Read lulogooli Vikolwa 27 Bible Online

Vikolwa 27 - lulogooli bible

Vikolwa 27

¹Lwa ga saavirwa ku nine mu bwato kutsia Italia, va vika Paulo halala navahambe avandi mu makono gomunyampara wa langwa Juliu womugaanda yua langwa Augusto.

²Kwa nina mu bwato bwa Aduramutino, bwa li ni bwenya kutsia ku luvega lwa Asia, ni ku tsia ku inyanza, Aristarko wa Makedonia wa Tesalonike ya li halala na kwinye.

³Mugamba kwa duka Sidone: Juliu ya kolera Paulo bulahi, na a haana munwa a tsie ku valina veve kwitulirira ho.

⁴Kwa twula ho kutsia ku inyanza ni ku vita himbi Kuporo, kigira tsimbuudza tsya hinula imbiri.

⁵Lwa kwa tsia kwambukira inyanza yoluvega lwa Kilikia na Pamfulia kwa duka Mura lidala lya Lukia.

⁶Munyampara ya nyola ho bwato bwe Alekisanderia bwenya kutsia Ita lia; na a ku vika mu.

⁷Kandi lwa kwa genda galaha madiku ma nyingi, kandi nobudinyu kwa duka himbi Kinido, kigira imbuudza ya kwigalira kwa tsia himbi Kirete ha luvega lwa Salimona;

⁸kandi kwa vita nobudinyu himbi uluginga, ni ku duka ha langwa Inyambuku Indahi; a himbi naho ha li lidala lya Lasea.

⁹Tsinyinga tsinyingi lwa tsya vita, kandi ulugendo inyinga yeyo lwa li nobuhimwa, kigira madiku go Kuhonga lilia ga li ni ga viti, Paulo ya veganehidza,

¹⁰na a vola, Avasatsa, ndola ulugendo yilu lu la va nobudamano nobwoneku bunyingi, si bu li bwevindu vyobwato vyeng'ine navutswa bwelivamwoyo lyetu kandi.

¹¹Navutswa munya mpara ya hulira amakuva gomunene wobwato nago mwene bwato kuvita aga Paulo ya vola

¹²Kandi ki gira inyambuku yeyo si ya li nobwi yangu bwokumenya tsinyinga tsyo bukindu bunyingi, avanyingi venya kutsia, mbula va nyala kuduka Foinike, va veyo inyinga yobukindu bunene; ya li inyambuku ya Kirete i henza ku kasikasini yevugwe na kusini yemadioli.

¹³Imbuudza ya kusini lwa i huudza galaha, va gana gana va mali kunyola kya venya va twulidza kinanga ni va tsia ku luginga lwa Kirete himbi.

¹⁴Na lwa nyima hakekeke, imbuudza inene ya huudza ya langwa Eurakalo:

¹⁵kandi lwa bwato bwigalirwa si bwa nyala kuhindagiridza, kwa hi nuka ni ku hilwa.

¹⁶Lwa kwa duka himbi kisulu kya langwa Kauda, kwa kola budinyu kugumira bwato:

¹⁷kandi lwa va mali kubuginga va tumekira vyokukonya ni va dinnya bwato nelivitingannya tsimbunu isi yabwo; kandi, va tia gase va la sikira mu kidende kya lanyua Suruti, ni vikidza itanga ni va hilwa.

¹⁸Lwa kwa kupidzwa kivi nembuudza, mugamba va tanga kuta vindu mu inyanza;

¹⁹nelidiku lya kola ga vaka va ta vindu vyobwato nama kono gavo avene.

²⁰Liuva kandi tsing'ereng'ani lwa tsya vula kuloleka madiku manyingi, nembuudza inene ya li ku kwinye, lisuuvira lyosi lyokuhona lya gota.

²¹Lwa va menya nenzala inyinga inene, Paulo ya singira hagati havo, na a vola, Vasatsa, mba mwa mbulira mu ta twula Kirete, nkano si mwa ka nyola ubudamano nobwoneku yibu.

²²Kalunu mmweganehidza mu leme mu myoyo; kigira mulala ku mwinye si a la gota, navutswa bwato bweng'ine.

²³Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

²⁴na a vola U ta tia, Paulo; ga ku dukira kusingira imbiri wa Kaisari: kandi henza Nyasaye u mali kukuha yava vosi ava genda halala nive.

²⁵Ku yaga, Avasatsa, mu leme myoyo: kigira inze nsuuvira Nyasaye, ga la va kuli aga mboleywi.

²⁶Navutswa, ku la tebwa mu kisulu kilala.

²⁷Navutswa lwa bwa duka ubudiku bwelikumi na kane, lwa kwa hunzulanywa yiyi niyi mu inyanza ya Adiria, ubudiku hagati avobwato va ganagana visunda himbi nekivala kilala:

²⁸ni va gera amadzi ni va lola vyokugera makumi gaviri; inyima hakekeke va gera kandi ni va lola vyokugera likumi na vitanu.

²⁹Yatia gase ku la tebwa ku luginga lwa magina, va vika vinanga vine ha nyima, ni venya bu kye.

³⁰Navo avobwato lwa venya kwiruka noku leka bwato, lwa va mala kwikidza akato mu inyanza, kuli venya kuvika vinanga ha mbiri,

³¹Pnulo ya volera munyampara navasikari, yava ni va ta linda mu bwato, si mu nyala kuhona.

³²Hene yaho avasikari va kalaga tsimbunu tsyakato ni lra ka leka ka gwe.

³³Lwa bwa li ni bwenya kukya, Paulo ya va goonya vosi va lie vyokulia, na a vola, Lero ni likumi na kane, mu linda nokuhonga, si mwa lia kindu.

³⁴Kunangwa mmu goonya mu lie vyokulia: kigira yiki nobuhoni bwenvu kigira lisu ku mutwi gwomundu kali lilala si li li gota.

³⁵Kandi lwa ya mala kuvola yago, nokuvugula ubukima na a santidza Nyasaye imbiri wavo vosi; ya mega na a tanga kulia.

³⁶Hene yaho vosi va lema mwoyo navo avene kandi va vugula vyo kulia.

³⁷Kwinye kwosi ava li mu bwato kwa li avandu tsimia tsiviri namakumi gatanu na gaviri navandu vatanu na mulala (276).

³⁸Lwa va mala kwiguta va twulidza vindu vyobwato, ni va ta ingano mu inyanza.

³⁹Lwa bwa kya si va manya kivala: navutswa va lola lusoga lwenyanza lulala lwa li noluginga lwomayeke, ni va volerana va nyala kusikiridza bwato kulwo naho

⁴⁰Va ta vinanga ni va vi leka mu inyanza, halala va boholola tsimbunu tsyetsisukani; va vika igulu itanga inkekeke imbuudza i gendidze bwato, ni va tsia ku luginga lwomayeke.

⁴¹Na vutswa lwa va duka ha tsinyanza tsiviri tsya vuganira va sikiridza bwato; hambiri hobwato ha sikira ni ha dinya, navutswa hanyima ha tanga kuvunanywa netsingulu tsye viguvuli.

⁴²Kandi avasikari va vola avahambe viitwe gase valala kvvo va lelema va twule ni viruka.

⁴³Navutswa munyampara yenya kuhonnya Paulo, ya va gaya va ta kola kuli va lalira; na a haana munwa ava nyala kwelema va tange kutuuma munvanza, va tange kuduka ku luginga;

⁴⁴navandi ku vibaho na vandi ku vindi vindu vyobwato. Kandi ga li ndiyo va hona vosi ni va duka bulahi ku marova.