Read lulogooli Marko 1 Bible Online

Marko 1 - lulogooli bible

Marko 1

¹Litanga lya ivangeli ya Yesu Kristo, Mwana wa Nyasaye.

²Kuli ga ng'odwa mu makuva ga Isaya mprofeti, Henza, ntuma mutumwa wange imbiri wetsimoni tsitsyo U li lomba inzira yoyo

³Mwoyo gwomulala a gamba mwigendanyama, Mu lombe inzira yo Mwami Mu lungikidze mihanda gyigye;

⁴Yohana yadza, wa batidza mwigendanyama, ni yilwadza libatidza lyelyeganira kuduka ku busamehi bwobwoni.

⁵Ni va twula mu kivala kyosi kye Buyuda, nave Yerusalemi vosi; na a va batidza mu mu gera gwa Yordani, ni veyama bwoni bwavo.

⁶Na Yohana yivika ingubo yobwoya bweng'amia, nolukova lwe lisero mu kikenge kikye, na a lia tsisigi nobwuki bwomulitu.

⁷Ni yilwadza, na a vola, U nondanga u veye netsingulu kuvita inze, wa nta du kana kwinama kuboholola tsinkova tsyevilatu vivye.

⁸Inze nda mu batidza mu madzi; navutswa a la mu batidza mu Roho Mtakatifu.

⁹Mu madiku gene yago, Yesu ya manya ni yadza na a twula Nazareti lidala lye Galilaya, na Yohana ya mu batidza mu Yordani.

¹⁰Lwa ya twula mu madzi, nonoho ya lola ligulu li gulika, na Roho kuli likuulu yika kuye:

¹¹na mwoyo gwa twula mu ligulu, Ive nu Mwana wange umyanze ku ive nyanza ligali.

¹²Nonoho Roho ya mu hila mwigendanyama.

¹³Na a li mwigendanyama madiku amakumi gane, Setani na a mu geridza; kandi ya li halala netsinyama tsyo ubulimu; kandi tsingelosi va mu tumekira.

¹⁴Kandi Yohana lwa ya mala kuzamwa, Yesu yadza Galilaya ni yilwadza ivangeli ya Nyasaye,

¹⁵na a vola, Inyinga i duki, nobwami bwa Nyasaye bu veye himbi: mweganire, mu suuvire ivangeli.

¹⁶Lwa ya li na a vita kuluginga lwenyanza ya Galilaya, ya lola Simoni na Andreya amwavo wewe ni vinika muluvo munyanza; kigira va li ni va veye valuvi.

¹⁷Kandi Yesu ya va volera, Hambi, mu nonde, na nda mu kola mu gwe avaluvi vavandu.

¹⁸Nonoho va leka miluvo ni va mu londa.

¹⁹Lwa ya li ni yisunda hambiri hakekeke ya lola Yakobo wa Zebedayo na Yohana amwavo wewe, kandi va li mu liato va lukanga miluvo.

²⁰Nonoho ya va langa: ni va leka Zebedayo, ise wavo mu liato halala navayinziri, ni va mu londa.

²¹Ni va tsia Kapernaume, kandi nonoho ku lidiku lyelisabato yingira mu lisomero ni yegidza.

²²Ni va genya lyegidza lilye: kigira ya li ni yegidza kuli wetsingulu, si yegidza kuli avang'odi mba.

²³Kandi no noho ya li mu lisomero lyavo mundu wa li nomwoyo rnudamano; na a hanzuka,

²⁴na a vola, Ku veye ndi nive, Yesu Munazareti? U dzi kukwononnya? Nku manya u veye Mutakatifu wa Nyasaye.

²⁵Yesu ya mu gaya, na a vola, Kiring'ana, u twule kuye.

²⁶Lwa gwa mala kumugova, nokulira nomwoyo munene, mwoyo mudamano gwa twula kuye.

²⁷Ni va genya vosi, ni va tevana, ni va vola, Ni kindu ki yiki? Migidzo mihya A haana munwa netsingulu, nemyoyo midamano gyi mu hulira.

²⁸Nonoho bukumi bwibwe bu landa mu kivala kyosi kya li himbi Galilaya.

²⁹Nonoho lwa ya twula mu lisomero, va duka munyumba ya Simoni na Andreya, halala na Yakobo na Yohana.

³⁰Nivizala wa Simoni ya li na a gona na a lwala uluhuudza; nonoho va mu volera amakuva gege:

³¹yadza na a mu gumira ku mkono, na a mu vukidza; uluhuudza lwa mu leka, na a va tumekira.

³²Mgolova liuva lwa lya yera, va mu letera avakvaye vosi, na va mademone ga gumira.

³³Lidala lyosi lya vunga ha kiliango.

³⁴Na a honnya vanyingi va li ni va lwala tsinkudzo lugano lugano, na a twulidza amademone manyingi; kandi yambakannya amademone ga ta vola mba, kigira ga li ni ga mu manya.

³⁵Mugamba ya vuka na a twula mabwebwe ligali, na a tsia ha vandu a va ta li, na a saalira ho.

³⁶Na Simoni navakye veve va mu londe rera;

³⁷kandi va mu nyola ni va mu volera, Vosi va kwenya.

³⁸Na a va volera, Ku gende, ku tsie mu madala ga veye himbi hano, nzilwadze ho kandi; yiki ni kigira nda twula.

³⁹Na a tsia ni yingira mu masomero gavo ga li mu Galilaya mwosi, ni yilwadza na a twulidza amademone.

⁴⁰Yadza kuye mugere na a mu saala, na a mu sigamira na a mu volera, Nu u va nu u wenya u nyala kumbonnya.

⁴¹Yesu ya mu vererera, na a nyira mukono na a mu dira, na a mu volera, Nyenya, u hone.

⁴²Nonoho lwa ya vola ndi, ubugere bwa twula kuye na a honnywa.

⁴³Na a mweganehidza, na a vola, U tsie, na a mwambakanya ligali;

⁴⁴na a mu volera, Henza bulahi u ta volera mundu kindu mba; navutswa u tsie kwimannya ku musalisi, u haanere kigira ubuhonnyi bubwo vindu vya Musa ya laga, vi ve kilolekidzu kuvo.

⁴⁵Navutswa ya twula na a tanga kwilwadza muno nono nokulandidza amakuva, kali kuva Yesu si a nyala kandi kwingira midala habulavu, navutswa ya li kyova mwigendanyama: kandi vadza kuye va twula mu kivala kyosi.