Read lulogooli Varumi 5 Bible Online

Varumi 5 - lulogooli bible

Varumi 5

¹Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

²Ku nyoleye ku uyu inzira kigira lisuuvira lyokvwingira mu tsimbabasi yitsyi tsya ku singiye mu; nokusangala mu lisuuviridzwa lyobukumi bwa Nyasaye.

³Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

⁴kandi lyekudzira li leta libugirirwa; kandi libugirirwa li leta ubuluviriri:

⁵kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

⁶Kigira inyinga kwa li ni ku ta li netsingulu avene, inyinga lwa ya duka, Kristo ya kudzera avebaali.

⁷Kigira nu budinyu mundu kukudzera mundu mulungi: kigira mbula mundu a nyala kuluvirira kukudzera mundu mulungi.

⁸Navutswa Nya saye a lang'aminya ubuyanzi bwibwe ku kwinye, kigira lwa kwa li avoni, Kristo ya ku kudzera.

⁹Kunangwa ligali, ni ku mali kuhebwa ndi ubulungi kigira masahi gege, ku la hona ku butima bwa Nyasaye kigira iye.

¹⁰Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

¹¹Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.

¹²Kigira yaga, kuli ubwoni bwa duka mu lirova kigira mundu mulala na ndiyo kandi likudza lya duka kigira ubwoni; kandi ndiyo likudza lya duka ku vandu vosi, kigira vosi voni:

¹³kigira lilaga ni li kikiri kuva ho, ubwoni bwa li mu lirova; navutswa si bwa validzwa kuva bwoni inyinga lilaga li ta li ho.

¹⁴Yaga gosi, navutswa likudza lyameha kutwula Adamu nokuduka ku Musa, kali kuduka ku yavo ava vula kukola ubwoni kuli lihyola lya Adamu, u veye kifwananyi kya uyu u lidza inyima.

¹⁵Navutswa kihaanwa si ki veye kuli lihyola lva li. Kigira avanyingi ni va kudza ndi ku lihyola lyomulala, ligali kuvita tsimbabasi tsya Nyasaye nekihaanwa mu tsimbabasi tsyomundu mulala, Yesu Kristo, ki la kira ku vanyingi.

¹⁶Kandi kihaanwa yiki si kya li kuli ubwoni bwomulala: kigira likalaga lya twula ku mulala kuduka mu likalagirwa lyekivi, navutswa kihaanwa kya twula ku lihyola linyingi kuduka kya leta ubulungi.

¹⁷Kigira ni i va likudza lyameha kigira uyu mulala, ku lihyola lyomulala; Iigali kuvita yava ava vugula ubunyingi bwetsimbabasi nekihaanwa kyobulungi, va lameha mu livamwoyo ku uyu mulala, naye ni Yesu Kristo.

¹⁸Kunangwa kuli likalagirwa lya duka ku vandu vosi li twula ku lihyola lilala ukuduka ku likalagirwa kivi; kandi ndiyo ku likola lilala lyobulungi kihaanwa kya duka ku vandu vosi kya luha kya duka kuleta ubulungi bwelivamwoyo.

¹⁹Kigira kuli avanyingi va kolwa avoni kigira lihyola lyomundu mulala, kandi ndiyo ku lihulira lyomulala avanyingi va la kolwa avalungi,

²⁰Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;

²¹kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.