Read lulogooli Zekaria 12 Bible Online

Zekaria 12 - lulogooli bible

Zekaria 12

¹Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

²Henza, nda kola Yerusa lemi kuva kikombe kyokuyekanga ku avandu vosi ava kumbiridza tsimbega tsyosi, kandi ki la va ku Yuda rnu likumbiridzwa lya Yerusalemi.

³Na ga la duka ku lidiku yilyo, nda kola Yerusalemi kuva ligina liliduhu ku avandu vosi; vosi ava ginga musigo yigwo va laatwa tsing'oma ligali; netsihiri tsyosi tsyelirova tsi la vungidzwa halala kulyo.

⁴Mu lidiku yilyo, Yahova a vola, nda tihidza tsiparasi tsyosi, na uyu u ninanga kutsyo nda mu lalukidza: na nda kunula tsimoni tsyange ku inyumba y a Yuda, na nda kuya tsiparasi tsyosi tsyavandu nelivakula.

⁵Na vamehanga mu Yuda va la vola mu myoyo gyavo, Yavo ava menyanga mu Yerusalemi va veye tsingulu tsyange mu Yahova wa mahe, Nyasaye wavo.

⁶Mu lidiku yilyo nda kola yavo avamehanga mu Yuda va ve luju lwomuliru mu tsinku, na kuli ulumuli lwomusala hagati heviganda vyengano; navo va la lia avandu vosi va kumbiridza tsimbega tsyosi, ku luvega lwomukono mulungi noku luvega lwomukono mmosi, ava Yerusalemi va la menya kandi mbugono bwavo, li vo a li veye ha Yerusalemi.

⁷Kandi Yahova a la tanga ku honnya maherna ga Yuda, kuduka ubukumi bwenyumba ya Daudi na ubukumi bwa yavo ava menya Yerusalemi bu vule kwidzo minywa kuvita bwa Yuda.

⁸Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

⁹Na ga la duka ku lidiku yilyo, ndenya kudivi dza tsihiri tsyosi tsi vukira Yeru salemi.

¹⁰Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

¹¹Mu lidiku yilyo lisyoma linene li la va ho mu Yerusalemi, kuli lisyoma lya Hadadirimon mwivona lya Megidon.

¹²Kivala ki la syoma, ubwiko sa bulala bweng'ine; bwiko bwenyumba ya Daudi bweng'ine, na vakali vavo veng'ine; no bwiko bwenyumba ya Nathan bweng'ine, na vakali vavo veng'ine;

¹³bwiko bwenyumba ya Levi bweng'ine, na vakali vavo veng'ine, bwiko yibu bwosi bwa tigala, ubwiko sa bulala bweng'ine, na vakali vavo veng'ine.