Read lulogooli Zekaria 2 Bible Online

Zekaria 2 - lulogooli bible

Zekaria 2

¹Kandi nda ginga tsimoni tsyange, ni ndola, na henza, mundu mulala wa li nomugoye gwokugera mmukono gwigwe.

²Hene yaho nda mu teva, U tsitsa haliha? Naye ya ntivulira na a vola, Ntsitsa kugera Yerusalemi, ndole ubugalamu bwalyo kuli bu veye, nobutambi bwalyo kuli bu veye.

³Kandi, henza, ingelosi wa volerana ninze ya twula, na ingelosi wundi ya tsia kuvugana naye,

⁴na ya mu volera, Nyagula, u volere musoleli uyu, u mu volere, Avandu va la menya mu Yerusalemi kuli mu tudala tu ta li na madigi getsingaga, kigira bunyingi bwa avandu nemitugu mulyo.

⁵Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

⁶He, he, mwiruke kutwule mu kivala kya kasikasini, Yahova a vola; kigira nda salannya mwinye kuli tsimbuudza tsine tsyomigulu, Yahova a vola.

⁷Ive Zioni, wehonye, ive u menyanga halala na mukana wa Ba buloni.

⁸Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

⁹Kigira, henza, nda sung'usa mukono gwange kuvo, na va la va avalanye ku yavo ava va tumekira; na mu la manya Yahova wa mahe ya ntuma.

¹⁰Wimbe u sangale, O mukana wa Zioni; kigira, henza nzidzanga, na nda menya nagati hoho, Yahova a vola.

¹¹Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

¹²Na Yahova a la nyola Yuda kuva miyandu gyigye, kidieli kikye mu kivala kitakatifu, kandi a la tovola Yerusalemi.

¹³Mu kiring'ane, mwinye mwosi avemibiri, imbiri wa Yahovakigira u vuki mbumenyo bwibwe butakatifu.