Read lulogooli Vikolwa 15 Bible Online

Vikolwa 15 - lulogooli bible

Vikolwa 15

¹Kandi avandu valala va sulunguta va twula Ebuyuda ni vegidza avamitu, va vola, Ni mu ta kevwa kuli miima gya Musa si mu nyala kuhonnywa.

²Kandi Paulo na Baranaba lwa va li namahangali namateva ga ta li makekeke navo avamitu va haana munwa, Paulo na Baranaba navandi kuvo vanegire Yerusalemi ku vatumwa navakulundu kigira inkuva yiyi.

³Kunangwa, livugana lya va hereka, ni va vita Foinike na Samaria, va mannya lyeganira lye Tsihiri: ni va yanzidza avamitu vosi ubuyanzi bunene.

⁴Kandi lwa va duka Yerusalemi na livugana navatumwa navakulundu va vingiridza, vilwadza amakuva gosi ga Nyasaye ya kola navo.

⁵Navutswa avalala va twula ku lyahuka lya Vafarisayo, ava suuvira, ni va vola Ga dukira va kevwe, ni va lagwa va gumire amalago ga Musa.

⁶Kandi avatumwa navakulundu va vugana kuhenza inkuva yiyi.

⁷Inyinga ya ga li amateva manyingi, Petro ya singira na a vola. Avamitu, mu manya Nyasaye ya tovola kale ku kwinye, Tsihiri tsi hulire ku munwa gwange likuva lyevangeli, va suuvire.

⁸Kandi Nyasaye u manya myoyo, ya va lolekidza, na a va ha Roho Mutakatifu kuli ya ha kwinye;

⁹si yavukanya kwinye navo, ni yogidza myoyo gyavo nelisuuvira,

¹⁰Ku, kalunu kigira ki mu geridza Nyasaye, mu duke kuvika inira ku magoti gavegidzwi yavaguga kandi kwinye kwa tamwa kuginga?

¹¹Navutswa kwinye ku suuvira ku la honnywa ne tsimbabasi tsyo Mwami Yesu, kuli yava.

¹²Kandi kiduma kyosi kya kiring'ana; ni va hulira Baranaba na Paulo va vuulira vilolekidzu nevyokugenya vya Nyasaye ya kola navo mu Tsihiri.

¹³Kandi lwa va kiring'ana, Yakobo ya tivula na a vola, Avamitu, mu mbulire:

¹⁴Simeoni u mali kukuvuulira kuli Nyasaye ya tanga kuhenza Tsihiri, a duke kuvugula kuvo avandu ku lieta lilye.

¹⁵Kandi amakuva gavaprofeti ga leng'ana na yaga; kuli ga ng'odwa,

¹⁶Inyima wa vindu yivi nda hunzuka, Na ndombaka kandi inyumba ya Daudi, va li ya gwa; Kandi ndombaka ing'anye yeye, Kandi nda gi lomba:

¹⁷Avandu ava tigaye va duke kwenva Mwami, Kandi Tsihiri tsyosi tsyelieta lyange li talirwa kuvo

¹⁸Mwami a vola, wa kola vindu yivi vi manyekar e kutwula kale.

¹⁹Kigira yaga, ng'anagana ndi, ku ta va nyangidza yava ava twula ku Tsihiri vadza kuyeka ku Nyasaye;

²⁰navutswa ku va ng'odera va leke ubudamano bwemisambwa, nobuheyi, ne tsinyama tsi migangwa, namasahi.

²¹Kigira kutwula ku makula ga kale Musa a veye navo mu madala gosi avilwadza amakuva gege, na a somwa mu masomero masabato gosi.

²²Hene yaho ga yanzidza avatumwa navakulundu halala nelivugana lyosi, kutovola avandu kuvo nokuvatuma halala na Paulo na Baranaba kutsia Antiokia. Yavo ni Yuda wa langwa Barsaba, na Sila, avandu vanene ku vamitu:

²³ni va ng'oda mu makono gavo ndi: Avatumwa navakulundu navamitu, ibarull a yetu ku vamitu ve Tsihiri tsya Antiokia na Siria na Kilikia, mirembe.

²⁴Kwinye kigira ku huliye avalala ava twula ku kwinve va mu nyangidza ku makuva gavo ni vononnya myoyo gyenyu; ava ku ta laga;

²⁵ku lola bulahi ku mali kuvugana nomwoyo mulala, kutovola avandu nokuvahila ku mwinye halala navayanze vetu Baranaba na Pauio,

²⁶avandu avituma kuhaana livamwoyo lyavo kigira lieta lyo Mwami wetu Yesu Kristo.

²⁷Kigira yaga ku mali kutuma Yuda na Sila, ava li mu volera vindu yivi nomunwa.

²⁸Kigira Roho Mutakatifu na kwinye ku loli bulahi ku ta mu dwika musigo gu vita yigu gwevindu yivi vi ta nyala kulekwa:

²⁹mweyahule ku vindu vi salisirwa misambwa, namasahi, nevindu vya migwa, nobuheyi; ni mweyahula ku vindu yivi mu kola bulahi. Mu menye bulahi.

³⁰Kunangwa lwa va mala kuhebwa munwa, va tsia Antiokia; kandi lwa va mala kuvugannya kiduma, va va ha ibaruwa.

³¹Lwa va mala kugisoma va yanza kigira lileminnya lyemyoyo.

³²Kandi Yuda na Sila, avene va li avaprofeti, veganehidza avamitu namakuva manyingi, ni va va luviridza.

³³Kandi lwa va mala kumenya inyinga i duki, va hebwa munwa nemirembe kwirana ku va va tuma.

³⁴Navutswa Sila ya lola bulahi kumenya yo.

³⁵Na Paulo na Baranaba va menya Antiokia, ni vegidza ni vilwadza likuva lyo Mwami, halala navandi vanyingi.

³⁶Inyima ya madiku ga duki, Paulo ya volera Baranaba, Kwiranire kalunu kutsia kulola avamitu mu madala gosi ha kwilwadza likuva lyo Mwami, ku lole va veye ndi.

³⁷Baranaba yenva kuhila Yohana wa langwa Marko kandi.

³⁸Navutswa Paulo si ya lola bulahi kumuhila wa va leka yaho Pamfulia, na a vula kutsia navo mu miyinzi.

³⁹Bwa li ubuhangalidzani bunene, kuduka vavukana; na Baranaba ya hila Marko na a nina mu bwnto na a tsia Kuporo:

⁴⁰navutswa Palllo ya tovola Sila na a twula, avamitu va mu vika mu tsimbabasi tsyo Mwami.

⁴¹Naye ya vita mu Siria na Kilikia na a luviridza mavugana.