Read lulogooli Matayo 8 Bible Online

Matayo 8 - lulogooli bible

Matayo 8

¹Lwa ya sulunguta na a twula mkigulu, viduma vinene vya mu londa.

²Kandi henza, yadza kuye mugere na a mu sigamira, na a vola, Mwami, nu u yanza, u nyala kumbo nnya.

³Ya nyira mkono, na a mu dira, na a vola, Nyanza; u hone. Nonoho ubugere bwibwe bwa honnywa.

⁴Yesu ya mbolera, U henze bulahi, u ta volera mundu kali mulala; navutswa u tsie, wimannye ku musalisi, u twulidze kihaanwa kya Musa ya laga, ki ve kilolekidza ku avandu.

⁵Lwa ya li ni yingira mu Kapernaume, munyampara yadza kuye, na a saala;

⁶na a vola, Mwami, mutumwa wange u goni mu inyumba a lwalanga, u fwogoyi, a saliranga ligali.

⁷Ya mu volera, Ndadza kumuhonnya.

⁸Munyampara ya tivula na a vola, Mwami, si ndukani ive wingire munyumba yange; navutswa vola likuva vutswa, na mutu mwa wange a la hona.

⁹Kigira inze mbeye mundu mkekeke ku sirikali, kandi mbeve navasikari vake keke ku inze: ni mbolera uyu, Tsia ma a tsia; na uyu, Hamba, ma yadza, na mutugwa wange, Kola yaga, ma a kola.

¹⁰Yesu lwa ya hulira ndiyo ya genya, na a volera ava mu londa Ligali mmu volera, Nkikiri kuiola lisuuvira linene kuli yili, kali mu Israeli.

¹¹Na inze mmu volera, vanyingi va la twula ivugwe na madioli, va likala halala na Abrahamu, na Isaka, na Yakobo mbwami bwomigulu:

¹²navutswa avana vobwami va la tebwa mkisundi kyekyova: li la ka ve lilira nokudyedyeidza amino.

¹³Yesu ya volera munyampara, Tsia; kuli wa li kusuuvira, ga la kolwa ndiyo ku ive. Mutumwa wewe ya hona ku isaa yeyo.

¹⁴Yesu lwa ya duka mu inyumba ya Petro, ya lola navizala wa Petro na a goni, na a lwala uluhudza.

¹⁵Ya mu dira mkono gwigwe, noluhudza lwa mu leka; na a vuka na a mu tumekira.

¹⁶Lwa gwa duka mgolova, va mu letera vanyingi ava mademone ga va gumira: na ya kunga amademone nelikuva, na a honnya vosi ava li ni va lwala.

¹⁷Ga duke aga volwa nomunwa gwomuprofeti Isaya na a vola, Mwene ya vugula ubudekeranu bwetu na ya ginga ubulwaye bwetu.

¹⁸Yesu, lwa ya lola viduma vinene vya mkumbiridza, ya haana munwa kwambuka engereka.

¹⁹Mung'odi mulala yadza kuye na a mu volera, Mwegidzi, nda ku londa ha u tsia hosi.

²⁰Yesu ya mbolera, Vibwe vi veye nebogo, na manyonyi ge igulu ga veye netsinyumba; navutswa Mwana wa Adamu si a veye na ha kugona mba.

²¹Wundi ku vegi dzwi veve ya mbolera, Mwami, u mbe munwa ntange kutsia kuta dada wange.

²²Navutswa Yesu ya mbo lera, U nonde, u leke avakudzu va te avakudzu vavo.

²³Lwa ya nina mu liato, avegi dzwi veve va mu londa.

²⁴Kandi henza, kihudzudzi kinene kya huudza mu inyanza, ne viguvuli vi luha vi duka kukunika liato: navutswa ya li na a gona tsindolo.

²⁵Vadza kuye ni va mbukidza, ni va vola, Mwami, u ku konye, ku divanga.

²⁶Ya va volera, Kigira ki mu tia, mwinye avelisuuvira likekeke? Hene yaho ya singira, na a gaya imbuudza nenyanza; ni gu va muleng'era munene.

²⁷Navandu va genya, ni va vola, Ni mundu ki zana uyu wembuudza nenyanza vi mu hulira?

²⁸Lwa ya duka engereka mkivala kya Vagadara, avandu vaviri avamademone ga gumira, va vugana naye, va twula mbilindwa, va li avalulu ligali, kali mundu si ya nyala kuvita ku inzira yeyo.

²⁹Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

³⁰Kyayo kyetsimpidzi tsinyingi kya li ho ihale navo, kyayanga.

³¹Amademone ga mu goonya ga vola, Nu u ku kunga, u ku tume ku tsie mkyayo kyetsimpidzi.

³²Ya ga volera, Tsii. Ma ga twula ni ga tsia kwingira mtsimpidzi: kandi henza, kyayo kyosi kya sulunguta bwangu ku kisulungutu ni kingira mu inyanza ni ki kudzera mmadzi.

³³Avayi viruka ni va tsia mu lidala, ni va vola vyosi, na makuva ga va mademone ga gumira.

³⁴Avelidala vosi va twula ni va tsia kuvugana na Yesu: kandi lwa va mu lola va mu goonya ligali a twule mu tsizako tsyavo.