Read lulogooli Kwidzulitsa 15 Bible Online

Kwidzulitsa 15 - lulogooli bible

Kwidzulitsa 15

¹Ku kiheri kyemihiga gyitano na gyiviri sa kilala u lombe liboholola.

²Na yigyi gyi veye miima gyelibohoiola: ku vosi u vanzanga a leke kya ya hambidza kevete ku wakye; a ta vanza wakye kinga amwavo wewe; kigira liboholola lya Yahova li maii kulandidzwa.

³Ku mugeni u nyala kuvanza: navutswa kya u vanzanga ku amwavo wowo mukono gugwo gu ki boholole.

⁴Navutswa vadaka va la vula kuva ho; (kigira Yahova a ia ku gasidza ligali mu kivala kya Yahova Nyaiaye wowo a ku ha kukigumira kuva miyandu gyigyo),

⁵nu u va nu u hulira ligali mwoyo gwa Yahova Nyasaye wowo, u linde lilaga yili lyosi lya nku laganga lero nokulikola.

⁶Kigira Yahova Nyasaye wowo a la ku gasidza, kuli ya ku suuviridza: na u la hambidza kevete ku tsihiri tsinyingi, navutswa u la vula kuhamba kevete; kandi u lameha tsihiri tsinyingi, navo va la vula kukwameha.

⁷Ni ba va ni ha veye nomundu mudaka halala nive, mulala ku vamwavo wowo, mu kilala ku viribwa vivyo mu kivala kikyo kya Yahova Nyasa, e wowo a ku ha, u ta kola mwoyo gugwo mudinyu, kinga u ta dinnya mukono gugwo ku amwavo wowo mudaka;

⁸navutswa ligali u kunule mukono gugwo kuye, na u mu hanmbidze kevete kuduka ku budaka bwibwe ku lyenya lilye.

⁹Welinde na u vule kuva netsiganagani tsindamano mmwoyo gugwo, ku livola, Gu ve himbi muhiga gwe gyitano na gyiviri, muhiga gweliboholola; ma imoni yoy o i ve indamano ku amwavo w owo mudaka, u vule kumuha kindu; na a la lira ku Yahova kigira ive, na bu la va ubwoni ku ive.

¹⁰U mu he ligali, nomwoyo gugwo gu ta verera lwa u mu hedzanga; ikigira Yahova Nyasaye wowo a la ku gasidza ku likuva yili, mu miyinzi gyigyo gyosi, na ku vyosi vya u vika ku mukono gugwo.

¹¹Kigira avadaka si va la hera mu kivala: kunangwa nda ku laga, nokukuvolera, U kumile ligali mukono gugwo ku amwavo wowo, mwegombi wowo, nomudaka wowo, mu kivala kikyo.

¹²Ni i va amwavo wowo, musatsa weKihebraina, kinga mukali wekihebraina, na a gulidzwa ku ive, naye na a ku tumekira mihiga gyitano na mulala; ma mu muhiga gwe gyitano na gyiviri u mboholole a twule ku ive.

¹³Na lwa u mboholole a twule ku ive, u ta mu leka a tsie vutswa mba:

¹⁴u mu he nobuhaani ku kyayo kikvo, noku lodze lulwo, noku li kyokumina kikyo kye iwaini; u mu he kuli Yahova Nyasaye wowo a ku gasidza.

¹⁵Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

¹⁶Na ga la va, na a va na a ku volera, Si nda twula ku ive; kigira a yanza ive nenyumba yoyo, kigira a veye neliva lilahi ku ive

¹⁷hene yaho u vugule lugera, u hudule ugutu gwigwe lwingire mu lubao lwomuliango, naye a la va mutugwa wowo mihiga nemihiga. Kandi u kolere ndiyo mutugwa mukana wowo.

¹⁸Navutswa u ta Iola budinyu, inyinga u mboholola a twule ku ive; kigira a ku tumekiye mihiga gyitano na mulala: kuduka hali kaviri ku butungi bwa uyu u tungangwa: na Yahova Nyasaye wowo a la ku gasidza ku vyosi vya u kola.

¹⁹Vye kisatsa vyosi vi tanga kwivulwa mu kyayo kikyo kyetsing'ombe nekya magondi u vi takasire Yahova Nyasaye wowo: u ta kola miyinzi nekyatanga kwivulwa kyeng'ombe yoyo kandi u ta kalaga obwoya bwekyatanga kwivulwa kyekyayo kyamagondi gogo.

²⁰U la ki lia imbiri wa Yahova Nyasaye wowo muhiga nomuhiga, ha Yahova a la tovola, ive navenyumba yoyo.

²¹Ni ki va ni ki veye kilema, kisegera, ki veye kiboku, kinga kyobulema budamano ku bwosi, u ta ki haana ku Yahova Nyasaye wowo mba.

²²U ki liire mu viribwa vivyo: ava ta li avaseredze navaseredze va la ki lia halala, kuli kisusu, nemboongo.

²³Navutswa u ta lia masahi gayo; u ga tsuke ku lirova kuli amadzi.