Read lulogooli 1 Vakorintho 10 Bible Online

1 Vakorintho 10 - lulogooli bible

1 Vakorintho 10

¹Kigira si nyenya mwinye, avamitu, mu vule kumanya avaguga vetu vosi va li mu lilesi, kandi vosi va vita mu inyanza;

²navo vosi va batidzwa va gwe ava Musa mu lilesi nomu inyanza;

³navo vosi va lia kyokulia kilala kya roho

⁴kandi vosi va nwa kyokunwa kilala kya roho: kigira va nwa ku lwanda lwa roho lwa va londa: nolwanda yilwo lwa li Kristo.

⁵Navutswa avanyingi kuvo si va yanzidza Nyasaye: kigira va dividzirwa mu kyangalangwi.

⁶Kunangwa vindu yivi vya li viioleru vyetu; ku ta kayirwa vindu vidamano kuli yavo va kayi rwa.

⁷Kandi mu ta va ava londa misambwa kuli avalala kuvo va kola kuli ga ng'odwa, Avandu vikala kulia nokunwa, kandi va singira kukina.

⁸Kandi ku ta kola malaya kuli avandi kuvo va kola, ni va gwa lidiku lilala avandu tsielfu amakumi gaviri na tsivaka.

⁹Kandi ku ta geridza Mwami kuli avalala kuvo va mu geridza, ni viitwa netsinzoka.

¹⁰Kandi mu ta monya kuli avalala kuvo va mo nya, nomudividzi ya va dividza.

¹¹Kunangwa vindu yivi vyosi vya va gwira vi ve viloleru; kandi vya ng'odwa kigira lyeganehidzwa lyetu, avekiheri kyenyinga ki dukira.

¹²Kigira yaga, uyu u ganagana a singiye, a henze bulahi gase a la gwa.

¹³Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

¹⁴Kigira yaga, avayanze vange, mwiruke miima gyemisambwa.

¹⁵Mbola kuli mbolera avageeri; mu henze aga mbola.

¹⁶Kikombe kyobugasu kya ku gasidza si ki veye lisanga lyamasahi ga Kristo? Ubukima bwa ku megannya si bu veye lisanga lyomubiri bwa Kristo?

¹⁷Kigira kwinye ava ku veye vanyingi ku veye mulango mulala kandi mubiri mulala: kigira kwosi hiu vugulanga ku kidonyi kyomulango mulala.

¹⁸Mu henze Israeli wa va veye ku mubiri: yava ava litsanga tsisadaka si va veye nelisanga nobwali?

¹⁹Kunangwa mbola ki? Ki lombangwa ki ve isadaka yomisambwa ki veye kindu? Naho mbole kif wananyi kyene ki veye kindu?

²⁰Navutswa mbola vindu vye Tsihiri tsi lombanga vi ve isadaka va lombera amademone, si va lombera Nyasaye: inze si nyenya mwinye mu sange namademone.

²¹Si mu nyala kunwa kikombe kyo Mwami nekikombe kyamademone: si mu nyala kusanga ku mesa yo Mwami noku mesa yamademone.

²²Naho ku kendekidza Mwami? Ku veye netsingulu kumuvita?

²³Vindu vyosi vi veye vinyalika, navutswa si vi li vyosi vi konyanga. Vindu vyosi vi veye vinyalika navutswa si vi li vyosi vyombakanga.

²⁴Navutswa mundu a tenya vivye navutswa vyowakye.

²⁵Vyosi vi gulangwa mu kitu mu lie, mu ta teveridza kigira mwoyo;

²⁶kigira lirova li veye lyo Mwami, nevindu vizula mu.

²⁷Mundu u ta suuvira na a mu langa mu tsie kllihullea, ni mwenya kutsia, mu lie ki vikeywi imbiri wenyu, mu ta teveridza kigira mwoyo.

²⁸Navutswa mundu na a mu volera, Inyama yiyi i lombeywi i ve kisyuviriru, mu ta lia mba, kigira uyu u vuuye, kandi kigira mwoyo:

²⁹mbola mwoyo, si gu veye gugwo, navutswa gwowundi; kigira ki libohololwa lyange li kalagirwa nomwoyo gwowundi?

³⁰Inze ni mba ni ntumekira netsimbabasi, kigira ki nyegerangwa ku yiki kya nsantidzira?

³¹Kunangwa ni mu va ni mu lia naho ni mu nwedzanga, naho ni mu kola ku vindu vyosi mu kole vindu vyosi mu kuminye N; asaye.

³²Mu ta leta likigitala ku Vayuda kinga ku Vagreki, kinga ku livugana lya Nyasaye:

³³ga ve kuli inze nyanzidza avandu vosi ku vindu vyosi, ni mbula kwenya vyambeti vyange mwene, navutswa vyambeti vyavanyingi, va.