Read lulogooli Matayo 16 Bible Online

Matayo 16 - lulogooli bible

Matayo 16

¹Avafarisayo na Vasadukayo vadza kuye, ni va mu geridza, ni va teva a va mannye kyokulolekidza kyomigulu.

²Navutswa ya tivula na a va volera, Lwa gu veye mgolova, mu vola Gu la va muhesu: kigira ligulu ni limugi.

³Na mugamba, Isi i la dunya lero: kigira ligulu ni limugi nembula i mwaminya. Mu nyala kumanya weligulu li fwana; navutswa si mu nyala kumanya kyokulolekidzira kyetsinyinga.

⁴Likula lidamano nelyobuheyi lyenya kyokuloiekidzira; navutswa si li la hebwa kyokulolekidzira mba, navutswa kyokulolekidzira kya Jona kyeng'ine. Ya va leka na a tsia.

⁵Avegidzwi veve lwa va duka hangereka ni vivirira kuvugula milango.

⁶Yesu ya va volera, Mu henze bulahi, mu gelihe ku mamera ga Vafarisayo na Vasadukayo.

⁷Ni va monyana, ni va vola, Kigira a vola ndi kwa li ku vula kuvugula milango.

⁸Yesu ya manya ga va volerana, na a vola, Avelisuuvira likekeke, kigira ki mu monyana ku livula kuvugula milango?

⁹Si mu ma nya, kandi si mwidzulitsa milango gyitanu gya va li tsielfu tsitanu, kandi vihinda vyanga vyamadonye aga mwa vungidza?

¹⁰Kandi milango gyitanu na gyiviri gya va li tsielfu tsine, kandi midiema gyanga gyamadonye ga mwa vungidza?

¹¹Kigira ki si mu manya mba si nda mu volera amakuva gemilango? Navutswa mu gelihe ku mamera ga Vafarisayona Vasadukayo.

¹²Kunangwa va manya si ya va volera va gelihe mamera gemilango, navutswa va gelihe migidzo ga Vafarisayo na Vasadukayo.

¹³Yesu lwa yadza mu tsimbega tsya Kaisaria Filipi, ya teva avegidzwi veve na a vola, Avandu va vola Mwana wa Adamu a veye ibwaha?

¹⁴Va vola, Avalala va vola Yohan l Mbatidzi, navandi Elija, navandi Jeremia, kinga mulala ku vaprofeti.

¹⁵Ya va volera. Navutswa mwinye mu vola inze mbeye bwaha?

¹⁶Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

¹⁷Yesu ya tivula, na a mu volera, U veye nobugasu, Simoni wa Jona: kigira inyama namasahi si ga ku vuulira mba, navutswa Dada wange womi gulu.

¹⁸Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.

¹⁹Ninze nda ku ha lufunguo lwobwami bwomigulu: navyo vyosi vya u li boha mu lirova, navyo vi la bofwa migulu; navyo vyosi vya u li boholola mu lirova kandi vi la bohololwa migulu.

²⁰Hene yaho yeganehidza avegidzwi veve va ta volera mundu kali mulala a veye Kristo.

²¹Kutwula inyinga yeyo Yesu ya tanga kumannya avegidzwi veve ga mu dukira kutsia Yerusalemi, kandi avakulundu, navasalisi vanene, navang'odi va la mu kupidza kivi nokumwiita, kandi ku lidiku li kola gavaka a la simugukidzwa.

²²Ma Petro ya mu vugula na a tanga kumwambakanya, na a vola, Ku yaga ga ta ku gwira mba, Mwami, yaga si ga nyala kukunyola.

²³Navutswa yekevuka na a volera Petro, Wirane mgongo wange, Setani: u veye kya nzikigitala ku; kigira si u ganagana vindu vya Nyasaye navutswa vya vandu.

²⁴Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

²⁵Ku vosi wenya kuhonnya liva mwoyo lilye a la li gotidza: naye u gotidza liva mwoyo lilye kigira inze a la li nyola.

²⁶Mundu na a nyola lirova lyosi navutswa a gotidza liva mwoyo lilye, li li ka mu konya ki? Kinga mundu a la gula ki liva mwoyo lilye?

²⁷Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

²⁸Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.