Read lulogooli 1 Vakorintho 15 Bible Online

1 Vakorintho 15 - lulogooli bible

1 Vakorintho 15

¹Kalunu, avamitu, mmannya mwinye ivangeli ya nda mwilwadzira, ya mwa vugula, niyo ya mu singiye muyo,

²kandi niyo ya mu honnyeywi mu, ni mu gumira ligali likuva lya nda mwilwadzira, ni mu ta mwa suuvira vutswa.

³Kigira mmali kumuha kutanga yaga aga nda vugula: kuli Kristo ya kudza kigira ubwoni bwetu kuli mang'oda;

⁴kandi ya tebwa; kandi u mali kusimu gukidzwa ku lidiku lya kavaka kuli mang'oda;

⁵kandi kuli ya loleka ku Kefa; kandi Ja loleka ku ava li likumi na vaviri;

⁶kandi ya loleka ku avamitu ava vita tsimia tsitano halala avobunyingi bwavo bu kikiri ho kali kalunu, navutswa avalala kuvo va mali kugona;

⁷kandi ya loleka ku Yakobo; kandi ya loleka ku vatumwa vosi;

⁸inyima wa vosi kuli wivulwa mu inyinga i ta dukani, ya loleka ku inze.

⁹Kigira inze mbeye mke ku vatumwa, u ta dukani kulangwa mutumwa, kigira nda dambidza livugana lya Nyasaye.

¹⁰Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.

¹¹Kunangwa na a va na a veye inze, kinga ni va va ni va veye yavo, na ndiyo kwilwadzanga, kandi ni ndiyo mwa suuvira.

¹²Kunangwa Kristo na a va ni yilwadzangwa ya simuguka kutwula mu vakudzu, ga veye ndi avalala hagati henyu va vola si ha veye nelisimugukidzwa lyavakudzu?

¹³Navutswa ni ha va ni ha ta veye nelisimuguka lyavakudzu, kandi Kristo si ya simugukidzwa:

¹⁴kandi Kristo na a va ni ya vula ku simugukidzwa, lilwadza lyetu li veye vutswa, kandi lisuuvira lyenyu li veye vutswa.

¹⁵Kandi kwinye ku loleywi kuva avaloli vobubehi va Nyasaye; kigira kwa lolekidza ku Nyasaye ya simugukidza Kristo wa ya vula kusimugukidza, avakudzu ni va va ni va vula kusimugukidzwa.

¹⁶Kigira avakudzu ni va va ni va vula kusimugukidzwa, kandi Kristo si ya simugukidzwa:

¹⁷kandi Kristo na a va ni ya vula kusimugukidzwa, lisuuvira lyenyu li veye vutswa; kuduka kalunu mu veye mu bwoni bwenyu.

¹⁸Kandi yava ava mali kugona mu Kristo va divi.

¹⁹Kwinye ni ku va ni ku suuviye mu Kristo mu inyinga yiyi yeng'ine, ku veye avayingu kuvita avandu vosi.

²⁰Navutswa kalunu Kristo u mali kusimuguka kutwula mu vakudzu, ubuhya bwa yavo ava gonanga.

²¹Kunangwa kigira likudza lya dukira ku mundu, kandi lisimuguka lyavakudzu lya dukira ku mundu.

²²Kigira kuli vosi va kudzira mu Adamu, kandi ndiyo mu Kristo vosi va la kolwa kuva mwoyo.

²³Na vutswa sa mulala a veye ku bwibwe mwene: Kristo a veye ubuhya; ulwenyima ava veye va Kristo mu lidza lilye.

²⁴Hene yaho kiheri ki la duka, ma Kristo a la ha Nyasaye Dada ubwami, lwa a li mala kuheridza ubwamefu bwosi, nobugali bwo si, netsingulu tsyosi.

²⁵Kigira ga mu dukira yamehe a luhe a duke kuvika avasigu veve vosi isi wetsinduvatiru tsitsye.

²⁶Musigu muheriridzi wokuheridzwa a veye likudza.

²⁷Kigira ya vika vindu vyosi isi wetsinduvatiru tsitsye. Navutswa lwa a vola, Vindu vyosi vi vikeywi isi, vi loleka uyu wa vi vika isi si a veye isi.

²⁸Kandi lwevindu vyosi vi li vikwa isi wewe, hene yaho Mwana mwene a la vikwa isi wa uyu wa vika vindu vyosi isi wewe, Nyasaye a ve vyosi mu vyosi.

²⁹Ni ga ta li ndiyo, va la kola ki yavo ava batidzwa kigira avakudzu? Avakudzu ni va va ni va ta simuguka ligali, va batidzangwa kigira avakudzu kigira ki?

³⁰Kandi kwinye ku veye mu buhimwa tsinyinga tsyosi kigira ki?

³¹Avamitu, mbolanga ku lidzominya lyange lya mbe nalyo kigira mwinye, mu Kristo Yesu Mwami wetu, nkudzanga lidiku nelidiku.

³²Ni mba ni nonda miima gyavandu ni nkupana netsinyama tsyomulitu Efeso, ga la nkonya ki? Avakudzu ni va va ni va vula kusimugukidzwa, gendi ku lie, noku nwe kigira mugamba ku la kudza.

³³M u ta gadwa mba: Ubu hambani ubudamano bwononnyanga miima milahi.

³⁴Vuki bulahi, mu ta va mu lihambika, mu ta kola ubwoni; kigira avandi si va veye nelimanya Nyasaye: mbola yaga kumulegannya.

³⁵Navutswa mulala a la vola, Avakudzu va la simugukizwa ndi? Kandi va twulanga nomubiri ku lugano ki?

³⁶Ive musiru, kya u taga si ki hebwangwa livamwoyo ni ki va ni ki vula kukudza.

³⁷Kandi kya u taga, si u taga mubiri gu li va ho, navutswa i veye inzoli vutswa, mbula i veye yengano, kinga yolugano lundi;

³⁸navutswa Nyasaye a gi hedzanga mubiri kuli a yanza kandi ku tsinzoli tsyosi a tsi hedzanga imibiri gyatsyo tsyene.

³⁹Tsinyama tsyosi si tsi veye lugano lulala: navutswa i veye ho inyama yomundu, kandi i veye ho inyama yindi yevirenge vine, kandi i veye ho inyama yindi yamanyonyi, kandi i veye ho yetsisudzi.

⁴⁰Kandi gyi veye ho imibiri gyomigulu, nemibiri gya hasi: navutswa ubukumi bwegyomigulu bu veye lugano lulala, nobukumi bwegyahasi bu veye lugano lundi.

⁴¹Ha veye nobukumi bweliuva, nobundi bwomweli, nobundi bwetsing'ereng'ani; kigira tsing'ereng'ani tsyavukananga mu bukumi bwatsyo.

⁴²Kandi ga veye ndiyo mu lisimuguka lyavaku dzu. Gu tagangwa mu bwoneku; gu simugukidzangwa mu livula kwoneka:

⁴³gu tagangwa mu livula kwidzominywa; gu simugukidzangwa mu lidzominywa: gu tagangwa mu budedekere; gu simugukidzangwa mu tsingulu:

⁴⁴gu tagangwa mubiri gwomwika; gu simugukidzangwa mubiri gwa roho. Ni ha va ni ha veye nomubiri gwomwika, kandi ha veye nomubiri gwa roho.

⁴⁵Kandi ndiyo ga ng'odwa, Mundu wembiri Adamu ya gwa mwika gwelivamwoyo. Adamu wenyima ya gwa roho gu haana livamwoyo.

⁴⁶Navutswa uyu wa roho si a li wembiri, navutswa uyu womwika, lwenyima uyu wa roho.

⁴⁷Mundu wembiri ya twula mu lirova, a veye wamarova: mundu wa kaviri ya twula migulu.

⁴⁸Kuli uyu wamarova a veye, va veye ndiyo kandi avamarova: kandi kuli uyu womigulu a veye, va veye ndiyo kandi avomigulu.

⁴⁹Kandi kuli kwa vugula ligondo lya uyu wamarova, na ndiyo kwinye ku la vugula ligondo lya uyu womigulu.

⁵⁰Kalunu mbola yaga, avamitu, inyama namasahi si ga nyala kunyola ubwami bwa Nyasaye; kinga ubwoneku si bu nyala kunyola ubu ta li ubwoneku.

⁵¹Henzi, mbolera mwinye inkuva i viseywi: Kwinye si ku la gona vosi, navutswa ku la giru nkanywa vosi,

⁵²nonoho, kuli li vunavuna lyemoni, lwa ki li kupwa kisiliva kyekiheri: kigira kisiliva ki langirira, navakudzu va la simugukidzwa va ta li nobwoneku, na kwinye ku la girunkanywa.

⁵³Kigira ga dukira ubwoneku yibu bu vikwe ubu ta li tlbwoneku, kandi lihambana nelikudza li vikwe livula kukudza

⁵⁴Navutswa ubwoneku yibu lwa bu li mala kuvikwa livula kwoneka, ka ndi lihambana nelikudza lwa li la mala kuvikwa li vula kukudza, hene yaho li la duka livola lya ng'odwa yili, Likudza li mireywi mu liguutwa

⁵⁵Ive likudza, liguuta lilyo li veye haliha? Ive kihadisi, ulusere lulwo lu veye haliha?

⁵⁶Ulusere lwelikudza lu veye ubwoni; netsingulu tsyobwoni tsi veye lilaga:

⁵⁷navutswa Nyasaye a santidzwe u ku hedzanga liguuta kigira Yesu Kristo Mwami wetu.

⁵⁸Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.