Read lulogooli Habakuk 3 Bible Online

Habakuk 3 - lulogooli bible

Habakuk 3

¹Yili ni lisaala lya Habakuk muprofeti, yimba ku Shigionothu.

²O Yahova, mbuliye makuva gogo, na mbeye nobutii: O Yahova, u simugukidze miyinzi gyigyo hagati hemihiga; Hagati hemihiga landidza makuva Mu butima bubwo widzulitse tsimbabasi.

³Nyasaye yadza kutwula Teman, Mutakatifu yadza kutwula mu kigulu kya Parani. (Selaha Ubukumi bwibwe bwa kunika ligulu, Na lirova lizula lidzominywa lilye.

⁴Ubung'ering'anu bwibwe bwa li kuli ubulavu; Ya li netsimemo tsya twula mmukono gwigwe; Na liviswa lyetsingulu tsitsye lya li ho.

⁵Ulukudzo lwimira imbiri wewe, Na amanda gaakanga muliru ga twula ha virenge vivye.

⁶Ya singira, na a gera lirova; Ya henza, na a salannya tsihiri; Vigulu vyemihiga nemihiga va salannywa kandi; Tugulu twemihiga nemihiga twinaminya mitwe gyatwo; Tsing'endo tsitsye tsya li kuli tsya kale.

⁷Nda lola mahema ga Kushan mu kivi; Vyokukinga vyekivala kya Midiani vya degera.

⁸Yahova ya vihirirwa nemigera? Butima bubwo bwa li ku migera, Kinga ubutima bubwo bwa li ku inyanza, Ive u duka kunina ku tsiparasi tsitsyo Ku magari gogo gobuhonyi?

⁹Buta bubwo bwa kolwa kuva habulavu ligali; Ga wisuhira vetsihiri ga li makuva geligali. (Selaha Watannya lirova nemigera.

¹⁰Viguli vya ku lola, na vya tia; Kihi kyamadzi kya vita; Luliva lwa ginga mwoyo gwalwo, Nokuginga makono galwo igulu.

¹¹Liuva nomweli vya kiring'ana mbugono bwavyo, Ku bulavu bwemibano gyigyo lwa gya gendanga, Ku ling'ereng'ana lyelitimu lilyo li ng'ereng'ana.

¹²Wa genda hagati hekivala mu butima bubwo; Mu ubutima bubwo wa huula tsihiri

¹³Wa twula nobuhonnyi bwavandu vovo, Kigira ubuhonnyi bwombake wowo; Wata ulugoma ku mutwe mu inyumba yomudamano, umuse kuduka migoti. (Selaha

¹⁴Wa hudula mitwe gya valuviriri veve nevisala vivye mwene: Vadza kuli kihudzudzi kusalannya inze; Liyanza lyavo lya li kuli kulia avadaka makiriri.

¹⁵Ive wa duvaga inyanza netsiparasi tsitsyo, Kitumi kyamadzi gobunyali.

¹⁶Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

¹⁷Kigira kali mukuyu ni gu vuli kulavidza kimuli, Kandi makuyu ni ga ta li mu mizabibu; Na miyinzi gyemizeituni gyi la diva Na milimi si gyi la leta vyokulia; Kyayo ki la twulidzwa mu kego, Kandi si ha la va ne kyayo kyetsing'ombe mu kego:

¹⁸Navutswa nda sangala mu Yahova Nda va nobuyanzi mu Nyasaye wobuhonnyi bwange.

¹⁹Yahova, Mwami, a veye tsingulu tsyange; A kola virenge vyange kuva kuli Direnye vyemboongo, Na a la ng'endidzira virenge vyange mu hadiguluku.