Read lulogooli Matayo 1 Bible Online

Matayo 1 - lulogooli bible

Matayo 1

¹Kitabu kya makula ga Yesu Kristo, mwana wa Daudi, mwana wa Abrahamu.

²Abrahamu yivula Isaka; na Isaka yivula Yakobo; na Yakobo yivula Yuda navamwavo veve;

³na Yuda yivula Pereze na Zara ku Tamaru; na Pereze yivula Heziron; na Heziron yivula Ramu;

⁴na Ramu yivula Aminidabu; na Aminidabu yivula Nahashoni; na Nahashoni yivula Salmona;

⁵Salmona na Rahab yivula Boaz; na Boaz na Ruth yivula Obedi; na Obedi yivula Jesse;

⁶na Jesse yivula Daudi mwami. Na Daudi halala no wa li na a va mkali wa Uria yivula Solomoni.

⁷Na Solomoni yivula Rehoboam; na Rehoboam yivula Abija; na Abija yivula Asa,

⁸na Asa yivula Jehosafatu; na Jehosafatu yivula Joram; na Joram yivula Uzia;

⁹na Uzia yivula Jotham; na Jotham yivula Ahazu; na Ahazu yivula Hezekia,

¹⁰na Hezekia yivula Manase; na Manase yivula Amoni; na Amoni yivula Josia;

¹¹na Josia yivula Jekonia navamwavo veve, inyinga ya va hilwa mu Babuloni.

¹²Inyima yokuhilwa mu Babuloni, Jekonia yivula Shealitieli; na Shealitieli yivula Zerubabeli;

¹³na Zerubabeli yivula Abiudi; na Ahiudi yivula Eliakim; na Eliakim yivula Azor;

¹⁴na Azor yivula Sadoki; na Sadoki yivula Akim; na Akim yivula Eliudi;

¹⁵na Eliudi yivula Eleazaru; na Eleazaru yivula Mathani; na Mathani yivula Yakobo;

¹⁶na Yakobo yivula Yosefa musatsa wa Maria, wivula Yesu wa gulikwa Kristo.

¹⁷Amakula gosi kutwula wa Abrahamu kuduka ku Daudi amakula ga veye likumi na gane; nokutwula ku Daudi kuduka inyinga yokuhilwa mu Babuloni amakula ga veye likumi na gane; nokutwula inyinga yokuhilwa mu Babuloni kuduka ku Kristo amakula ga veye likumi na gane.

¹⁸Livulwa lya Yesu Kristo lya li ndi. Mama wewe, Iwa Yosefa ya mala kumkwa, navutswa inyinga va kikiri kuva halala ya nyolwa na a ve inda ya Roho Mtakatifu.

¹⁹Yosefa musatsa wewe, kigira ya li mundu mulungi, si yenya kumvuula, ya ganagana kumleka makiriri.

²⁰Navutswa lwa ya ganagana vindu yivi, henza ingelosi wo Mwami ya loleka kuye mu maloto na a vola, Yosefa, mwana wa Daudi, u ta tia kuleta Maria mkali wowo: kigira kya verekwa muye ki veye kya Roho Mtakatifu.

²¹Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

²²Yaga gosi ga kolwa ndi, ga duke kukolwa ago Mwami ya vola nomunwa gwomprofeti, na a vola.

²³Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

²⁴Yosefa ya vuka mu tsindolo tsitsye, na a kola kuli ingelosi wo Mwami ya mu ha munwa, na a leta mkali wewe;

²⁵na a vula kuva halala naye na a luha na a duka kwivula mwana muyai; naye ya mu gulika lieta lilye YESU.