Read lulogooli Kwidzulitsa 12 Bible Online

Kwidzulitsa 12 - lulogooli bible

Kwidzulitsa 12

¹Yigyi ni miima na makalzgo ga mu la linda kugakola mu kivala kya Yahova, Nyasaye wavaguga vovo, a ku ha kukigumira, madiku gosi ga mu va mwoyo ku lirova.

²Mwononye ligali hosi ha vetsihiri va tumekiranga avanyasaye vavo, tsihiri tsya mu va ni mu gumira, ku vigulu vitambi, noku tugulu, na isi wemisala gyosi mivisi:

³na mu lononya bwali bwavo, mu sambule minara gyavo gyi ve vidonye na mu la samba misala gyemisambwa gyavo nomuliru; na mu temage vifwananyi vya vadzwa vya vanyasaye vavo; no mu leya ameta gavo kugatwulidza ha zana.

⁴Mu ta kolera ndiyo Yahova Nyasaye wenyu.

⁵Navutswa ha Yahova Nyasaye wenyu a tovola ku tsihiri tsyenyu tsyosi, a vike ho lieta lilye, ha veye hokumenya hehe, mu yekidze tsimoni tsyenyu ha zana, nokutsia ho;

⁶na mu hile ho vihaanwa vyenyu vyokusambwa nevisyuviriru vyenyu, netsizako tsyenyu, nevihaanwa vyenyu vyoku digululwa vyamakono genyu, nevyokulagana vyenyu, nevindu vyenyu vyokuhaana nobuyanzi, nevyokutanga kwivulwa vyekyayo kyenyu, kyetsing'ombe na magondi:

⁷mu liire ha zana imbiri wa Yahova Nyasaye wenyu, nokusangala mu gosi aga mu vika ku makono genyu, mwinye navenyumba yenyu, ava Yahova Nyasaye wowo ya ku gasidzira.

⁸Mu ta kola ku lilonda vindu vyosi vya ku kolanga hano lero, avandu sa mulala kuli vi veye vilahi ku luvega lwetsimoni tsitsye:

⁹kigira mu kikiri kuduka mu bwelemeridzi noku miyandu, gya Yahova Nyasaye wowo a ku ha.

¹⁰Navutswa lwa mwambuka Yordani, nokumenya mu kivala kya Yahova Nyasaye wenyu a mu kola avemiyandu, na lwa a mu sosidza kumutwulidza ku avasigu venvu vosi tsimbega tsyosi, mu duke kumenya nemirembe;

¹¹inyinga yeyo ga la vaha Yahova Nyasaye wenyu a la tovola, a vike ho lieta lilye, ha zana yaho mu la hila ho vyosi vya nda mu laga: vihaanwa vyenyu vyokusambwa, nevisyuviriru vyenyu, netsizaka tsyenyu, nevihaanwa vyokudigululwa vyamakono genyu, nevyokulagana vyenyu vyosi vi tovole vya mwa vika ku Yahova.

¹²Kandi mu la sangala imbiri wa Yahova Nyasaye wenyu, mwinye, navayai venyu, navakana venyu, navatugwa venyu avayai navakana, no Mulevi u veye mu viribwa vyenyu, kigira ya vula kuva nekidieli kinga nemiyandu halala nemwinye.

¹³Welinde ive mwene, gase u la haana vihaanwa vivyo vyokusambwa hosi ha u lolanga;

¹⁴navutswa ha Yahova a la tovola mu ihiri indala yoyo, ha zana u la haanira ho vihaanwa vivyo vyokusarnbwa, na ha zana u la kolera ho gosi aga nda ku laga.

¹⁵Navutswa, u nyala kwiita inyama nokuliira mu viribwa vivyo vyosi, ku gosi ga roho gugwo gu kayirangwa, ku lugano lwobugasu bwa Yahova Nyasaye wowo ya ku ha: uyu u veye museredze na u ta li museredze va nyala kulia ku inyama zana, kuli kisusu, noemboongo.

¹⁶Navutswa mu ta lia masahi mba: u la ga sundule ku lirova kuli amadzi.

¹⁷U ta liira mu viribwa vyenyu izaka yobuswage bubwo, kinga y ewaini yoyo, kinga yamaguta gogo, kinga yevya tanga kwivulwa vyekyayo kikyo kyetsi ng'ombe, kinga kyamagondi, kinga vyokulagana vivyo vyosi vya u laga, kinga vyokuhaana vyobuyanzi, kinga vihaanwa vyokudigululwa vyomukono gugwo,

¹⁸navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

¹⁹Welinde mwene u ta leka Mulevi madiku gosi ga u veye mwoyo mu kivala kikyo.

²⁰Lwa Yahova Nyasaye wowo a la meda lwako lulwo, kuli ya ku laga, nu u vola, Nda lia inyama, kigira roho gugwo gu kayirangwa kulia inyama; u nyala kulia inyama, ku gosi ga roho gugwo gu kayirangwa.

²¹Ni i va ha Yahova Nyasaye wowo a la tovola, a vike ho lieta lilye, ha veye ihale ku ive, hene yaho u liita ku kyayo kikyo kyetsing'ombe namagondi, kya Yahova ya ku ha, kuli nda li ku laga; u liire mviribwa vivyo, kulonda gosi ga roho gugwo gu kayirwa.

²²Kuli kisusu nemboongo tsi livangwa, u la lia ndiyo inyama yiyi: uyu u veye museredze, na u ta li museredze a la gi lia.

²³Navutswa ligali u ta lia masahi mba: kigira amasahi ga li livamwoyo; na livamwoyo u ta lia halala nenyama mba.

²⁴U ta ga lia mba; u ga sundule ku lirova kuli amadzi.

²⁵U ta ga iia mba; ga duke kuva bulahi ku ive, navana vovo inyima wowo, lwa u li kola ga veye malungi imbiri wetsimoni tsya Yahova.

²⁶Navutswa vindu vivyo vitakatifu vya u veye navyo, ne vyokulagana vivyo, u vugule vindu yivi, u tsie ha Yahova a li tovola;

²⁷na u haane vihaanwa vivyo vyokusambwa, invarna namasahi, ku bwali bwa Yahova Nyasaye wowo; namasani gevihaanwa vivyo u ga tsuke ku bwali bwa Yahova Nyasaye wowo; na ive u lie inyama yene.

²⁸U limle makuva yaga gosi ga nku laga, nokugahulira, ga duke kuva bulahi ku ive, noku avana vovo mihiga ne nihiga, lwa u kolanga aga veye rnalahi namalungi mu tsimoni tsya Yahova Nyasaye wowo.

²⁹Lwa Yahova Nyasaye wov o a la kalaga tsihiri va twule imbiri wowo ha wingiranga kutsigumira, na u va vugula, nokumenya mkivala kyavo;

³⁰welinde ive mwene gase u la tegwa nokuvalonda, inyima welyononywa lyavo imbiri wowo; kandi gase u la teva amakuva ga vanyasaye vavo nokuvola, Tsihiri yitsi tsi sigamiranga ndi avanyasaye vavo? Nduke kukola ndiyo.

³¹U ta kolera Yahova Nyasaye wowo kuli yaga mba: kigira gosi aga veye livihiridza ku Yahova, aga a dunyiranga, va mali kukolera avanyasaye vavo; kigira kali avana vavo avayai navakana va va sambiranga vanyasaye v ovo mu muliru.

³²Ku gosi ga mmu laga, mu henze ku nokugakola: u ta meda ku, kinga u ta gehidza ku.