Read lulogooli Nahum 2 Bible Online

Nahum 2 - lulogooli bible

Nahum 2

¹Uyu u donyannyanga vidonye wanegiye ku ive: gumira impinga, u linde inzira, kikenge kikyo u ki vike tsingulu, u dinyeridze tsingulu tsitsyo ligali.

²Kigira Yahova a letanga kandi ubunene bwa Yakobo, kuli ubunene bwa Israeli; kigira ava tsukanga va tsuki yavo, nokwononnya tsitsya tsyomuzabibu gwavo.

³Ingavo yavobunyali veve i koleywi inzakanyu, avaluviriri viviki tsingubo tsyetsinzakanyu: magari gobulwani ga ng'ering'ananga nekivya kidinyu mu lidiku lyelyetegeka lilye, na matimu ga sung'usangwa netsingulu tsyokutihidza.

⁴Magari gobulwani ga kupanga muliviti mu lihasi: ga levagala yiyi neyiyi mu mahasi magalamu: liloleka lyago li veye kuli tsimuli; ga nyagulanga kuli luheni.

⁵Uyu yidzulitsa avanene veve: vikigitala mu ligenda lyavo; va nyagula va tsia ku lidigi lilye, kyokukunika ki lombeywi kwetegeka.

⁶Neviribwa vyemigera viguywi, nenyumba yobwami i yenguleywi.

⁷Ga lagwa: a vimbulwa, a hilwa ihale; vakana vatugwa veve va syoma kuli myoyo gya makulu, nokukupanga viritu vyavo.

⁸Navutswa Nineve kutwula kale lya li kuli lidavalia: navutswa viruka. Mu singire, mu singire, va vola; navutswa si ha veye nomulala u henza inyima mba.

⁹Mu vugule vilanye vyeletha, mu vugule vilanye vyethahabu; kigira si ha veye nelihendeka lyakiba, ubukumi bweviju vyosi vilahi.

¹⁰A veye bugira kindu, nomweri, na hatswa; mwoyo gu saluluka, na masigamo ga kupananga, ne lilumwa li veye mu vikenge vyosi, nomumoni mwavo vosi va saamuki kigira bugenyi.

¹¹Ubumenyo bweving'ang'a bu veye haliha, na hevi ng'ang'a visoleli vi liiranga ha veye haliha, heving'ang'a vi genda, kisatsa kikali, nekisoleli, si ha veye na u vi tihidza?

¹²King'ang'a kya tandula vyokulia vyokuduka avana vakyo, na kya megera vikali vyakyo, nekizulitsa tsimbangaywa tsyakyo vyolu hedzi, na ubumenyo bwakyo kya bwizulitsa tsinyama tsya kya tandula.

¹³Henza, mbeye ku ive, Yahova wa mahe a vola, nda sambira amagari gege gobulwani mu mwoki, nekivavi ki la mira ving'ang'a visoleli vivyo na nda twulidza ku kivala lihima lilyo, na mwoyo gwavatumwa vovo gu la vula kuhulirwa kandi.