Read lulogooli 1 Vakorintho 14 Bible Online

1 Vakorintho 14 - lulogooli bible

1 Vakorintho 14

¹Mu lorlde ubuyanzi; halala na yaga mwenye ligali vihaanwa vya roho, navutswa kindu kinene mu duke kuprofeta.

²Kigira uyu u volanga lundi lulimi si a volera vandu, navutswa a volera Nyasaye; kigira si ha veye nomundu u huliranga; navutswa mu roho gwigwe a volanga vindu vi viseywi.

³Navutswa uyu u profetanga a volera avandu vindu vyelyombaka, nevyokukonya, nevyokuleminya mwoyo.

⁴Uyu u vola nga nolulimi yeyombakiranga mwene; navutswa uyu u profetanga yombakanga livugana.

⁵Kunangwa nyenya mwinye mwosi kuvola netsinimi, navutswa kinene nokuprofeta: kandi uyu u profetanga a veye munene kuvita uyu u vola netsinimi, bugira na a ta girunkannya, livugana li duke kwombakwa.

⁶Navutswa kalunu, avamitu, inze ni mba ni ntsitsa ku mwinye nokuvola netsinimi, nda mu konya ki, bugira ni nta vola mu livuula, kinga mu limanya, kinga mu liprofeta, kinga mu lyegidza?

⁷Kali vindu vi ta li nelivamwoyo, ni vi kupa ulwanga, ni ki va kisiliva, kinga ubukana, ni vi ta kupa ulwanga olu veye nelyavukana ga la manyekana ndi ulwanga lwekisiliva kinga lwobukana?

⁸Kigira ling'alala ni li kupa lwanga lu ta manyekana bulahi, ibwaha u nyala kwetegeka ku lihe zana?

⁹Kandi mwinye mu veye ndiyo, ni mu ta vola amakuva nolulimi lu ta manyekana bwangu aga volangwa zana ga la manyekana ndi? Kigira mu la va ava volera mwika.

¹⁰Mbula tsi veye ho tsinimi tsinyingi mu lirova, si ha veye nolulala olu ta veye nemiima gyalyo.

¹¹Kunangwa ni nta mmanya miima gyomwoyo, nda va mugeni ku uyu u volanga, ka ndi u volanga a la va mugeni ku inze.

¹²Kandi mwinye mu veye ndiyo, kigira mu kayirangwa kunyola vihaanwa vya Roho, mwinye mu duke kukiridzirwa kigira lyombaka livugana.

¹³Kigira yaga uyu u volanga netsinimi a saale a duke kugirunkannya.

¹⁴Kigira ni mba ni nsaala netsinimi, roho gwange gu saala, navutswa ubugeeri bwange si bu nyola makuyu.

¹⁵Kunangwa ni kindu ki? Nda saala na roho, nda saala nobugeeri kandi: ndimba na ro ho, kandi ndimba nobugeeri.

¹⁶Kinga nu u va nu u gasidza na roho, u veye haluvega lwa u ta manya a la vola ndi, Amini, ku lisantidza lilyo, na a ta manyi aga u volanga?

¹⁷Kigira ive ligali u santidza bulahi, navutswa wundi si yombakwa.

¹⁸Nsantidza Nyasaye kigira mbola netsinimi kuvita mwinye vosi;

¹⁹navutswa mu livugana nyenya kuvola amakuva gatano nobugeeri bwange, nduke kwegidza avandi, kuvita livola netsinimi amakuva tsielfu likumi.

²⁰Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

²¹Ga ng'odwa mu lilaga, Nda volera avandu yava netsinimi tsindi, kandi neminwa gyavageni; navo si va li mbulira, kali ku yago, Mwami a vola.

²²Kigira yaga tsinimi tsi veye kilolekidzu, kandi si tsi veye tsya yavo ava suuvira, navutswa tsya yavo ava vula kusuuvira: navutswa liprofeta li veye kilolekidzu, si ki veye kya yavo ava vula kusuuvira navutswa kya yavo ava suuviranga.

²³Kunangwa livugana lyosi ni li va ni li vugana halala, na vosi va vola netsinimi, kandi ni vingira avandu ava vula kumanya kinga ava vula kusuuvira, si va la vola mu veye avalalu?

²⁴Navutswa vosi ni va va ni va profeta, kandi ni yingira mulala wa vula kusuuvira kinga wa vula kumanya, vosi va mu vuuliye, vosi va mu kalagiye;

²⁵vindu vyomu mwoyo gwigwe vi viseywi vi lang'aminyeywi; ma a la gwa mammama nokusigamira Nyasaye, na hene yaho a la vola Nyasaye a veye hagati henyu ligali.

²⁶Ni kindu ki, avamitu? Lwa mu vugani halala mundu sa mulala a veye na zaburi, a veye nelyegidza, a veye nelivuula, a veye netsinimi, a veye neligirunkannya. Vindu vyosi vi kolwe kigira liyombaka.

²⁷Ku vosi mundu na a vola mu tsinimi, ga ve ku vaviri kinga ga ta vita vavaka, kandi va londane, kandi mulala a girunkannye:

²⁸navutswa ni ha ta veye nomugirunkannyi a kiring'ane mu livugana; yevolere mwene, kandi a volere Nyasaye.

²⁹Avaprofeti va vole vaviri kinga vavaka, na vandi videre.

³⁰Navutswa wu ndi wikaye himbi na a va na a vuu leywi kindu, wembiri a kiring'ane.

³¹Kigira mwosi mu nyala kuprofeta sa mulala, vosi veyegidze, kandi vosi va leminywe mwoyo;

³²kandi roho gyavaprofeti gyegehidzira avaprofeti;

³³kigira Nyasaye si a li Nyasaye wekivihiri, navutswa wemirembe; kuli ga veye mu mavugano gosi ga vatakatifu.

³⁴Avakali va kiring'ane mu livugana: kigira si va veye nomunwa kuvola; navutswa vegehidze kuli welilaga li vola.

³⁵Navo ni venya kuhulira kindu, va tevere avasatsa vavo avene yengo: kigira ni tsisoni mukali kuvola mu livugana.

³⁶Ni kindu ki? Iikuva lya Nyasaye lya twula ku mwinye? Naho lya duka ku mwinye mweng'ine?

³⁷Ku vosi mundu ni yeganagana kuva muprofeti, kinga wa roho, a manye yaga ga mmu ng'odera, ga veye malago go Mwami.

³⁸Navutswa ku vosi mundu u veye musiru, a ve musiru.

³⁹Kigira yaga, avamitu, mwenye ligali kuprofeta, kandi mu ta gaya kuvola netsinimi.

⁴⁰Navutswa vindu vyosi vi kolwe kuli wa ga dukanga, kandi kuli miima milahi.