Read lulogooli Varumi 12 Bible Online

Varumi 12 - lulogooli bible

Varumi 12

¹Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

²Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

³Kigira ku tsimbabasi tsya nda hebwa, mbola ku vosi ava veye mu mwinye, va teganagana kuvita yaga ga mu dukira a ganagane; navutswa yeganagane ha a duki vutswa, kuli Nyasaye a gavulira vosi kigero kyelisuuvira.

⁴Kigira ga veye kuli ku mubiri mulala ku veye ku nevivero vinyingi, kandi vivero vyosi si vi veye nelikola lilala:

⁵kandi ndiyo kwinye ku veye avanyingi, ku veye mubiri mulala mu Kristo, kandi ku veye vivero sa mulala sa mulala nowakye.

⁶Kandi ku veye nevihaanwa lugano lugano kuli tsimbabasi tsya kwa hebwa, kinga liprofeta ku profete kuli kigero kyelisuuvira lyetu;

⁷kinga ubutumiki, ku tumike mu butumiki bwetu; kinga uyu wegidza a tumike mu lyegidza lilye:

⁸kinga uyu weganehidza a tumike mu lyeganehidza lilye: u haananga, a haane nobuhaani: uyu wamehanga, a kole nobugulu; uyu u vererera, a mu vererere nobusangali.

⁹Ubuyanzi bu ta va nobugadi. Mu dunyire ubwoni; mu hambane nekyo bulahi.

¹⁰Mu buyanzani bwenyu mu yanzane bulahi avene navene; mwimiridzane mu bukumi ku vakye venyu;

¹¹mu ta va nobugata mu bugulu bwenyu: mu ng'ering'ana mu mwoyo; mu ve avatugwa vo Mwami;

¹²mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala;

¹³mu konye ivatakatifu mu budaka; mu ve avihula avageni.

¹⁴Mu gasidze ava mu kupidza kivi; mu gasidze, mu ta laama mba.

¹⁵Mu sangale halala navasangala; mu lire halala navaliranga.

¹⁶Mu ve nomwoyo mulala. Mu ta ganagana vindu vyoluyai, navutswa mu bugirire vyelyegehidza. Mu tenyolera ubugeeri mwinye avene.

¹⁷Mu ta tunga mundu kali mulala ku ubudamano bwibwe, ubudamano. Mu ganagane kulungikidza vindu vilahi imbiri wa vandu vosi.

¹⁸Ni ga nyalika, ku luvega lwenyu, mu ve nemirembe ku vandu vosi.

¹⁹Mu ta vanza kisalya mba, avayanze vange, navutswa mu lekere ubutima bwa Nyasaye bwiyangu: kigira ga ng'odwa, Kisalya ni kyange; inze mwene nda vanza, Mwami a vola.

²⁰Navutswa musigu wowo na a va nenzala, u mu he vyokulia; na a ve nobuluhu u mu he kyokunwa: kigira ku likola yaga u la vungidza amanda ku mutwe gwigwe.

²¹Ubudamano bu ta mu guuta, navutswa ubudamano mu guutire ubulahi.