manya tsiganagani tsya Yahova, kandi si va manyeridza livola lilye; kigira u mali kuvavungidza kuli viganda vi vungidzangwa kulodze lwokuhuula.

¹³Si ngira u huule, O mukana wa Zioni; kigira nda kola lwiga lulwo kuva kivya, na tsimbagayu tsitsyo kuva mugasa; na u la duvaga avandu vanyingi: na vyambeti vyavo u la gima Yahova, nobutugi bwavo u la gima.