Read lulogooli Zekaria 10 Bible Online

Zekaria 10 - lulogooli bible

Zekaria 10

¹Mu saale imbula ku Yahova ku inyinga yembula yekyubwi, uyu Yahova u lombanga uluheni; naye a la va ha lunyirira lwembula, mundu sa mulala a la hebwa bunyasi mmulimi.

²Kigira vifwananyi vi volanga vutswa, na vagimba va lolanga bubehi; na va volanga vya maloto gobubehi, lileminya mwoyo lyavo li veye lya vutswa: kigira yaga va tsitsanga kuli magondi, va dambidzwa, kigira si ha veye nomwayi.

³Ubutima bwange bwaaki ku avayi, na nda kalagira tsikole; kigira Yahova wa mahe a henzanga kyayo kikye, inyumba ya Yuda, na a la va kola va ve kuli iparasi yeye indahi inyinga yobulwani.

⁴Ligina lyolwiga li la twula kuye, nomsumari, nobuta bwobulwani bu la twula kuye, ku vosi avamehanga va la twula kuye.

⁵Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

⁶Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

⁷Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

⁸Nda va langira, nokuvavungidza; kigira mba tungiye; navo va la medeka kuli va medeki.

⁹Nda va midza hagati ha avandu; na va lidzulitsa inze mu vivala vyehale; na va la menya halala na avana vavo, na va la galuka.

¹⁰Kandi nda va leta kutwula mkivala kya Egepeti, nokuvavungidza kutwula mkivala kya Asuria; na nda va vika mu hivala kya Gileadi na Lebanon; nobuiyangu si bu la loleka bwokuvaduka.

¹¹Naye a la vita hagati henyanza yelidambidza, nokukuya viguvuli vyenyanza, noluliva lwosi lwomugera gwa Nile lu la kama; noluyai lwa Asuria lu likidzwa, na impimbo yobwami ya Egepeti i la gota.

¹²Nda va vika tingulu mus Yahova; na va la genda yiyi na yiyi mu lieta lilye, Yahova a vola.