Read lulogooli Varumi 8 Bible Online

Varumi 8 - lulogooli bible

Varumi 8

¹Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

²Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza.

³Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

⁴ubulungi bwelilaga bu dukidzwe mu kwinye ava ta genda kuli miima gyomubiri, navutswa kuli miima gya Roho.

⁵Kigira yava ava londa miima gyomubiri va ganagana vindu vyomubiri, navutswa yava ava londa miima gya Roho va ganagana vindu vya Roho.

⁶Kigira liganagana lyomubiri li yeye likudza; navutswa liganagana lya Roho li veye livamwoyo, kandi ii veye mirembe.

⁷Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza:

⁸kandi yava ava veye mu mubiri si va nyala kuyanzidza Nyasaye.

⁹Navutswa mwinye si mu veye mu mubiri, navutswa mu Roho, Roho wa Nyasaye na a va na a menya mu mwinye. Navutswa ku vosi u ta veye na Roho wa Kristo si a li wewe mba.

¹⁰Kandi Kristo na a va na a veye mu mwinye, mubiri gu kudzi kigira ubwoni; navutswa roho gu veye mwoyo kigira bulungi.

¹¹Navutswa Roho wa uyu wa simugukidza Yesu kutwula mu vakudzu na a va na a menya mu mwinye, uyu wa simugukidza Kristo Yesu kutwula mu vakudzu, kandi a la simugukidza imibiri gyenyu gyeli kudza klgira Roho wewe u menya mu mwinye.

¹²Kunangwa kigira yaga, ava mitu, ku veye neligovi navutswa si li veye lyomubiri kumenya mu liva lyomubiri:

¹³kigira ni mu va ni mu menya mu liva lyomubiri, mu la kudza; navutswa ku Roho ni mwiita likola lyomubiri, mu la va mwoyo.

¹⁴Kigira ku vosi ava Roho wa Nyasaye yimirira, yava nivo avana va Nyasaye.

¹⁵Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada.

¹⁶Roho mwene a lolekidza halala na roho gyetu ku veye avana va Nyasaye:

¹⁷ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

¹⁸Kigira mbola ubusaliri bwenyinga ya kalunu yiyi si bu duka kuleng'anywa nobukumi bu li lang'aminywa ku kwinye.

¹⁹Kigira lihenzerera lyevilombe li linda lila ng'aminywa lya avana va Nyasaye.

²⁰Kigira vilombe vya vikwa vyavutswa, si vya twula ku lyenya lyavyo, navutswa ni kigira uyu wa vi vika ndiyo mu lisuuviridzwa;

²¹kigira vilombe vyene vi la kolwa viboholole kutwula mu butugwa bwobwoneku, vi duke mu libohololwa lyobukumi bwa avana va Nyasaye.

²²Kigira ku manya vilombe vyosi vi kenyanga nokulola busaliri kuduka kali kalunu.

²³Navutswa si ga li yaga geng'ine, navutswa kwinye kandi ava ku veye nobuhya bwa Roho, kali kwinye ku kenyanga avene, ku lindirira libugirirwa kuva avana, nalyo nobuhonnyi bwemibiri gyetu.

²⁴Kigira kwa honnywa mu lisuuviridzwa: navutswa lisuuviridzwa li lolangwa si li veye lisuuviridzwa mba: kigira ibwaha u henzerera kya u mali kulola?

²⁵Navutswa ni ku henzerera kya ku ta lolanga, ku ki lindirira nobwikudziri.

²⁶Kandi ndiyo Roho a ku konyanga ku budedekere bwetu: kigira si ku manya kusaala kuli ga ku dukira; navutswa uyu Roho mwene a ku saalira nelikenya li ta nyalika kukenywa.

²⁷Kandi uyu widera nga mu myoyo a manya tsiganagani tsya Roho, kigira a saalira vatakatifu kuli ubulaliri bwa Nyasaye.

²⁸Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

²⁹Kigira ava ya manya imbiri, yava kandi ya vaahula va fwananywe nelifwana lyo Mwana wewe, a duke kuva wokutanga kwivulwa ku vamwavo vanyingi.

³⁰Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi.

³¹Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

³²Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

³³Ibwaha a la yala avatovole va Nyasaye? Ni Nyasaye u mali kuvaha ubulungi;

³⁴uyu ni bwaha u kalaga likalaga lyobwoni? Ni Kristo Yesu wa kudza, yee ligali, uyu wa simugukidzwa kutwula mu vakudzu, u veye ha mukono mulungi gwa Nyasaye, kandi niye u ku saaliranga.

³⁵Ibwaha a la kwavukanya ku nobuyanzi bwa Kristo? Kivi, naho ubusaliri, naho lidambidzwa, naho inzala, naho chahonyo, naho ubuhimwa, naho kivavi?

³⁶Kuli ga ng'odwa Kwiitangwa mbasu pei kigira ive; Ku volangwa ku veye magondi gokwiitwa.

³⁷Navutswa ku vindu yivi vyosi ku kira kuva avaguuti, kigira uyu wa ku yanza.

³⁸Kigira mmanya ligali likudza, kinga livamwoyo, kinga tsingelosi, kinga ubunene, kinga vindu vya kalunu, kinga vindu vidzanga, kinga tsingulu,

³⁹kinga kitambi, kinga kya yavira hasi, kinga kilombe kindi ku vyosi, si vi nyala kukwavukannya ku buyanzi bwa Nyasaye bu veye mu Kristo Yesu Mwami wetu.