Read lulogooli Malaki 3 Bible Online

Malaki 3 - lulogooli bible

Malaki 3

¹Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

²Navutswa ni bwaha u nyala kumenya mu lidiku lyelidza lilye? Kandi ni bwaha u nyala kusingi ra lwa uyu a loleka? Kigira a veye kuli muliru gwo muhenzeridzi wefatha, ka ndi kuli isabuni yomwogidzi wetsingubu:

³a likala kuli muhenzeridzi nokusiiya ifetha, na a la siiya avana va Levi, nokuvalengeridza kuli ithahabu na ifetha; na va la haana ku Yahova vihaanwa mu bulungi.

⁴Hene yaho kihaanwa kya Yuda na Yerusalemi ki la yanzidza Yahova, kuli mmadiku ga matsyambiri, na kuli mmihiga gya kale.

⁵Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

⁶Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

⁷Kutwula mmadiku ga vaguga venyu mu mali kugirunkana mu tsie haluvegan okuleka amalago gange, si mwa ga linda mba. Mwirane ku inze, na inze ndirana ku mwinye, Yahova wa mahe a vola. Navutswa mu vola, Kwirane ku ive ku makuva galiha?

⁸Mundu a liba vya Nyasaye? Navutswa mwinye mwibanga vindu vyange. Navutswa mu vola, Kwibanga ndi vindu vivyo? Ga veye ku zaka na tsisadaka.

⁹Mu laamwe nevilaamo; kigira mwibanga vindu vyange, kuduka ihiri yiyi yosi.

¹⁰Mu lete izaka yosi mu gi vike mu kidera, kyokulia ki ve mu inyumba yange, mu ngeridze mu inkuva yiyi, Yahova wa mahe a vola, inze ni mbula kumwigulira madirisha gomigulu, nokutsuka ku mwinye ubugasu, ha la vula kuva nobwiyangu kubunyola.

¹¹Kigira mwinye, nda gondokera uyu u litsanga, naye si a lononnya makuyu gekivala kyenyu; kandi mizabibu gyenyu si gyi la vungulula amakuyu gagyo mu mulimi imbiri wenyinga yagyo, Yahova wa mahe a vola.

¹²Na tsihiri tsyosi tsi la mu tala mu veye avobuyanzi; kigira mu la va kivala kyokuyanzidza ligali, Yahova wa mahe a vola.

¹³Makuva genyu ga gwiye madinyu ku inze, Yahova a vola. Navutswa mwinye mu vola, Ku voye ki ku ive?

¹⁴Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

¹⁵Na kalunu ku vola avoluyai va veye nobuyanzi; yee, yavo ava kolanga miyinzi gyobudamano va gasidzangwa; yee, va geridzanga Nyasaye, na va hona.

¹⁶Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.

¹⁷Navo va la va avange, Yahova wa mahe a vola, mu lidiku yilyo, lya ntovola miyandu gyange; na nda va vererera, kuli mundu a verereranga mwana wewe u mu tume kiranga.

¹⁸Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.