Read lulogooli Zekaria 9 Bible Online

Zekaria 9 - lulogooli bible

Zekaria 9

¹Yibu nobuliduhu bwelikuva lya Yahova ku kivala kya Hadaraka, na Damasko ki la va ha bugono hehe hokusosa (kigira imoni yomundu netsimoni tsya vetsihiri tsyosi tsya Israeli tsi henzi ku Yahova);

²kandi Hamathu, lya li ku lwako lwakyo, Turo na Sidone, kigira va veye nobugeeri.

³Turo yeyombakira impinga, nokuvungidza ifetha kuli hlgukyi, nethahabu kuli madohi gelihasi.

⁴Henza, Yahova a la mu kunga nokuduya tsingulu tsitsye mu inya nza; na a la sambwa nomuliru.

⁵Ashikelon a la lola inkuva yiyi naye a la tia; na Gaza kandi li la saliridzwa ligali; na Ekiron ku lyenya lilye li la va isoni; mwami a la diva kutwula Gaza, avandu si va li menya kandi mu Ashikelon mba.

⁶Na wendasimba a la menya Ashidodi, na nda twulidza luyai lwa Vafilisiti.

⁷Na nda twulidza masahi gege ku munwa gwigwe, na livihiridza lilye nda li twulidza mu amino gege; uyu kandi a la va litigala lya Nyasaye wetu; na a la va kuli govuna mu Yuda, na Ekiron a la va kuli Mujebusi.

⁸Na nda singeridza mahema gange kukumbiridza inyumba yange, kigira lihe, ha ta va novita kinga wirana kandi mudambidzi ku vosi si a la vita hagati havo mba: kigira inze kalunu ndolanga netsimoni tsyange.

⁹U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

¹⁰Na nda twulidza ligari lyobuiwani ku Efiraim, na iparasi ku Yerusalemi; na buta bwobulwani bu la twulidzwa: na a lilwadza mirembe ku vetsihiri: na lyameha lilye li la va kutwula ku inyanza yiyi ku duka ku inyanza yiyi, na kutwula ku Mugera ku duka ku kiheri kyelirova.

¹¹Ku ive kandi, kigira masahi gelilagana lilyo, nda twulidza avahambe vovo kutwula mbogo bu ta li na madzi.

¹²Mwirane ku impinga mwinye avahambe velisuuvira: kali lero mbola nda ku tunga hali kaviri.

¹³Kigira mmali kukumba Yuda a ve ku inze, mmali kwizulitsa ubuta na Efiraim; na nda vukidza avana vovo, O Zioni, ku avana va Ebugreki na nda ku kola kuva kuli kivavi kyomundu wobunyali.

¹⁴Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.

¹⁵Yahova wa mahe a la va sola; na va la lia nokuduvaga magina ga laswa nolu kova; na va la nwa, nokukupa liyoga kuli lyewaini; na va lizula kuli tsi ndavo, kali mu tsikona tsyobwali.

¹⁶Na Yahova Nyasaye wavo a la va honnya mu lidiku yilyo kuli kyayo kyavandu veve; kigira va la va kuli magina getaji ga gingwa igulu ligali ku kivala kikye.

¹⁷Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.