Read lulogooli Zekaria 13 Bible Online

Zekaria 13 - lulogooli bible

Zekaria 13

¹Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

²Na ga la duka mu lidiku yilyo, Yahova wa mahe a vola, nda twulidza ameta gevifwananyi mu kivala, nago ga la vula kwidzulitswa kandi; na nda twulidza avaprofeti na mwoyo mudamano vi twule mu kivala.

³Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta.

⁴Na ga la duka mu lidiku yilyo, avaprofeti va la va netsisoni sa mulala kigira lilola lilye, lwa a profetanga; kandi si va livika ingubo yobwoya va duke kugada:

⁵navutswa a la vola, Si mbeye muprofeti mba, mbeye mulimi wa marova; kigira nda kolwa mutugwa kutwula bwana buke.

⁶Na mulala a la mu teva, Tsimbala tsya u veye natsyo mu makono gogo yitsi ni tsya ki? Hene yaho a la tivula na a la uola, Yitsi ni tsimbala tsya nda vikwa mu inyumba ya avalina vange.

⁷U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

⁸Na ga la duka, mu kivala yikyo kyosi, vidieli viviri vi la twulidzwa na va la kudza; Yahova a vola, navutswa kidieli kya kavaka ki la tigala mu.

⁹Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.