Read lulogooli Matayo 6 Bible Online

Matayo 6 - lulogooli bible

Matayo 6

¹Henze bulahi, mu ta kola bulungi bwenyu imbiri wa vandu, va mu lole: kigira ni mu kola ndiyo, si mu nyala kunyola madanyi ku Dada wenyu u veye migulu.

²Lwa u twulidza tsisadaka, u ta kupa kisiliva imbiri wowo, kuli avagadi va kola mmasomero na ku tsinzira, avandu va vidzominye. Ligali mmu volera, Va mali kunyola madanyi gavo.

³Navutswa lwa u twulidza tsisadaka, u ta leka mkono mmosi gugwo gu manya vyomkono mulungi gu kola:

⁴tsisadaka tsitsyo tsi ve mbuvisi: kandi Dada wowo u lola mbuvisi a la ku ha madanyi.

⁵Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

⁶Navutswa ive, nu wenya kusaala, wingire munyumba yoyo, nu u mali kuhana kiliango, u saale Dada wowo u vula kulolwa, na Dada wowo a lola mbuvisi a la ku ha madanyi.

⁷Nive mu lisaala, u ta vola amakuva manyingi vutswa kuli Tsihiri: kigira va ganagana va la hulirwa kigira amakuva gavo manyingi.

⁸Mu ta fwa nana navo mba: kigira Dada wenyu a manya vindu vya mu daka, mu kikiri kumusaala.

⁹Mwinye mu saale ndi; Dada wetu u veye migulu lietalilyolidzominywe.

¹⁰Ubwami bubwo budze. Ubulaliri bubwo bu kolwe mu lirova muno kuli bu kolwa migulu.

¹¹Lero u ku he vyokulia vyetu vya kase.

¹²U ku samehe magovi getu, kuli kwinye ku sameha avamagovi getu.

¹³U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

¹⁴Kigira mwinye ni mu sameha vandu mahyolo gavo, Dada wenyu womigulu a la mu sameha.

¹⁵Navutswa mwinye ni mu ta sameha avandu mahyolo gavo, Dada wenyu si a nyala kumusameha ubwoni bwenyu.

¹⁶Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

¹⁷Navutswa ive, nu u honga lilia, wivake maguta mmutwe, wisave mmoni;

¹⁸u ta loleka ku vandu u hongi lilia, navutswa u loleke ku Dada wowo u veye mbuvisi: na Dada wowo u lola mbuvisi, a la ku ha madanyi.

¹⁹Mu tivikira tsikiba mu lirova, he tsisere netsisisinia tsyononnya kandi ha avivi vigulira ni viba:

²⁰navutswa mwivikire tsikiba migulu, he tsisere netsisinia tsi tononnya, kandi ha avivi va tigulira ni viba:

²¹kigira ha tsikiba tsitsyo tsi ve yo, kandi mwoyo gugwo gu la va ho.

²²Itaya yomubiri ni imoni: imoni yoyo ni i veye ing'ima, mubiri gugwo gwosi gu lizula bulavu.

²³Navu tswa imoni yoyo ni i veye indamano, mubiri gugwo gwosi gu lizula kisundi. Ubulavu bu veye mu ive ni bu veye kisundi, kisundi ki veye kinene ndi

²⁴Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

²⁵Yiki ni kigira mmu volera, Mu ta henda mwoyo ku liva mwoyo lyenyu, vya mu li lia kinga vya mu li nwa; kinga ku mubiri, vya mu li vika. Liva mwoyo si li vita vyokulia, nomubiri si gu vita tsingubo?

²⁶Mu henze amanyonyi ge igulu, si ga taga, kandi si ga gesa, kandi si ga tera mkidera; na Dada wenyu womigulu a ga lihidzanga. Mwinye si mu veye avalahi ligali kuvita yaga?

²⁷U li ha ku mwinye u nyala nokuhenda mwoyo kwesonga ku butambi bwibwe mkono mulala?

²⁸Kigira ki mu henda mwoyo ku tsingubo? Mu ganagane amadanya gemilimi, kuli ga viruka; si ga kola miyinzi, kandi si ga sita:

²⁹navutswa mmu volera, Solomoni, lwa ya li mu bukumi bwibwe bwosi, si yavalwa ingubo kuli lilala ku yaga.

³⁰Nyasaye na a va ni yavala ndiyo ubulimu bwemilimi, bu veye ho lero, na mugamba bu tebwa mkisambiru, nasindi a lavala mwinye, Mwinye avelisuuvira likekeke?

³¹Kunangwa mu ta henda mwoyo, ni mu vola, Ku la lia ki? Kinga, Ku la nwa ki? Kinga, Ku li yavala ki?

³²Kigira vindu yivi vyosi Tsihiri tsyenyanga; kigira Dada wenyu womigulu a manya mu daka vindu yivi vyosi.

³³Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

³⁴Kunangwa mu ta henda mwoyo ku mugamba gundi: kigira mugamba gu la henda mwoyo namakuva gagwo. Ubudamano bwelidiku bu dukana nelidiku lyene.