Read lulogooli Malaki 1 Bible Online

Malaki 1 - lulogooli bible

Malaki 1

¹Yibu ni buliduhu bwelikuva lya Yahova lya ng'odu a ku Israeli nomukono gwa Malaki.

²Inze nyanza mwinye, Yahova a vola. Navutswa mu vola, U ku yanzira kuliha? Esau si ya li amwavo Yakobo? Yahova a vola: navutswa nda yanza Yakobo;

³navutswa nda dunyira Esau, na nda kola vigulu vivye hatswa, na miyandu gyigye nda ha vibwe vyombulimu.

⁴Kali Edoma vola, Kwinye ku duvagirangwa hasi, navutswa ku la galuka nokwombaka mu vyanyi vya lekwa: Yahova wa mahe a vola, Va lombaka, navutswa nda sambula kandi; na vandu va la va langa, Kivala kyobudamano, na Avandu ava Yahova a vihirirwa mihiga nemihiga.

⁵Na tsimoni tsyenyu tsi la lola, na mu la vola, Yahova yidzominywe kuvita lwako lwa Israeli.

⁶Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

⁷Mu haananga ubukima bwononnywa ku bwali bwange. Na mu vola, Ku kwononnyi ku kindu ki? Ga veye ku livola lyenyu lya mu volanga, Imeza ya Yahova i vedzanga nelilegwa.

⁸Na lwa mu haananga kiboku kuva kihaanwa, si bu veye budamano? Kandi lwa mu haananga vilema nevilwaye, si bu veye budamano? Haana ku yivi ku Govuna wenyu kalunu; vi la yanzeka kuye? Kinga a la bugirira ive? Yahova wa mahe a vola.

⁹Mwadza, kalunu, mu saale tsimbabasi tsya Nyasaye, a duke kukuvererera: inkuva yiyi i twuli mmakono genyu: a la bugirira liva lyenyu? Yahova wa mahe a vola.

¹⁰Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

¹¹Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

¹²Navutswa mu lyononnyanga, ku livola, imeza ya Yahova yononnyangwa, na makuyu gayo, kali vyokulia vyayo, ni vyokulegwa.

¹³Kandi mu vola yaga, Henza, inkuva yiyi i ku luhidzanga ku duka ndi na mwinye mu vi hudzudzanga nemiyeka gyomolo, Yahova wa mahe a vola; na mu leti kya vugulwa nekirage, kandi kilema, na kilwaye; ni ndiyo mu letanga vyokuhaanwa: ga ndukira ku bugirira kindu yiki mmakono genyu? Yahova a vola.

¹⁴Navutswa a laamwe uyu u gadanga u veye mu kyayo kikye kisatsa, navutswa a laga, nokuhaana ku Yahova kindu kilema; kigira mbeye Mwami munene, Yahova wa mahe a vola, na lieta lyange li tihidzangwa mu tsihiri.