Read lulogooli Vikolwa 21 Bible Online

Vikolwa 21 - lulogooli bible

Vikolwa 21

¹Lwa kwa mala kwavukana navo nokunina mu bwato, kwa duka Koos, ku inzira inungi, na mugamba ku a duka Rodo, kandi kutwula yaho kua duka Patara.

²Lwa kwa nyola bwato bwa tsia Foinike, kwa nina, ni ku tsia.

³Lwa kwa lola Kuporo kwa ki leka ku mukono mmosi, ni ku tsia Siria, ni kwikira Turo; kigira bwato bwenya kutwulidza yo vindu.

⁴Kandi lwa kwa mala kunyola avegidzwi, kwa menya yo madiku gatanu na gaviri: navo va volera Paulo ku tsingulu tsya Roho a tingira Yerusalemi.

⁵Kandi lwa kwa mala madiku, kwa twula ni ku tsia ulugendo lwetu; navo vosi halala navakali navana vavo, va ku hereka kali kuduka kyova welidala: ni ku sigama ku luginga ni ku saala ni ku siivulana;

⁶kwinye kwa nina mu bwato navutswa navo virana wavo.

⁷Lwa kwa mala ulugendo lwokutwula Turo, kwa duka Petolemai; ni ku chelidza avamitu ni ku gona navo lidiku lilala.

⁸Kandi mugamba kwa tsia ni ku duka Kaisaria: ni kwingira mu inyumba ya Filipu wa li mwilwadzi, mulala ku vandu vatanu na vaviri, ni ku menya naye.

⁹Mundu uyu ya li navana avakana vane avagima ava profetanga.

¹⁰Lwa kwa menya yo madiku ga duki, muprofeti mulala wa langwa Agabo ya sulunguta kutwula Buyuda.

¹¹Yadza ku kwinye na a vugula musipi gwa Paulo ni yeboha virenge vivye namakono, na a vola, Ni ndiyo Roho Mutakatifu a vola, Ni ndiyo Avayuda ve Yerusalemi va la ka bohe mundu mwene musipi vigu, ni va mu vika mu makono ge rsihiri.

¹²Lwa kwa hulira vinlu yivi, kwinye, nava ha zana yaho iwa mu goonya a ta tsia Yerusalemi.

¹³Hene yaho Paulo ya tivula, Mu kola ki kulira nokwononya mwoyo gwange? Kigira inze si nzetegeki kubofwa kweng'ine, navutswa kali kwiitwa mu Yerusalemi kigira lieta lyo Mwami Yesu.

¹⁴Lwa ya sula i kugirunkanywa kwa mu leka ni ku vola, Ubulaliri bwo, Mwami bu kolwe.

¹⁵Inyima ya madiku yago kwa vugula vigyu vyetu ni kwanegira Yerusalemi.

¹⁶Aralala ku vegidzwi va Kaisaria va tsia halala na kwinye, va leta Mnasoni mundu wa Kuporo, mwegidzwi wa kale wa ku li menya naye.

¹⁷Lwa kwa duka Yerusalemi avamitu va kwingiridza nobuyanzi.

¹⁸Mugamba Paulo ya tsia ku Yakobo halala na kwinye; kandi avakulundu vosi va li ho.

¹⁹Lwa ya mala kuvachelidza, ya va volera vindu vyosi sekilala vya Nyasaye ya kola ku Tsihiri nobutumekiri bwibwe.

²⁰Navo lwa va hulira, vidzominya Nyasaye; ni va mu volera, Ive amitu, u lola va veye ho tsielfu netsielfu ku Vayuda kuvo ava mala kusuuvira; navo vosi va veye nobugulu kugumira lilaga

²¹kandi yava va mala kuvolerwa amakuva gogo, ive wegidza Avayuda vosi ava menya mu Tsihiri va leke Musa, nu u va volera va ta keva vana vavo, kandi va ta londa miima.

²²Ku, ni kindu ki? Va la hulira ligali ive udzi.

²³Kunangwa u kole yaga aga kwinye ku ku laga: ku veye navandu avasatsa vane ava mali kweyama;

²⁴u hile yava wetakase halala navo u va tungire, va duke kuvega mitwe gyavo: na vosi va la duka kumanya amakuva gosi aga va volerwa ku ive si ga veye geligali, navutswa ive mwene u gendanga bulahi kandi u londa lilaga.

²⁵Navutswa ku vandu ve Tsihiri ava suuvira, kwa laga kandi kwa haana munwa va yere vindu vi salisirangwa misambwa, kandi va yere masahi, kandi kindu ki migangwa, kandi va ta kola ubuheyi.

²⁶Kunangwa Paulo ya hila avasatsa yava, na mugamba yetakasa halala navo ni yingira mu litempeli; na a vuula madiku gokutakasa ga duki, kuduka inyinga tsisadaka tsi leterwa vosi.

²⁷Lwa madiku yaga gatanu na gaviri genya kuduka, Avayuda va Asia, lwa va lola Paulo mu litempeli, va gema kiduma kyosi ni va mu gumira

²⁸ni va hanzuka ni va vola, Avasatsa va Israeli, mu ku konye: Uyu nu mundu u gemehidza avandu vosi mu vivala vyosi ku ihiri yetu noku lilaga noku hano; na kandi u mali kuleta Avagreki mu litempeli, kandi u maii kwononnya hatakatifu hano.

²⁹Kigira va mali kumulola mu lidala halala na Terofimo Muefeso, wa va ganagana Paulo u mu leti mu litempeli.

³⁰Lidala lyosi lya vukidzwa, navandu va vugana bwangu; ni va gumira Paulo ni va mu ng'usa ni va mu twulidza mu litempeli: kandi nonoho viliango vya hanwa.

³¹Kandi lwa venya kumwiita, amakuva ga dukira munyampara munene womugaanda, lidala lyosi lye Yerusalemi li koli kivihiri.

³²Nonoho ya vugula ava sikari navanyampara ni yika bwangu kuvo: navo lwa va lola munyampara munene navasikari, va leka kukuya Paulo.

³³Hene yaho munyampara munene yisunda ahimbi na a mu gumira, na a haana munwa a bofwe neminyororo gyiviri; kandi ya teva uyu ni bwaha? Kandi a kola ki?

³⁴Avalala ku kiduma va vola lugano navandi lugano: ku, lwa ya vula kunyala kumanya geligali kigira livoga, ya haana munwa a hilwe mu iugaga lwavasikari.

³⁵Lwa va duka ku vikaa, avasikari va mu ginga kigira tsingulu tsyekiduma;

³⁶kigira kiduma kyavandu kya londa ni ki hanzuka ni ki vola, Mu twulidze uyu.

³⁷Paulo lwa yenya kuvikwa mu lugaga lwavasikari, va volera munyampara munene, Mbeye nomunwa kukuvolera likuva? Naye ya mu teva, Ive u manvi Lugreki?

³⁸Ive si u veye Muegepeti, wa kola tsi mbemba tsyavandu Avalumindi tsielfu tsine imbiri wamadiku yaga, nu u va hila mwigendanyama?

³⁹Navutswa Paulo ya tivula, Inze mbeye mundu wa Tariso lidala lya Kilikia, mundu welidala li ta li lidamanonku goonya, u mpe munwa nzilwadzire avandu yava.

⁴⁰Lwa ya mala kumuha munwa, Paulo ya manya na a singira ku vikaa na a sima avandu nomukono; likiring'ana linene lwa lya kolwa, ya vilwadzira mu lulimi lwa Vahebraina, na a vola.