Read lulogooli Vikolwa 14 Bible Online

Vikolwa 14 - lulogooli bible

Vikolwa 14

¹Kandi vingira halala mu lisomero lya Vayuda mu Ikonio, ni va vola ndi, avekiduma kinene ku Vayuda na Vagreki va duka kusuuvira.

²Navutswa Avayuda ava ta suuvira va vukidza myoyo gye Tsihiri ni va va kola va dunyire avamitu.

³Ku, va menya yo tsinyinga tsinyingi, ni vilwadza ku Mwami nobuluviriri, naye ya lolekidza tsimbabasi tsitsye na a haana vilolekidzu nevyokugennya vi kolwe namakono gavo.

⁴Navutswa kiduma kyelidala kyavukana; avalala va li ha luvega ha Vayuda, navandi va li ha luvega havatumwa.

⁵Tshihri na Vayuda halala navanene vavo, lwa va va twulira kuvakola ubudamano, nokuvalasa magina,

⁶va duka kuga hulira ni viruka mu madala ga Lukaonia, nago ga li Lustra na Derbe, nomu kivala yikyo ha kya goda:

⁷ni vilwadza yo ivangeli.

⁸Kandi mu Lustra mundu mulala yikala, wa fwogoya virenge, muleema kutwula munda mwa mama, wa ta genda kali hakuzu.

⁹Uyu ya hulira Paulo na a vola: Paulo ya mwumika na a lola a veye nelisuuvira lyokuhonnywa,

¹⁰ya vola nomwoyo mu nene, Singira bulungi ku virenge vivyo. Naye ya lungika na a genda.

¹¹Viduma lwa vya lola aga kolwa na Paulo, va ginga myoyo gyavo, ni va vola nolulimi lwa Lukaonia, Vanyasaye vadzi ku kwinye va fwanana na vandu.

¹²Ni va langa Baranaba, Zeu; na Paulo, Herme, kigira ya tanga kuvola.

¹³Musalisi wa Zeu, we litempeli lilye lya li imbiri welidala, ya leta igiriki namalande ha viribwa, ni yenya kusalisa halala navekiduma.

¹⁴Navutswa avatumwa, Baranaba na Paulo, lwa va ga hulira, va tandula tsingubo tsyavo, ni va nyagula tsimbiru kutsia mu kiduma, ni va hanzuka,

¹⁵ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

¹⁶Naye inyinga yamakula aga vita, ya leka tsihiri tsi londe miima gyavo avene.

¹⁷Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

¹⁸Navutswa namakuva yaga va lola ubudinyu viduma vi ta va sikisirira mba.

¹⁹Navutswa Vayuda valala vadza va twula Antiokia na Ikonio, ni va goonya viduma va lasa Paulo magina, ni va mu kulula ni va mu ta kyova welidala, va ganagana u mali kukudza.

²⁰Navutswa avegidzwi lwa va mu kumbiridza, ya singira na a tsia kwingira mu lidala: na mugamba ya twula halala na Baranaba kutsia Derbe.

²¹Navo lwa va mala kwilwadza ivangeli mu lidala yilyo, ni va nyola avegidzwi vanyingi, virana Lustra na Ikonio na Antiokia.

²²Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

²³Navo lwa va mala kuvika avakulundu mu mavugana gosi, kandi lwa va saala halala nelihonga lilia, va va vika ku Mwami wa va mala kumsuuvira.

²⁴Kandi va vita Pisidia, ni va duka Pamfulia.

²⁵Kandi lwa va mala kwilwadza likuva mu Periga va sulunguta Atalia;

²⁶kutwula yo va nina mu bwato ni va tsia Antiokia, yaho niho ha va vikirwa mu tsimbabasi tsya Nyasaye ku miyinzi gya va maliridzi.

²⁷Navo lwa va mala kuduka nokuvugannya livugana, va va volera vindu vyosi vya Nyasaye ya kola navo, kandi yigulira Tsihiri kiliango kyelisuuvira.

²⁸Ni va menya inyinga i ta li inkekeke halala navegidzwi.